مصر موتورز مجتمع السيارات - تبا لك ايتها الفراخ الملعونه

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - تبا لك ايتها الفراخ الملعونه (https://www.masrmotors.com/vb/showthread.php?t=67847)

رد: تبا لك ايتها الفراخ الملعونه

اقتباس:

المشاركة الأصلية كتبت بواسطة fourseasons (المشاركة 514791)

اجدع حاجة دلوقتى الواحد يفتح التلفزيون يلاقى حبة فراخ شركسى عارفينها ديه الفراخ الى من غير ريش على رقبتها.المهم يقعدوا يكاكو يكاكو و يقولوا الرئيس المخلوع الرئيس المخلوع.معلش عشان محدش يقول عليا انى واحد فول بالزيت الحار هاهاهاها:hehehe: انا كنت بكرهوا جدا و اكيد مفيش حد فينا مكنش بيدعى عليه كل ميمشى فى الشارع و يشوف السلبيات الى وصل ليها المجتمع و نقعد ندعى عليه.المهم نرجع لموضوعنه قصدى كارتوتنتنا هاهاها:hehehe::hehehe: و كل يوم بنشوف الفراخ الشركسى ديه و هيا عمالة تشتم و تتكاكى وهيا كانت تتمنى بس ان الديك الكبير بس يعبرها و يبصلها بصه و لو نادى عليها تلاقيهم رهوانات عليه و يبوسوه مخالبه :hehehe::hehehe: هو كان و حش لا جدال على كده بس كان للأسف سادد باب العشة و مكنش فيه فرخة تجرؤ تتلع بره العشة لاكن هوب الديك اتاخد و اتدبح و قابل يا معلم الفراخ كلها انطلقت فى الحارة و قفش فى الفراخ ابويا الحاج عضمة:hehehe::hehehe:

بالنسبه للفراخ اللي بتكاكي دلوقتي ف حق الديك المخلوع وكانوا قبل كده بيبوسوا المخالب احب اقولك دي كلها فراخ مفقوسه ..... :fun_36_3_10[1]:
طبعا هما كانوا ف ديك الساعه لما الديك يعبرهم ؟

رد: تبا لك ايتها الفراخ الملعونه

الاستاذ يحي شرف سأل سؤال لو معاك خمسه مليار تعمل بيهم ايه
وبغض النظرعن الكلام المكرر والمعاد عن التبرع لمصر والخير والمجتمع و ما الى ذلك
اتعهد اذا مسكت هذا المبلغ ف ايدي استخدم جزء كبير منه في اطلاق الحمله القوميه لمكافحة البيض الحكومي والمجتمعي
وهي كالتالي
برنامج شامل للمعاش المبكر لجميع موظفي الدوله عن طريق اعفاء الموظفين الحاليين من مناصبهم وتعويضهم بمبالغ ماليه تساعدهم في العمل الحر
وليذهبوا الى حال سبيلهم الكويس والوحش ونعين بدلا منهم طقم جديد ع القد على قد ما الشغل محتاج بدون تكدس وطبقا للكفاءه وليس المحسوبيه ويشرف على الاختيار ناس اجانب ما يعرفوش الكوسه ولا المحسوبيه والاجانب دول على حسابي لحد ما يخلصوا شغلهم ويمشوا
الخطوه التانيه برنامج تفاوضي شامل مع كتاكيت المجتمع ف الفن والسياسه والصحافه للتقاعد المبكر مع التعويض اللازم بشرط اخذ اقرارات عليهم وشروط جزائيه بعدم التعرض للمواطن المصري بأغنيه او فيلم سافل او مقال مستفز او برنامج رزل ويكون الشرط الجزائي ساري من ساعة توقيع العقد
وياسلااااااااااااام
المواطن هايصحى ف يوم يروح مصلحه حكوميه هيلاقي موظفين عددهم قليل وكلهم نشاط وشغالين بيقولولوا الو الحكومه المصريه معاك صباح الخير على وزن الو فودافون صباح الخير
ويرجع البيت يفتح التلفزيون مايلاقيش برنامج غبي ويقرا الجرنان مايلاقيش كذب ف كذب ومايلاقيش سواق ميكروباص مشغل له اجباري اغنيه ممزوجه بأنغام البيض البلدي
وبكده اكون قدمت اعظم خدمه للوطن وقدرت اخلص المواطنين الغلابه من عدد كبير جدا من الفراخ الملعونه
بس هما فين الخمسه مريار دول
تبا لك ايتها المليارات المجنونه .... الن تقعي في ايدينا يوما

رد: تبا لك ايتها الفراخ الملعونه

أولياء الأمور: الإضراب بالمدارس فقط والدروس الخصوصية تعمل بانتظام
اهي دي بقى مشكله بيضيه عنيفه المدرسين عاملين اضراب عن شغل الحكومه علشان يزودوا المرتبات وهما اساسا مابيشتغلوش ف المدارس وفارضين على كل ولي امر انهم يقاسموه ف اكل عيشه بالفلوس اللي بيدفعهالهم دروس خصوصيه
انا حاسس انه هاييجي اليوم وهاتبقى الدروس الخصوصية هيا كمان سلق بيض

رد: تبا لك ايتها الفراخ الملعونه

اقتباس:

المشاركة الأصلية كتبت بواسطة yahiaashraf (المشاركة 514774)

ههههههههههههههههه

ايه حكايه البيض اليومين دول فى المنتدى

هنفتح قسم بيض مصر موتورز

هههههههههه

:soccer_372::soccer_372:: soccer_372::soccer_372::s occer_372::soccer_372:

بيض مقصات و لا بيض بارات :waving::hech:

رد: تبا لك ايتها الفراخ الملعونه

اقتباس:

المشاركة الأصلية كتبت بواسطة sherif fersh (المشاركة 516171)

بيض مقصات و لا بيض بارات :waving::hech:

:ROFL_C~118::ROFL_C~118:: ROFL_C~118::ROFL_C~118::R OFL_C~118::ROFL_C~118:
انت عارف يا استاذ شريف بيض المقصات ده اسمه بالانجليزي ball joint يعني وصله كرويه او وصله مفصليه في اللغات التانيه
احنا الشعب الوحيد اللي ترجم كلمة ball joint دي الى بيض