مصر موتورز مجتمع السيارات - خبر هــــــــــــــــــــام يخص اسبرانزا و خصوصا m11

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

رد: خبر هــــــــــــــــــــام يخص اسبرانزا و خصوصا m11

اقتباس:

المشاركة الأصلية كتبت بواسطة fineart607 (المشاركة 231426)

العربيه دى ان شاء الله هتنتشر وهتكسر الدنيا ان شاء الله

العربيه والله حلوة بس الي مسوء سمعتها مش عيوبها لان مفيش عربيه تخلو من العيوب لان مفيش حاجه في الدنيا كامله
الي مسوء سمعت الاسبرانزا عموما البشر الي مش عارف بيقولو كلام غريب و عجيب عن جميع موديلاتها
الي يقولك العربيه بتسيح والي بيقول لعبه اطفال والي يقول سحبها ضعيف و صاجها ورق والي يقول خاماتها تحت السيئه وواحد قال جمله عجيبه بجد ان العربيات الصيني بينضحك علي الشعب المصري بيها و المصري اهبل و بيعجبه اي حاجه
بجد جمله حسيت بالاهانه فيها اوي لاني مصري و بفتخر اني مصري ومفيش حد اهبل بالزمن ده ولا تعب و عرق في الفلوس وربنا يعلم الواحد بيشقي عشان يجبها ازاي و هيرميها بالارض او احنا مثلا محدثين نعمه

ياريت بجد الي مش عاجبه العربيه يخلي رايه لنفسه مش هاتك يا كلام تجريح و تاليف

منكرش العربيات الاسبرانزا محتاجه اهتمام اكتر من التوكيل ورعايه اكتر عشان تبقي فعليا سوبر استار اكتر ما هي سوبر استار
بس ياريت تقارنو الامكانيات و الاداء و الاوبشن بالسعر و العربيات الي اسم فقط وسعرها مش عارف جه كده ازاي

مع احترامي لكل العربيات السوق مليان عربيات اسم
عربيه زي اللوجن والافيو والجيتز والفرنا والاسبارك واللانوس وغيرهم
دول مع احترامي ليهم
حرام فلوسهم
ويتقال الي يشتريهم يا سلام فنان وحط فلوسه في عربيه نضيفه
ده علي اي اساس
فين الاوبشن و الاداء و الراحه
فين الامكانيات
فين السحب و ضغط الهوا
فين الثبات و السرعات العاليه و قوه تحمل الموتور
فين عزم الموتور
فين قوه شد الموتور
وبالاخر يقولو ان الشعب اهبل ان بيحط فلوسه في الاسبرانزا

مع احترامي للجميع و محدش يزعل من كلامي بس كلام البشر ينرفز بجد
وده رائي الشخصي
ومستعد للنقاش مع اي حد
وربنا يبارك للجميع

رد: خبر هــــــــــــــــــــام يخص اسبرانزا و خصوصا m11

مشكورررررررررررررر

رد: خبر هــــــــــــــــــــام يخص اسبرانزا و خصوصا m11

اقتباس:

ده كلام مظبوط 100 %
المشكلة أن 99 % من اللى مش عجبهم أسبرانزا ،،، مركبش أسبرانزا

اقتباس:

الي يقولك العربيه بتسيح والي بيقول لعبه اطفال

صدقنى يا صديقى ..... اللى بيقول كده مركبش أسبرانزا
أتذكر أن أخى الكبير أشترى فى أوائل التسعينيات لانوس
كان مضحكة من الشارع كله والشارع كله مركبهاش

(what)

اقتباس:

والي يقول سحبها ضعيف

بس ده حقيقة أنا معاى أسبرانزا 516 من 1 / 6 / 2008
وأشتريت من كام شهر ألنترا 2010
الفرق فى السحب شااااااااااااسع
ماتور الأسبرانزا بصفة عامة ضعيف فى السحب
وده مش عيب ده تصميم مواتير AVL بصفة عامة
وده تأمين للسائق مش أكتر
أنما سهل برضه تبرمج الموتور أنه يبقى سريع الأستجابة والسحب

