رد: الماروتى بتاعتى اتقلبت و الحمد لله على كل حال
 

قدر الله وما شاء فعل
الحمد لله انك طلعت منها بخير ... و ربنا وقف لك ولاد حلال ساعدوك و طلعولك العربيه
وان شاء الله العربيه ترجع زي الاول و احسن ...
دي عربيه مبروكه ... انها تتقلب و تطلع منها سليم و العربيه تتصلح و ترجع تاني ... متفرطش فيها :)

رد: الماروتى بتاعتى اتقلبت و الحمد لله على كل حال
 

الله يخليك
و انا فعلا انشاء الله مش هفرط فيها ابدا
دى ياما شافت معايا ايام حلوة
و غرست معايا فى 6 اكتوبر
و طلعت سليمة
و اخدت عيالى بالليل للدكتور
و سافرت بيها طنطا و كفر الشيخ و دمنهور و اسكندرية و المنيا و رجعت و رفضت ترجع من الفيوم لانها عجبتها البلد و كانت عاوزة تقعد هناك شوية
مش عارف ليه بالظبط
يمكن كان نفسها تتفيم
بس الفامية ممنوع
اقولها ايه بقى
الجميل ان الزجاج فى الفيوم البرابريز الامامى ب150 جنية و انا مشترية من الهرم ب250 جنية بعد فصال جامد
و لو حد محتاجة من الفيوم مستعد اروح معاه اجيبه له او اروح معاه او اوصف له المكان اللى فيه المحل

رد: الماروتى بتاعتى اتقلبت و الحمد لله على كل حال
 

قدر الله وما شاء فعل ... الحمد لله انك بخير وفداك مليون فيرارى وبورش مش ماروتى بس وان شاء الله العربية تتصلح وترجع زى الأول وأحسن.

رد: الماروتى بتاعتى اتقلبت و الحمد لله على كل حال
 

السلام عليكم
قدر الله وما شاء فعل الحمد لله على سلامتك
لو محتاج سمكري يردهالك مزبوط وانشاء الله لو رحت ليه مش هتندم . صاحبي معاه سيراتو 2010 خبطها من قدام ووديته ليه ولسه مستلمينها منه امبارح
اسمه عم حمدي0103923719

رد: الماروتى بتاعتى اتقلبت و الحمد لله على كل حال
 

ألف حمدلله على سلامتك وقدر الله وماشاء فعل والي يجي في الريش بقشيش ياباشا ولا يهمك الحمد لله إنك بخير وإنتا أهو البركة فيك هتصلح وتركب وتدوب بعدها مليون عربية بإذن الله.
عموما هيا يا أخي والله قدر ولا تقدر تمنع قدر.
أنا كنت لسة مستلم ماتريكس أوتو ووراها بيومين أطلع فوق رصيف وأعدي النحية التانية وأغير جير بوكس وأغلب العفشة وأستعدل شاسيه لأ والغريبة في دا كله إني مافيش فانوس ولا إزاز إتكسر فا دايما الواحد بيقول قدر الله وماشاء فعل والحمد لله إنها جت على قد كدة.
إبقى بس طمنا عليك ياباشا وعلى العربية وأي مساعدة أنا تحت أمرك تواصل معي على الخاص.