رد: 12# دكتور تامر (fhd737)
 

بس يا دكتور تامر نسيت حاجه مهمه
انت على كرسي الاعتراف
يعني بسئلك علشان استفيد من خبرتك و علشان اعرف حضرتك بتعمل ايه ptmnlo123per1127
حاجه كمان
ازاي الدكتور يقدر يقيم شغله ماديا
يعني يفرق ايه الدكتور الي هايعمل زايده و ياخد فيها 300 جنيه عن الدكتور الي هاياخد 3000 جنيه مش هايعمل نفس الكلام
يعني بالنسبه ليا انا عاييش في دمياط و ناس كتير بيجولنا المستشفى و انا لما بسمع اجور الدكاتره غير طبعا حساب المستشفى بصراحه بزعل و اتكلمت مع بابا كتير في الموضوع ده و بقوله مش ده حرام <مع اني شخصيه انتهازيه ههههههههه>
كمان حاجه كيفيه اتخاذ القرار بالنسبه لمصير العيان كيف تأخذ قراراتك طبعا بالنسبه لخبرتك
معلش تقلت عليك قوي قوي قوي بس اخوك الصغير و بيتقل عليك
حاجه اخيره قبل ماانسى
ايه رايك في الطب حاليا في مصر و الي بيحصل للعيانين و الدكاتره
يعني مرتابات الدكاتره الي مش مكفيين عيش حاف و بالطبع بيأثر على العيانين بعد كده
ايه رأيك

رد: 12# دكتور تامر (fhd737)
 

*بالنسبه للعائد المادى بالنسبه لى وبعد ثمانى سنوات من ممارسه الطب باحتراف لم انظر له فى مرة بمعنى ألف زى عشرة لا تفرق والحمد لله أشعر بانى الافضل ماديا ولا توجد عندى ادنى مشكله ماديا
يجب ان نرحم الناس حتى يرحمنا الله والعمل الخارجى لمن يدفع ومن لا يدفع 00أقسم بالله لم أطلب من مخلوق قرش والسكرتيره عندها تعليمات بعدم طلب مليم من مريض واللى ما يدفعش ياخد دوره ومع السلامه وانا ادعو له بالشفاء00فالماده غايه من لا يؤمن بالله وبأن المستقبل ورغد العيش لا يستقيم الا براحه البال والضمير ودعاء المحتاج00
هل تتخيل ان يقول لك مريض:حرام عليك يا دكتور لسه حد بيكشف بعشره جنيه خليهم عشرين!
وقمت فى اول العام بزياده الكشف ل11 جنيه بعد خمس سنوات من تثبته وركبت تويوتا 2008 والحمد لله!
*بالنسبه لاخذ القرار للمريض يكون حسب الحاله وما تحتاجهمن فحوصات وعلاج فى الضرورى فالمهاره ان تطلب فحوصات فى الضرورى فقط وانا اكتب علاج نوع او اتنين او ثلا ثه بالكثير واجتهد فى معرفه أجود وأرخص دواء00 وقد تفاجىء عندما تعرف ان الروشته لا تزيد عن 20 جنيه فى معظم الحالات والنتيجه ممتازه باذن الله لانها فى النهايه رساله وليست تجاره والعياذ بالله فمن لا يرحم لا يرحم
*الطب فى مصر متأخر لانه يفتقد لمهارات التدريب العملى الجيد باستثناء المستشفيات الجامعيه وضعف دورات الوزاره والعمل المفرد وليس المؤسسات الجماعيه والا مبالاه فى المستشفيات الحكوميه والاهمال
وبالنسبه للاجور فقد تحسنت كثيرا فى عهد الجبلى وهى مشكله اقتصاديه كما يدعون فى حين ان العامل فى الاتصالات والكهرباء والبترول أجره اكبر من طبيب حاصل على الدكتوراة فى الصحه والتأمين الصحى له أفضل من الطبيب!

رد: 12# دكتور تامر (fhd737)
 

دكتور تامر
ايه رايك فى الحب والمرأة والزواج

رد: 12# دكتور تامر (fhd737)
 

هو قلب موضوع طبي و لا ايه ؟؟ "فيها لاخفيها"
اقولكم خللوا موضوع الطب و التخصص و الفلوس دا في نقاش لوحده علشان ندي د. تامر فرصة يجاوب علي اسئلة الناس المفترية
انا..انا غلبان مش مفتري
بس استني عليا شوية هطلعلك بسؤالين عقر مش من المنهج

رد: 12# دكتور تامر (fhd737)
 

*الحب هو كأس من العسل ينبع من رحيق الجنه ويروى من عصير الربيع لايناله الا الخاصه ولايتمتع بمذاقه الا رائقى النفوس00
يعيش بتلاقى الارواح وينمو بامتزاج الانفس ويترعرع بدفء وصفاء المشاعر ويسمو بتبادل الفناء فى محرابه
*الزواج اكتمال الروح وسكنها فى دار الحمايه
اكتمال النفس واحتضانها لنصفها المفقود
*اما المراة فهى كالنار قد تكون دفئا وحنانا وقد تكون لهيبا وجحيما
قد تكون ربيعا بهيجا بديع المنظر شهى المذاق متدفق الجمال طيب الرائحة
وقد تكون خريفا مكروه الرؤية لاذع الطعم كريه الملامح خبيث النسائم