اقتباس:

و صاجها ورق

أنا حرد على الجزئية ده بمشاركة للرائع
الأستاذ / حازم شاهين

اقتباس:

إنت زعلت قوى كده ليه
أنا ما قولتش إن السيارات الصينى أحسن سيارات فى الدنيا
أنا بقول المنطق إللى إنت بتستخدمه هو إللى غلط
إيه علاقة إن سيارة فيتارا عملت حادثة بجودة السيارات الصينى أو عدم جودتها و دخولها أوروبا
و لما نيجى ناخد حادثة كمثال يبقى لازم نراعى الظروف إللى حصلت فيها الحادثة
الحوادث الوحيدة إللى ممكن نقدر نقارن فيها بين العربيات هى الحوادث المخططة و المتحكم فى ظروفها و دى إللى بيعملها مراكز إختبار السلامة الأوربى و الأمريكى و خلافه
زى ما حضرتك وضحت فى الفيديو كده يعنى الفديو أفضل مثال لعرض وجهة نظرك عن صورة الحادث إللى فى الأول
أما بخصوص دروس الفزياء
فأغلب السيارات مازالت تصنع هياكلها من الحديد الصلب و الأومنيوم لا يستخدم إلا فى بعض الموديلات غالية الثمن
و الهدف من استخدام الأومنيوم ليس زيادة معاملات الأمان أو إطالة العمر الإفتراضى للسيارة و لكن لتخفيف وزن السيارة بقدر الإمكان لتخفيض استهلاك الوقود
أما ما تقصده حضرتك فهى نقاط الإنكماش و الإنهيار فى هياكل السيارة و التى عند وقوع أى حادث تنكمش أو تتحطم تماما و ذلك لإمتصاص جزء كبير من طاقة الصدمة قبل وصوله لكابينة الركاب ، و يتضمن ذلك إستخدام ألواح صاج ذت سمك رقيق نوعا ما لبدن السيارة مثل الرفارف و الكابود فى مقابل الإهتمام باستخدام قاعدة (شاسية) قوى و تدعيمة و بقضبان الفولاز
و ذلك بخلاف السيارات الصينى و التى لازالت تستخدم ألواح صاج سميكة (من اللى تعجب السمكرية فى مصر و تنفع فى الحوادث البسيطة) و التى ليست بالكفاءة المطلوبة لإمتصاص قوة الصدمات الكبيرة و بالتالى فهى تنقل جزءأكبر من تلك القوة إلى كابينة الركاب

أخيرا صحيح إن أغلب السيارات الصينى غير مؤهلة لاختبارات السلامة الأوربية و أخدت سمعة سيئة جدا بسبب إختبار بريليانس الفاشل المشهور و سيارات شيرى القديمة لكن مش معنى كده إن شركات السيرات الصينى محلك سر لكنهم بيتطوروا بصورة سريعة و ممكن يقدموا سيارات تقدر تجتاز الإختبارات دى بسهولة فى المستقبل ، لكن كمان مش معنى كده إن كل السيارات الصينى عبارة عن نعوش متحركة لكنها فيها قدر من الحماية نوعا ما
أخيرا الصورة دى لسيارتى أنا شخصيا و هى اسبيرانزا 516 بعد حادث إصطدام على طريق الإسماعيلية الصحراوى و برضه هتلاحظ إن الكابينة (إللى أنا كنت جواها و الله) لم يصل إليها أى أثر للحادث

و ربنا يحفظ الجميع من كل شر

http://img8.imageshack.us/img8/6918/crash9.jpg

تسلم أيدك يا أستاذ حازم

اقتباس:

والي يقول خاماتها تحت السيئه

إلى حد ما ولكنها معقولة ومقبولة بنسبة 75 %
وخاماتها أحسن من خامات عربيات كتير

اقتباس:

