رد: هل شراء الأوبل المستعمل في هذا الزمان جــــــــــــــــنـــــــ ـون
 

وأحب أوضح إن العيوب اللى بتظهر فى العربيات الى الناس بتتكلم عنها
دى عربيات متهاااااااااااااااااااااا اااانة يا جماعة متهاااااااااااااااااااااا اااااااااااااااانة

رد: هل شراء الأوبل المستعمل في هذا الزمان جــــــــــــــــنـــــــ ـون
 

يا سمير باشا
أنا واخد
بالى وقريت الموضوع من أوله لاخره كزا مرة
وعارف حضرتك كتبت إيه ومقتنع برأيك جدا لانه رأى فعلا يحترم
لكن أنا بتكلم عن الناس اللى عمال تقول اشعار فى مشاكل الاوبل
ياريت الناس تركب عربية حالتها نضيفة وساعتها هيعرفو يعنى أيه أوبل

رد: هل شراء الأوبل المستعمل في هذا الزمان جــــــــــــــــنـــــــ ـون
 

الأوبل الحاله فعلا

أو الجديده

أحسن عربيه فى نظرى

بس عاوزه مواليه فى المصاريف ( ومصاريفها عاليه برضه عن الكورى والفيات وخلافه )

علشان تحافظ عليها كحاله فعلا

وطبعا لاننكر

جدارة المارد الألمانى بشكل عام فى مجال الهندسه الميكانيكيه

المشكله أن فيه بعض الناس

بتجيب الألمانى زيرو

تخلص عليه

وبعد كده تطرحه للبيع

ومهما كان هناك تقدم لبلد ما

فلابد من الحاجه لقطع غيار

إن عاجلا أم آجلا

_____________

رد: هل شراء الأوبل المستعمل في هذا الزمان جــــــــــــــــنـــــــ ـون
 

يا باشا ان عارف ده والاكسيل فئة وماركة والفيكترا فئة وماركة تانيه خالص لكن واحد زى مش فاضى يروح يغسل العربية يبقى هيلف بيها على الصنيعية وادور هنا ولا هنا على قطعة غيار على ما الاقى ده انا عاوز اغير المساعدين والكوبلن اليمين ومؤجل الموضوع للأسبوع الجاى
ثم مرة واحد قالى كلمة والى حد ما صحيحة قالى 90% من اللى بيبيعوا بيبيع علشان قرف من العربية ومشاكلها يعنى اللى معاه عربية ومريحاه هيبيعها ليه الا لو كان فيها حاجة وعاوزة مصاريف

رد: هل شراء الأوبل المستعمل في هذا الزمان جــــــــــــــــنـــــــ ـون
 

يا جماعة الموضوع بسيط جدا ..

الراجل صاحب الموضوع عاوز يركب عربية جودتها عالية وهو شايف انه انسب حاجة ليه هى الاوبل ..

كويس اوى .. والاوبل او الالمانى عموما عربيات محترمة جدا والفيكترا عربية ممتازة ..

بس اى عربية مستعملة تقديرها على حسب الحالة .. وخصوصا لما تكون معقدة وحاجتها غالية زى الالمانى ..

لكن احنا متفقين ان الاوبل عربية ممتازة ولا غبار عليها ..

وكمان الراجل عاوز العربية علشان يركبها وياخد خيرها ومش بيفكر فى البيع السريع ...

فالموضوع بسيط جدا ..

والله يا باشا عندك استعداد تتحمل اسعار قطع الغيار وتحمل مسئولية صيانتها الصعبة .. يبقى تنزل من بكره تدور على واحدة تكون فبريكة ...

لكن لو ممكن يجى عليك يوم العربية تحتاج حاجة ومتعرفش تجيبها .. يبقى حرام هتعذب نفسك قبل ما تضر العربية .. لان العربيات الالمانى (متربية ع الغالى) ومينفعش معاها التلصيم ..

وفى الاخر القرار قرارك واكيد انتا عندك فكرة ولو بسيطة عن صيانتها واسعار قطع غيارها اكتر مننا لانها كانت معاك قبل كده ..

لو مش هتجيب اوبل او المانى عموما انصحك باليابانى هو انسب حاجة و هيخليك (تقسم البلد نصفين) .. يعنى هترتاح من صعوبة الصيانة وقلة قطع الغيار وغلو اسعارها .. وفى نفس الوقت هتلاقى الامان والجودة والاعتمادية ..

بس يا باشا .. ومتتعبش نفسك كتير ..


وربنا باذن الله هيوفقك فى العربية اللى تريحك وتعجبك ...