مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - بخصوص صاج BYD f3 (https://www.masrmotors.com/vb/showthread.php?t=70955)

رد: بخصوص صاج BYD f3

اقتباس:

المشاركة الأصلية كتبت بواسطة ahmed zohier (المشاركة 544849)

اولا السلام عليكم ورحمه الله وبركاته

انا كنت من اشد المعجبين للعربيه في الاول لكن وبعدين طلع فيها مشاكل ملهاش اول من اخر وامشي معايا واحده واحده ولو حد معندوش العيوب ديه يرد :-

1- العربيه صاجها اخف منما يمكن يعني لو خبط في عجله الصاج هيطبق ولو حد سند عليها الصاج هيطبق ومع اول شهر هتلاقي الصاج عمل نقر كتير واضعف حاجه فيها الابواب .

2- العربيه الفتيس بتاعها خشن كأنك راكب عربيه شاهين واسوأ واتحدى اي واحد يقدر ينقل من الثاني للأول وهو ماشي لازم تقف تماما علشان تجيب الغيار والفتيس وانتا بتنقل تحس انو فيه تروس بتتكسر .

3- بالنسبه لمشكله التيل كل ما هدوس فرامل على البطىء هتسمع صفاره عاليه وحتى لو غيرتو في التوكيل او بره هتلاقي نفس المشكله وكل الناس بتشتكي من العيب ده .

4- العربيه في المطبات ناشفه والمساعدين بتوع العربيه اسوأ منما يمكن واللي مش مصدق روح كده عند شنطه العربيه واضغط بأيدك هتسمع صوت تزيق ورزع .

5- وانتا ماشي براحه على الغيار الاول والثاني هتسمع صوت ونه بروح مع الفرامل .

6- صوت الماتور بعد 100كم عالي جدا جدا جدا .

7- استهلاك البنزين عالي يعني الصفيحه هتعمل 350-370 كم

8- دريكسيون العربيه سعات بيكون خفيف وسعات بيكون تقيل جدا .

غير كده والاهم تقفيل العربيه ردىء وتحس انو معمول عند توكيل بليه
والعربيه بيبان عليها الاهلاك بسرعه وسعرها لو هتبيعها مستعمل بيخسر حوالي 15000 جنيه
وربنا يستر عليا وعلى اللي راكبها

الكلام ده مش صحيح بالمره .. العربيه من أحسن العربيات اللى فى مصر .. وتنافس وتتفوق على كتير من العربيات الكوريه وكمان الأوروبيه

رد: بخصوص صاج BYD f3

https://fbcdn-sphotos-g-a.akamaihd.n...12412501_n.jpg

معا احترامى ليـــك
أنـــا حـــاســس أنـــك بتـكـلم على عربيه تانيه
ياراجل دانا العربيه معايا تاكسى من 2010 يعنى عربيه بتتهلك ومفيش الى انت بتتكلم فيه دا
عربيتك انت ممكن تكون فيها حـــــــاجـــات بايظه عايزه تتظبط ومتردش عليا تقولى انا عربيتى يعتبر زيرو
لانى انا بكلمك على تاكسى

رد: بخصوص صاج BYD f3

انا ركبت مع اكتر من سواق تاكسى وشكر فيها
بس الكل اجمع على ان تيل الفرامل يتاكل وبتنساه لو غيرته بتيل التايوتا
وانا راى الخاص ان عربيه متورها متسوبيشى وفتيسها متسوبيشى والاتوماتيك منها نيسان وعفشتها ذى عفشة التايوتا تستحق الاحترام
والاهم من ذلك ان ثبت ان العربيه التاكسى فى مصر تبقى عشره على عشره

رد: بخصوص صاج BYD f3

اقتباس:

المشاركة الأصلية كتبت بواسطة wesby (المشاركة 926994)

كلامك صح مليون فى المائه وعلى فكره فى عربيات درجه ثالثه بتنزل لمعارض وبتباع بسعر ارخص من سعر السوق

رد: بخصوص صاج BYD f3

ربنا يهدى الجميع واختلاف الراى لايفسد للود قضيه