وواحد قال جمله عجيبه بجد ان العربيات الصيني بينضحك علي الشعب المصري بيها و المصري اهبل و بيعجبه اي حاجه
بجد جمله حسيت بالاهانه فيها اوي لاني مصري و بفتخر اني مصري ومفيش حد اهبل بالزمن ده ولا تعب و عرق في الفلوس وربنا يعلم الواحد بيشقي عشان يجبها ازاي و هيرميها بالارض او احنا مثلا محدثين نعمه

الصين قما قلت من قبل أصبحت مصنع العالم
واللى مش عاجبه الصينى أنهارده بكره حيركب صينى مضطر
لأن معظم شركات العالم تتجه الآن لإقامة مصانع تجميع فى الصين
والدليل نيسان بلو بيرد سلفى ، ونيسان ليفينا
الأتنين تجميع صينى
وهل يوجد بيننا الآن شخص يستطيع الأستغناء عن الصين ؟
مـــــــســــتـــحــــيــ ـل
اللى مش عجبه السيارات الصينى أقول له ... أنظر حولك
ستجد الجهاز الذى تستعمله الآن لقراءة مشاركتى صينى
وما لا يقل عن 50 % مما حولك صينى
أليس كذلك !!!!!

رد: خبر هــــــــــــــــــــام يخص اسبرانزا و خصوصا m11

اقتباس:

المشاركة الأصلية كتبت بواسطة أحمد فاروق سيد (المشاركة 231722)

ده كلام مظبوط 100 %

المشكلة أن 99 % من اللى مش عجبهم أسبرانزا ،،، مركبش أسبرانزا

صدقنى يا صديقى ..... اللى بيقول كده مركبش أسبرانزا
أتذكر أن أخى الكبير أشترى فى أوائل التسعينيات لانوس
كان مضحكة من الشارع كله والشارع كله مركبهاش

(what)

بس ده حقيقة أنا معاى أسبرانزا 516 من 1 / 6 / 2008
وأشتريت من كام شهر ألنترا 2010
الفرق فى السحب شااااااااااااسع
ماتور الأسبرانزا بصفة عامة ضعيف فى السحب
وده مش عيب ده تصميم مواتير AVL بصفة عامة
وده تأمين للسائق مش أكتر
أنما سهل برضه تبرمج الموتور أنه يبقى سريع الأستجابة والسحب

أنا حرد على الجزئية ده بمشاركة للرائع
الأستاذ / حازم شاهين

تسلم أيدك يا أستاذ حازم

إلى حد ما ولكنها معقولة ومقبولة بنسبة 75 %
وخاماتها أحسن من خامات عربيات كتير

الصين قما قلت من قبل أصبحت مصنع العالم
واللى مش عاجبه الصينى أنهارده بكره حيركب صينى مضطر
لأن معظم شركات العالم تتجه الآن لإقامة مصانع تجميع فى الصين
والدليل نيسان بلو بيرد سلفى ، ونيسان ليفينا
الأتنين تجميع صينى
وهل يوجد بيننا الآن شخص يستطيع الأستغناء عن الصين ؟
مـــــــســــتـــحــــيــ ـل
اللى مش عجبه السيارات الصينى أقول له ... أنظر حولك
ستجد الجهاز الذى تستعمله الآن لقراءة مشاركتى صينى
وما لا يقل عن 50 % مما حولك صينى

أليس كذلك

!!!!!

مشكور بجد علي الرد الي اكثر من رائع
وعلي وضع رد الاستاذ حازم شاهين
وربنا يحفظنا من الحوادث يارب

تقبل تحياتي و احترامي ليك

رد: خبر هــــــــــــــــــــام يخص اسبرانزا و خصوصا m11

انا ملاحظ ان فى ناس بتهاجم الصينى لمجرد انه صينى مش عن تجربه حقيقيه ولا اى معرفه ..الصينى قادم لا محاله