رد: السيارات فى مصر فرز تانى وبالذات هيونداى وبالاخص الفيرنا
 

الى د /محمد والى الكل السلام عليكم أولآ كل سنه وانتم بخير بمناسبة شهر رمضان
وثانيآ انا قرأت الردود وكلها بتشكر فى الفيرنا وبتقول ان كلامى مش صحيح وكل الردود ما فيها حد مصدق كلامى واللى يقول كلام كوميدى . مفبرك الموضوع وحسيت أن الفيرنا أصبحت احسن سيارة فى مصر والكل بيدافع عنها
اولآ وانا بكتب الموضوع ده مش قصدى اعيب فى الفيرنا ولا بالهيونداى كان قصدى اخذ راى الناس فى اللى شفته واللى سمعته فى المنتيات الاخرى وبالعكس انا شايف ان الهيونداى اكثر سيارة منتشرة فى مصر ممكن اكون كاتب الموضوع بطريقة هجومية لكنى مش مفبرك حاجه
ود/ محمد بيقول رجاء من اى عضو ينقل خبر او معلومة يكون واثق من مصدرها لأنه مسئول عنها فى المنتدى وانا اقول له استحالة اكتب موضوع اللى لما اشوفه بنفسة انا مش شغال فى شركة سيارات تانية بتنافس الهيونداى ولا ليه مصحلة فى الكلام ده ولكن الكلام ده حصل امامى فعلآ عند ميدان جيهنة السيارة الفيرنا كانت قادمة من اكتوبروانا كنت راكب ميكرباص وكان واقف بيركب ناس وفجأة سمعنا كلنا صوت فرملة عالى جدآ وكانت سيارة فيرنا شكلها لسة جديد زاحفة على الارض وكل اللى فى الميكروباص وفى الميدان سمعموا الصوت وشافوا الواقعة مع العلم انى كنت بفرمل فى المنحدر ده بسيارتى القديمة فيات 128 وكانت بتفرمل معايا كويس يمكن يكون العيب فى هذه السياة فقط وممكن يكون سائق الفيرنا اتفاجآ بالمنحدر اللى قبل الميدان وعلى فكرة انا لما بعت الفيات فكرت اجيب الفيرنا علشان بتوفر فى البنزين وسعر قطع الغيار بتعتها رخيص بس لقيت مشكة الفرملة دى كله بيكلم عنها وسائق التاكسى قال لى هذا الكلام بالضبط لما عرف انى ناوى اشترى سيارة فيرنا كان بينصحنى اما حكاية الفرز التانى ده منقول من منتدى اخر حبيت اسمع رايكم فيه و مش عارف اذا كان صح ولا غلط انا مش عدو الهيونداى و حاجة انا كنت حاسس ان التوكيل يخدعنا ويبجيب جاجات مش اصلية وبيشيل اوبشن كتير من السيارة الاصلية يعنى انا عايز اقول بس خايف لاتهاجم ممكن الوكيل يخلى الهيونداى احسن من كده بكتير وعلى العموم محدش يزعل منى ده مجرد حاجه شفتها وحبيت اخذ رايكم فيها ممكن تكون الفيرنا سيارة كويسة جدآ انا عن نفسى محربتش اسوقها الى مرة واحد فقط وممشتش بيها أ كتير اكتر من 500 متر فقط وكان على على الثانى يعنى مجربيش العربية كويس

رد: السيارات فى مصر فرز تانى وبالذات هيونداى وبالاخص الفيرنا
 

بص يا مادا متحاولش تبني نتائج علي مفيش لان انتا متعرفش اساسا ايه اللي حصل في الفيرنا ساعتها ممكن يكون اللي سايقها مش معتني بيها مش مغيرلها التيل الطنابير عنده ضايعه اتفاجا بالمطب لكن متقولش ده ماشي علي سرعه 80 وقبل المطب ب 50 متر العربية زحفت وكلت المطب لان كل اللي علقوا علي موضوعك ده اغلبيتهم معاهم الفيرنا وانا اولهم وزي ما قولتلك بلاش تسمع كلام التاكسجية لانهم اساتذة فتي وكلام في الهوا لان كل واحد فيهم عمره ما حط رجله قبل كدا في عربية زيرو كان اخره ال 128 البيجو القديمة ال 131 الشاهين يعني كله الناس ديه بتتكلم من 25 سنة فاتو

رد: السيارات فى مصر فرز تانى وبالذات هيونداى وبالاخص الفيرنا
 

على العموم انا خلاص مش اشترى الفيرنا بفكر اشترى عربية أمن علشان انا بسافر كتير كنت بسافر ب128 وكانت مأمونه فى السفر بس متعبة ومش ممتعة فى السواقه ولا مكيفة بيفكر فى البيكاتو هى سعتها صغيرة 1100 سىسى بس اضمن من الفيرنا فى السفر وربنا يبارك ليكم فى الفيرنا اللى معاكم

رد: السيارات فى مصر فرز تانى وبالذات هيونداى وبالاخص الفيرنا
 

الحمد لله ربنا مباركلنا فيها يا مادا وربنا يسترها عليك وتتربي في عزك البيكانتو