المشاركة الأصلية كتبت بواسطة albarbary (المشاركة 502675)

أكبر دليل على ضيق الأفق فى الحوار إن الناس بتوع 25 يناير فاكرين ان الموضوع كله حب لحسنى مبارك
الموضوع يا سادة يا محترمين تقييم لأداء حاكم حكم مصر لمدة 30 سنة ، هو عمل إيه صح و عمل ايه غلط ، لكن لا مؤاخذة هو لا هيجوز بنتى ولا بنتك علشان نحبه أو نكرهه
و بعدين مش افتكاسة يعنى ان تقولولى مبارك مش كان بيحارب لوحده ، ما انا عارف كويس كدا ، لكن الضربة الجوية هى مفتاح النصر مش فى أكتوبر بس ، لا دا لأى جيش فى العالم ، و افتكروا القصف الجوى استمر على العراق أد إيه قبل نزول القوات البرية
و بعدين على رأى لميس الحديدى لو حسنى مبارك فضل 30 سنة يحكمنا من غير أى انجازات و كنا ساكتين ، يبقى احنا نستاهل ضرب الجزم
بيقولك دخل المبيدات المسرطنة و التهم الجاهزة دى ، وباع بلده لإسرائيل ، أقسم بالله حاجة غلب ، وعار عليكم ، و الله عار عليكم الكلام دا، زى ما تكونوا حضراتكم أكثر وطنية من رئيس الجمهورية أو اللى بدعوا الكلام دا أكثر وطنية من رئيس الجمهورية ، طبياً مفيش حاجة اسمها مواد مسرطنة دا طبياً و علمياً و اسأل دكتور يكون فاهم و هيقولك ، و ثانياً أنا أبقى أجيب لك صورة تقرير يوضح نسبة السرطان فى مصر و دول العالم و ترتيب مصر فيها كام
الغاز لم يتم وقف تصديره لإسرائيل حتى الآن
و الغاز كان يتم تصديره وفقاً للسعر العالمى ، و كان يتم تصديره للأردن بنفس السعر العالمى ، السعر العالمى له حدين أقصى و أدنى ، احنا كنا بنصدر بالأدنى ، يعنى عادى مش خيانة و الهبل دا ، خيانة ايه و هبل ايه ، دا كلام مصاطب ، يقعد ابراهيم عيسى ولا حمدين صباحى و لا أيمن نور فى قناة فضائية و يقعد يملأ الدنيا كلاماً و هو كالطبل الأجوف يسمع قرعه من بعيد و باطنه من الخيرات خاو
و بعدين ما دام أحسن لك تقعد فى البيت و مش تعمل حاجة لبلدك يبقى حضرتك تلتزم الصمت بقى و متتكلمش فى حق واحد قاد البلد 30 سنة ، له مميزاته وله أخطائه زى أى حاكم فى الدنيا

المشاركة الأصلية كتبت بواسطة corsair (المشاركة 502712)

تصدق انا بستمتع جدا بالكلام بتاعكم ده بحس ان لسه في ذكاء خارق في البلد وبعدين مش انتا اللي تقولي اني التزم الصمت لانك متقدرش تحجر عليا لاني بعامل ربنا مش بعامل واحد خيره كان مغرقك انتا واللي زيك ولما اترمي في السجن حالكم اتبهدل من بعده بس علي فكرة موضوع انا مش حزب وطني وانك مش من المنتفعين الكلام ده مبيدخلش دمغنا ببصلة سيادتك في حاجه اسمها وبعدين انجازته ديه كانت من فلوس مين ولا هو كمان نزل بنفسه اسس المترو وهو اللي حفرله زي ما بتقوله عليه انه كان السبب في نصر اكتوبر

وبعدين اسمها له مميزاته وله فضايحه مش اخطاء في اخطاء تغتفر وفي خطأ واحد يمسح اي انجاز ممكن الانسان يتخيله وده كانت اخطأه بسم الله ما شاء الله لا تعد ولا تحصي

الواحد فعلا المفروض ميتكلمش معاكم اكتر من كدا لاني هحس اني بنساق لحوار ملهوش اي 60 لازمه