مصر موتورز مجتمع السيارات - إستطلاع رأى هام و عاجل

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - إستطلاع رأى هام و عاجل (https://www.masrmotors.com/vb/showthread.php?t=54248)

رد: إستطلاع رأى هام و عاجل

اقتباس:

المشاركة الأصلية كتبت بواسطة mf86 (المشاركة 417954)

كان ضرب اسرائيل وجاب صدام حسين يحكمنا 30 سنه

اجمل رد شفته

تصدقوا مع ان صدام كان ديكتاتور لكن راجل بكل معنى الكلمة
يعني ملهاش اي طعم لما يبقى واحد ديكتاتور على شعبه و رقاصة نص كم مع باقى العالم
صدام برغم الحروب الكثيرة جدا اللا انه بنزاهته حقق ثورة ثقافية و اجتماعية و اقتصادية للعراق لم تستطع دول الخليج ان تحققها اللا بعد العراق ب عشرة سنوات برغم امتلاكهم للنفط بكمات اكبر و تعداد سكاني اقل

العراق تمكن من انشاء مصانع سلاح - صواريخ بعيدة المدى بتصنيع محلي - التموين و الواد الغذائية للجميع - مراكز اللغة العربية و الثقافة - عدد الاميين في العراق وصل الى صفر!!!! و عدد الامراض الوبائية في ادنى معدلاتها عالميا زي السرطان و الفشل الكلوي و الكبدي و شلل الاطفال! مستشفيات على ارقى مستوى
انا شوفت فيديو صدام راكب عربية و ماشي وقف قدام كردي بيقوله انتوا بس لو تفهموني العراق حتبقى اقوى دولة في العالم - بلاش نعرات طائفية و انفصالية و خلونا نبني العراق اللي نتمناه - راح الكردي حب يتمحلسله - راح صدام مقاطعه و قاله بلاش تجاملني - خليك راجل - لو انت مقتنع باللي انا بقوله بلغه لناسك!!!

فعلا ياريت مبارك كان حكم اسرائيل 30 سنة بحاشيته و صدام كان حكمنا 30 سنة

رد: إستطلاع رأى هام و عاجل

اقتباس:

المشاركة الأصلية كتبت بواسطة tifa_1979 (المشاركة 422124)

بصراحة استطلاع مهم جدا
انا ندمت انى تخليت انه استطلاع مهم ولكن طلع تريقة ذى كل حاجه فى بلدنا دلوقتى
كل بيتريق وكل بيهزر ومفيش حد حاسس بالمصايب ايلى مستنينا السنوات القادمة
لو رئيس السابق وليس المخلوع علشان لو احنا خلعنا ذى ناس متقول كانت الدول المحيطه اقدرت تخلع رئيسها ذى اليمن وسوريا وليبيا حكمنا 30 سنه فده عار علينا احنا وليس هو علشان كنا سلبيين وحتى الان كلنا سلبيين وبنتكلم وبس ولا نفعل شى غير الكلام واصبح فى مصريوجد بها 85 مليون رئيس جمهورية ومفيش حاجه عاجبه الناس
الناس قلت غير المحافظين ولما اتغيروا قالوا مش عاجبنهم وكمان
الناس ايلى نزلت نضفت الشوارع علشان كنا التليفزيون بيصور راحو فين دلوقتى اختفوا
راحو فين الناس ايلى الحرامية اتمسكوا البلد هتبقى فيها فلوس
رئيس الوزراء عصام شرف ايلى الثورة جابته عامل ايه جديد نفسى اعرف غير السفر الى الدول العربية والافريقيه هل اتحلت مشكله المياه . هل حل مشاكلنا مع الدول العربية وكمان
الامن ذى ماهو خايف و الاحوال ذى ما هى زفت و ناس كتير تركت شغلها وبيوت كتيره ادمرت ومفيش حد حاسس بحاجه وكل بيقول نفسى نفسى
فينا التغير ايلى فى نفسنا فين فين !!!!!!!!!!!!!!!!!!!!

ياعم توفيق :
اهدا على نفسك شويه .
نعيب زماننا والعيب فينا . . وما لزماننا عيب سوانا
المشكله مش فى الحكومه ولا فى عصام شرف . ولا فى المجلس الأعلى .
المشكله فى نفوس المصريين المريضه . وعقولهم الضعيفه .
وممكن تبص سيادتك على ما يحدث الآن وتشوف الصوره المصريه اتوسخت ازاى فى عيون العالم بعد ما كان بيتغنى بالشعب المصرى وثورته .
توصل بينا الحال ان فضايحنا توصل الى الأمم المتحده والبيت الأبيض !!!!!!!!!!!!!!!!!!!
بأه دا اسمه كلام يا اخوننا ؟؟؟؟؟؟؟؟؟؟؟؟؟؟؟؟؟؟؟؟
والله الراجل اللى احنا دلوقتى بنطالب باعدامه . طلع جدع . ويعتبر اجدع رئيس دوله فى المنطقه كلها . كان ممكن يولع البلد والدم يغطى شوارع مصر زى غيره ما عمل . انما سابنا نتحمل مسؤولية افعالنا .
وياريت نكون أد المسؤوليه .

رد: إستطلاع رأى هام و عاجل

اقتباس:

المشاركة الأصلية كتبت بواسطة tifa_1979 (المشاركة 422124)

حبيبى
احترمك رغم خلافى معك
و لكن يبقى الاحترام بيننا هو الاساس

رد: إستطلاع رأى هام و عاجل

اقتباس:

المشاركة الأصلية كتبت بواسطة mmffor (المشاركة 422158)

حبيبى
انا سعيد بتعليقك
لكن احب اسألك سؤال
هوا يعنى ماينفعش غير الاسوأ او السىء
يعنى تاخد مرتب 100 جنيه وللا 150
مينفعش تاخد مرتب 5000 جنيه ف الشهر
فاهمنى
مبارك ميضربش حد
ويروح هوا و زملاء طره يحكموا اسرائيل 30 سنه
و احنا يجيلنا رجب طيب اردوغان او مهاتير محمد
ايه رأيك
اوعى تقول لأ

رد: إستطلاع رأى هام و عاجل

اقتباس:

المشاركة الأصلية كتبت بواسطة سيف الدين سعيد (المشاركة 422348)

حبيبى
انا فخور انى بعلق على كلامك
لكن لما اشوفك هاقولك على حاجات بحكم شغلى انا عارفها كويس
اولها ان المخلوع مامشيش بمزاجه
ثانيها انه امر باللى انت فاكر انه لم يأمر بيه
و الله ربنا هوا اللى احبط مخططاته لضرب الثوره
كفايه كده دلوقتى
المهم
مهند شكله زعل منى عشان قلتله الاسكندرانيه بتوع اشتغالات
و انا اسلوبى انى بقول الكلام بهزار و الله
عشان كده مابيعلقش على اى تعليق منى ليه
اعتذرله بالنيابه عنى على اساس انك انت الزعيم بتاع القعده