رد: عاوز مساعده بخصوص جنوط الماتريكس
 

شكرا ليك يا استاذ بدر
لكن فعلا اكيد فى اختلاف بين 1600و 1800 لكن بردو انا هشوف الكتالوج بيقول ايه و لو فى غلط خلاص
و بعدين يعنى يا استذ بدر انزل من ماتريكس اركب جرار مش كفايه انى فى جرار واحد فى المنتدى :hd:

رد: عاوز مساعده بخصوص جنوط الماتريكس
 

شكرا على الصور يا احمد باشا
لكن انا الجنط الى شوفته و عاوز ان شاء الله اجيبه فى الصوره

رد: عاوز مساعده بخصوص جنوط الماتريكس
 

شكلهم حلو بس انت حاسس انت لو ركبتهم 14 بوصة مش هيبقى حلو صح ؟
الحل موجود نسبيا فى الموضوع ده
http://www.masrmotors.com/vb/showthread.php?t=37639
بس خد بالك الكلام ده فعاليته فى التأثير على عداد السرعة و الار بى ام
لو عايز تشوف بقى التأثير على العفشة حاول تنقى جنط وزنه تقريبا مساوى للجنط الاصلى او تربط العفشة كل 1000 او 2000 كيلو
لو حد ليه خبرة اكتر فى موضوع العفشة ده ممكن يفيدك و اتمنى ان اكون افدتك دون الاطالة GIFT4U

رد: عاوز مساعده بخصوص جنوط الماتريكس
 

ايوه موضوع استاذ هشام كونت شوفته قبل كده و بكره ان شاء الله هجيب الرقم من على كاوتش العربيه

رد: عاوز مساعده بخصوص جنوط الماتريكس
 

كريم باشا ... قوللى بس إنت فين و أنا أجيبلك حجر الريموت دليفرى لحد البيتGIFT4U
أما بخصوص موضوع العفشة فالطبيعى لو بتركب جنط أكبر من الحالى إنك تجيب له كاوتش ذو سمك أقل لتعويض الزيادة فى قطر الجنط و ذلك لعدم تقليل المساحة الباقية بين الكاوتش و الرفرف من الداخل
المشكلة إن تقليل سمك الكاوتش بيقلل من قدرته على إمتصاص الصدمات و بالتالى يقع عزم الصدمة بشكل أكبر على العفشة مما يجهدها أكثر من المعدل الطبيعى و الذى يسبب فى النهاية تقليل عمرها الإفتراضى ناهيك عن تكسير عظم من إبتلاه قدره بالركوب معاك لذلك يلجأ من يستخدم جنوط أكبر بكثير من الأصلية بتغيير العفشة بأخرى رياضية (Koni كونى) و هى من أشهر العفشات الرياضية المتوفرة فى مصر ولكنها ليست الجنه الموعودة فالمعروف عن العفشات الرياضية قساوتها بالمقارنة بالعادية مما يجعل العربية أقل راحة مقابل ثبات وهمى و تحمل للصدمات أكثر من العفشة الأصلية
أنا شفت مرة بى إم دابليو قديمة شوية صاحبها مركب جنط فوق العشرين بوصة ... سمك الكاوتش لا يذكر بل إحتمال إنه يكون مصمت أساساً و لا يتم نفخه ... أنا كنت حاسس إنه ماشى على الجنط
طبعاً مش عايز أقولك كان بيعمل إيه عند المطبات كان شويه هيبطل العربية و ينزل يزقها لإن الكاوتش كان تقريباً لازق فى الرفرف من الداخل عند المشى العادى فمابالك فى المطبات
الجنوط فى رأيى عاملة زى عمليات التجميل لو بسيطة بتبقى حلوة و مفيدة لكن لو زادت قوى بتمسخ العربية و تلاقى العربية بقت عربية تانية دمها يلطش و الكارثة إنها بقت كمان معوقة:00020080: