رد: مشكله رعشه في السلانسيه ومش لاقي لها حل ....ارجو المساعده
 

طالما أنت حسيت أنه هبب تانى ( أى رقم 2 )

وكان أنظف من الوضع الحالى

يبقى السوست بريئه من هذه المشكله

نظف بأه البوجيهات كلها

أو هات طقم جديد

وركبه

مع تبديل الرشاش رقم 2 برشاش رقم 1

عاوزين نشوف

هل العيب من رشاش رقم 2 ولا من البوبينا

العيب أكيد حاجه من الأثنين

رشاش رقم 2 أو المخرج رقم 2 من البوبينا ضعيف فعلا

رد: مشكله رعشه في السلانسيه ومش لاقي لها حل ....ارجو المساعده
 

عاوز تنظف الرشاشات صح

يبقى على مكنة الألتراسونيك

وقياس المقاومات حاجه والنظافه حاجه

المقاومات المختلة القياس تعملك رجه على السلانسيه

والرشاش المسيل يهبب البوجيه نظرا لضخه كميات كبيره من البنزين على هذا البوجيه

وبالتالى بتختل شرارة البوجيه ويبوظ حريق ونغمة حريق المكنه

_________________________

فاكر اللمبه الجاز بتاعة زمان

لما كنا بنعليها زياده عن اللزوم

كانت بتعمل أيه

بتهبب الأزازه

نفس الفكره تماما

رشاش بيسيل _____________ لمبه جاز متعليه الشعله بتاعتها

بوجيه هبب _____________ أزازة اللمبه إللى هببت من أثر تعلية شريط اللمبه

رد: مشكله رعشه في السلانسيه ومش لاقي لها حل ....ارجو المساعده
 

تمام اوي يا هندسة كلامك منطقي وعشره علي عشره
بس كان ليا استفسار قبل ما اغير الرشاش او البوبينا لاقدر الله
ما فيش اي احتمال ان الموضوع ده يكون من اي حاجة تانيه ؟؟
لان للاسف كل الورش عندنا هنا مش بتعتمد علي اجهزة قياس مناسبه او تحليل منطقي لواحد دارس وبيفهم ابدا هوا كل ما يشك في حاجة يقولك غيرها
ده حتي جهاز الالتراسونيك ما لقتهوش في اسكندريه خالص

ده مره والله راجل دكتور محترم دخل ورشه بعربيته قدامي عنده مشكله قام الميكانيكي قاله ولا يهمك يا باشا احطهالك عالسكانر ونعرف المشكله منين في ثانيه
المهم العبقري وصل وداس بنزين وكام نمره كده وقال للراجل هنغير حساس شكمان وبوابه
وكان رد الدكتور اللي موتني من الضحك
حساس شكمان وبوابه ايه اذا كان السكانر بيقولك انه مش قاري سيستم العربيه اصلا (what)

انت متخيل الورش ماشيه ازاي

الف شكر ليك مره تانيه علي مجهودك معايا ربنا يجعله في ميزان حسناتك
ولو شاكك في حاجه تانيه في مشكلتي ياريت تقوللي

وجزاك الله خير

رد: مشكله رعشه في السلانسيه ومش لاقي لها حل ....ارجو المساعده
 

راجل واعى بصحيح

وهى دى فايدة العلم

هى العمليه حاليا أحتمالاتها واضحه

يارشاش رقم 2 وحش

أو مخرج البوبينا رقم 2 ضعيف

ولكن !!!!!!!!!!!!!!!!!!

متجرب تحط طقم بوجيهات جديد

أو بدل البوجيه رقم 2 برقم 1

جايز يكون البوجيه رقم 2 وحش أساسا

بحيث نكون محاصرين كل المنطقه

رد: مشكله رعشه في السلانسيه ومش لاقي لها حل ....ارجو المساعده
 

اسمحوا لي بالمداخلة

هذا و ان نم علي شئ فانه ينم علي مشاركة فعاله جدا جدا و بأسلوب عملي رائع من كلا الطرفين ، المريض و الطبيب

أن قرأت المشاركة من الاول للأخر و بصراحة ما كنتش حابب ان اقطع حبل الوصال ده بس ما قدرتش امسك نفسي

GIFT4Uم / سمير GIFT4U

انت شخصية متميزة جدا جدا ،، لك مني كل الاحترام و التقدير و بارك الله لك في علمك و حياتك و جعله الله في ميزان حسناتك و بارك الله لنا فيك ROSE4U

و أتمني للأخ صاحب الموضوع ان ينتهي الامر معه علي خير و باذن الله تكون القصة في البوجيه نفسه (أضيق الحدود)

و علي فكرة انا برضه غاوي كده علم الميكانيكا و احب امد ايدي مع الصنايعيه و ان كان ذلك علي اساس حب و رغبة في العلم و للأسف مش دراسة