مصر موتورز مجتمع السيارات - عوزه ادهنها على مزاجى .. ينفع ?

اقتباس:

المشاركة الأصلية كتبت بواسطة aymangalal (المشاركة 403864)

ربنا يجازيك كل خير فى وضح النهار وجوف الليل وكل وقت

اللهم آمين وأياكم

اقتباس:

المشاركة الأصلية كتبت بواسطة aymangalal (المشاركة 403864)

والله الموضوع انى كنت هنقل سكن واضطريت لعرض العربية للبيع عشان اكمل والاقى شقة ولما ربنا ما ارادش غيرت تفكيرى للايجار (مضطر)

انت مكان شغلك فين وعاوز شقة فين
فيه مشروع الاسكان الجديد منخفض التكاليف اللي بيقولو عليه هيتعمل في الخطة الجديدة وفي خلال خمس سنين
لو كده يبقى الايجار حاليا افضل لغايه لما ينزل المشروع اكيد ان شاء الله كل الايجارات هتنزل

اقتباس:

المشاركة الأصلية كتبت بواسطة aymangalal (المشاركة 403864)

وقولت اكمل توضيب العربية اللى غاليه عندى جدا والتكييف طبعا فى الخطة

ربنا يعينك ويقويك

اقتباس:

المشاركة الأصلية كتبت بواسطة aymangalal (المشاركة 403864)

نقطة اللون دى بترجع الى ان اللون الحالى الزيتى (هوه جميل جدا وخصوصا لو جديد وبيلمع صح) لكن تقريبا بقاله فترة وصاحبها كان مهملها ع الاخر ودايما كنت بغسلها مره فى الاسبوع مافيش فى نفس اليوم تلم تراب ولا كأنها اتغسلت (والله بتعب جدا فى تنظيفها بره وجوه وماحبش اوديها بره عشان ماحدش هيعمل اللى بعمله) سألت على الحتت المجرحة اللى فيها(اللى شاريها على حالتها) تتعمل سمكرة والمعجون المطقطق ينزل كشغل مرمات دخلت لها فى 600 بالاكصدامات وكنت هعمل رجعت فكرت ايه اللى يخليها لون واحد ومش مكلف وطبعا هتبقى ميه واحده ؟؟؟لاقيت الابيض على نفس الموديل جميل جدا ومش محتاج ميتاليك وهتترش كلها مش هتعدى 800 ج فرق بسيط وتترش كلها ده سبب فكرتى عن تغيير اللون غير انى اخدت انطباع عن اللون الغامق انه بيلم تراب وكمان لوعملت مرمات(اجزاء فقط) هيبان الفرق مع الوقت وده سبب برضه انى اغير لونها

خلي بالك انت بتقارن بين لون ميتالك ولون عادي دي نقطة
النقطة الثانية هياخد ليه ان شاء الله 600 جنية علشان خبطة
وبعدين لو هتعمل مرمات انت خد العربية قدام بتاع الكمبوتر هيجبلك درجة اللون بالضبط حتى لو لون العربية فتح او اغمق عن لون الاصلي هيجيبلك اللون المناسب ليها

اقتباس:

المشاركة الأصلية كتبت بواسطة aymangalal (المشاركة 403864)

لكن كلام حضرتك طبعا بالنسبالى مرجع كصاحب اراء عمليه ومفيدة

ياعم انا غلبااااااااااااان وعلى قدي الموقع مليان خبراء

اقتباس:

المشاركة الأصلية كتبت بواسطة aymangalal (المشاركة 403864)

والموضوع اللى حضرتك حطيتلى اللينك بتاعة طبعا ممتاز واتمنى اوصل للنتيجة دى وخصوصا ان لون العربية تقريبا نفس لون عربيتى (يا سلااااام حد طايل) بس هتفضل على الحاله دى قد ايه كام يوم او كام اسبوع وبعض الاعضاء جربوا وقالو مش بيوصلوا لنفس النتيجة -بس اعتقد ان التشميع بيكون للعربيات اللى دهانها فابريقة اوجديد للحفاظ على الدهان وده غير حالتى خالص

طيب انت اصلا بتهتم بالعربية وبنضافتها
طيب ما تكمل جميلك وتوصل اي حد بتاع كماليات وتجيب منه علبه الورنيش وتجرب
مع مراعاة ان اللي كان بيرد كان بيقول انا معرفتش اعملها صح لكن مش معني ذلك انه مينفعش يتعمل
ثم ان المدة اللي هيقعدها مش يوم ولا اثنين يعني نقول كل شهرين مرة مثلا
والا ايه رأيك

اقتباس:

المشاركة الأصلية كتبت بواسطة aymangalal (المشاركة 403864)

ملحوظة السقف بقى : يا ترى لو خليتها على لونها رشيت زيتى جديد لعربية كلها (عشان مايعملش فرق لون بين الاجزاء المرشوشة والاجزاء اللى مش مرشوشة) هل هتفضل نقطة انى راشش سقف دى على الرغم انه نفس اللون (وانا مش عارف - ومااعتقدش انه فابريقة- لانى مشتريها راشه بره)

يفيدك في موضوع سقف الفابريكة ده الصنايعي بس يكون نضيف هو هيعرف اذا كان السقف مرشوش والا فابريكة
لكن وارد انه يكون هو كمان مرشوش بما انك شاريها على كده
لو مرشوش وناوي ترشها كلها يبقى خلاص رشها
لو مش مرشوش يبقى اما تعمل المرمات اللي فيها او ترش الجنبين
مع الوضع في الاعتبار اللي بيعمل المرمة بيرش الجزء على بعضه
يعني خبطة في الرفرف بيرش الرفرف كله خطبه في الباب بيرش الباب كله وهكذا

اقتباس:

المشاركة الأصلية كتبت بواسطة aymangalal (المشاركة 403864)

مشكور على تنبيهات حضرتك اللى ماكنتش واخد بالى منها

العفو تحت امرك

اقتباس:

المشاركة الأصلية كتبت بواسطة aymangalal (المشاركة 403864)

وعذرا على لخبطة الاسامى يا استاذ محمد مش سعد

ولا يهمك يا باشا