|
رد: خواطر شعريه
وسط الضباب
********** فى وسط الضباب بيختفى الاحباب وتمد أيدك للسراب والعتمة فارده لك جناح متعرفش فين طريقك راح تدوق العذاب قلبك ف خوفه داب عقلك بفكره جاب فى وسط الظلام أشباح وخوف كبير دباح وسط السكون جه صاح ومعاه عويل ونواح وبعيد لمح محراب قرب مالاقى باب خبط بعلو الصوت وكأن صوته ساح عنه مضيفه شاح شاف ف ليله الموت لحد ما جاله صباح وشىء ف نفسه راح أصبح وحيد بجناح<!-- google_ad_section_end --> |
رد: خواطر شعريه
غدر الحبيب
__________ حضر الجواب متعفر بالتراب مليان بالعذاب بيرمى اللهب فى وش الملهوف غدر الحبيب زرع فى نفسى الخوف من زمن غريب يا ما لسه نشوف الشاب شاب صوته أتخنق وغاب تحدفه الامواج ما يطوف والمر مالى الجوف يمسك ف طوف لكنه ساب الموت وجاب حب خاب<!-- google_ad_section_end --> |
رد: خواطر شعريه
ملحوظ جدا كثرة الفنانين والموهوبين بين الأطباء
عاش د تامر |
رد: خواطر شعريه
عادت شمسى
____________ عصفورتى لأين المسير؟ نعانق الأزهار أم فى السماء نطير نعبر الانهار أم نصعد للتل الكبير؟ أريد الانطلاق بعد طول الفراق عدنا بأمر الله ونعم المصير بعد عذاب شاق ولهيب نيران الاشواق عادت شمسى تبرق فى اشراق وأصبح أمسى ذكرى لحب باق رغم اللوعة رغم الاحتراق<!-- google_ad_section_end --> |
رد: خواطر شعريه
موت بحلمك
****** يا تعيش غريب يا ترحل مفيش نصيب جوة البدن فيك لهيب والخوف لنفسك دايما ربيب تركب لوحدك ع الفرس تهرب بحلمك م الحرس ما تلاقى يوم مجيب الكل خاف ضاع الحبيب دقت طبول دق الجرس لسان الكل مات وانخرس داق العذاب او حتى انقرص دخل الطاحونة عضمة انهرس موت بحلمك أو موت شهيد أهرب بعيد الحلم سيب ولا يوم ف أهلك مرة تعيب الظلم خيّم بظلامه افترس ضاع الامل ولا فيش فرص |
| الساعة الآن 04:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017