|
رد: وثيقة سريّة من مكتب وزارة الداخليّة المصرية
اقتباس:
يا راجل فال الله ولا فالك |
رد: خطة الداخلية للتعامل مع المظاهرات
الهم اجعل مصر امنين واحمنا وارحمنا امين
|
رد: وثيقة سريّة من مكتب وزارة الداخليّة المصرية
اقتباس:
- و لا يستطيع احد ان يجزم بصحة الوثيقة ولكن اعتقادى الشخصى انة من الصعب ان يخرج هذا الكلام من وزارة الداخلية مكتوب والا تبقى كارثة لان اللى يعمل كدة بوثائق يبقى مش هامة اى حد ومقتنع تماما ً ان لن يحاسب فى يوم ما - ولكن لا استطيع ان ابرىء ساحة الداخلية فى مسؤليتها عما حدث وظنى يميل الى تصديق انهم فعلوا كدة فعلا ً فى اغلب ما جاء بالوثيقة - اسكن فى محافظة لم تشهد تظاهرات بالمعنى الكامل ولكن تجمع البعض امام مركز الشرطة وحضر لهم مدير الامن شخصيا ً وطلبوا منة رحيل رئيس المباحث واحد ضباط المرور وكلاهما معروف بسوء معاملتة للناس ووعدهم بترحيلهم فورا ً خارج المحافظة - وهذا دليل على ان شوكتهم كسرت ورصيدهم قل عند الناس كثيرا ً - وجود الامن مهم جدا ً ولهم دور هام وحيوى - اقصد الشرفاء منهم - ولكن للاسف هم استخفونا فأطعناهم |
رد: خطة الداخلية للتعامل مع المظاهرات
مش عارف ليه الموضوع ده مش شايفه منطقى و حاسس ان الوثائق دى متفبركه و ان حد قرأ الاحداث و كتب الكلام ده
|
رد: خطة الداخلية للتعامل مع المظاهرات
انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم .. الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين ومعرفش قرار الحربيه بامكانية انهم يروحوا غير لما راح عند اقارب ليه فى غمره وبيتوسل للتليفزيون انه يوصل التحرير دلوقتى ويبلغ الشباب بالقرار دا فين ناس كتير جدا عايزه تروح وخايفه من امن الدوله بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل وقال انهم قالولهم ان بكره جمعه الوداع .. وداع لمين ؟؟؟ وانهى مكالمته وهو فى حالة اعياء من كتر البكاء بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض _________________________ _________________________ ____ انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب ......... وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى حرب اباده للشباب اللى رفعوا اسم مصر فوق قوى . حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره دمهم هيروح هدر مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم يارب حافظ علينا وعلى بلدنا وابعد عنا اى شر .. اللهم اضرب الظالمين بالظالمين واخرجنا منهم سالمين يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين يارب انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه |
| الساعة الآن 03:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017