مصر موتورز مجتمع السيارات - الأسطورة دودج رام 2010 في مصر اشترتها من 4 أيام

اقتباس:

المشاركة الأصلية كتبت بواسطة ROMEOOO (المشاركة 191075)

2010 DODGE ram 1500 laramie crew cab 4*4 هي أفضل سيارة في فئتها ده تقرير صغير إن شاء الله هأعمل تقرير على الدودج رام بعد الامتحانات على واحدة 2010 بتاعت والدي أنا كتبلكم بعض التفاصيل عنها
الدودج رام فيها تسخين الكرسي امامي وتسقيع الكرسي وديه مش موجودة في أي عربية وتسخين الدركسيون ومساحة تخزين رهيبة ده غير الكمبيوتر ده فيها هارد ديسك 30 جيجا و شاشة تاتش و لما الواحد يرجع للخلف المراية بتتحرك وتكيف رهيب وجنوط ومرايات كروم وموتور 390 حصان وعزم رهيب ماشالله وامكانيات رهيبة و تتفوق من الداخل على ال BMW الفئة الخمسة وأنا متأكد لاني ركبتها أنا عارف إن مينفعش نقارن الرام بالفئة الخمسة لان ديه حاجة وديه حاجة بس من الداخل ينفع يتقرنو أنا قارنت مابينهم من الصالون حتة حتة والرام تتفوق في حاجات مثل الهارد ديسك و تسخين الدركسيون وياريت الاخوة اللي مبيحبوش غير الالماني أو مبيحبوش غير منتجات جنرال موتورز في الامركاني يتكلموا بلغة الامكانيات والأداء مش لغة الالماني أحسن أو كده وأنا الحمدلله واثق من كلامي لان الدودج رام ما شاء الله قفلت الكماليات التكنولوجيا في عصرنا هذا ولست اعني الأداء أنا اعني العربية من داخل المقصورة كل اللي موجود في المرسيدس ال e CLASS والبي ام دبليو الفئة الخمسة موجودة فيها الحاجة الوحيدة اللي مش موجودة فيها بعض الحاجات اللي في ال s CLASS الجديدة اللي موجودة زي الحاجات اللي هي زي الأمان والكلام ده لكن الرفاهية نفس كل حاجة والعربية لسة وصلة عند عز العرب وابـوغالي بس ديه بتتحجز ابلها ب 3 شهر برقم الشاسيه و والدي لسة مستلم واحدة اللون اسود وافضل من ال GMC we CHevrolet we hummer h2 pickup we alcadillac و كل المنافسين وأنا اللي اخترتها بعد لما قريت عنها على النت ورحت ل ابوغالي لاني عارف إنه موزع معتمد لل دودج وحجزنا العربية ووصلة بالها 4 أيام اللي عاوز يتأكد من كلامي بس يكون عايش برة يعمل test drive لدودج رام اعلى فئة (LARAMIE) ويقارن بالمنافسين و هيعرف مين الافضل أنا لا أبالغ لكن العربية واقفة زي الوحش ماشالله وحسيت إنها مظلومة في مصر وبعد لما جربتها الايام اللي فاتت حسيت إن حرام معملش تقرير ل هذه الأسطورة ماشالله ومش واخدة حقها في التقارير .

كل شيء موجود فيها حتى تسقيع الكرسي و ديه جامدة فيها الاتنين تسخين وتسقيع و التسخين ملوش لازمة في مصر لكن التسقيع ليه لازمة وفيها برده تسخين الدركسيون وكمان لما الواحد يرجع لورا أو كده المراية بتحود اوتوماتيك ومساحة تخزين داخلية رهيبة و 8 حمل أكواب و كمبيوتر رهيب فيه 30 جيجا و dvd ورا فتحت السقف أو في ظَهر الكرسيين الاماميين و كل مايخطر على البال موجودة حتى التحكم في ال ipod aw iphone من الدركسيون يعني تقليب الاغاني والكلام ده والكمبيوتر اللي في العربية بيتكلم ممكن تقوله open ur bluetooth يقوم قايلك opened يعني كمان ممكن بدل استخدام الدركسيون في تقليب الاغاني ممكن تقول next يقوم جايب الاغنية اللي بعدها وهكذا وكل الامكانيات زي gps والكلام ده وكل ما يتخيله أي شخص في عربية موديل 2010 موجودة أنا لا أبالغ و آسف على كلامي الشديد لكن حسيت إنها مظلومة وأنا اعشق العربيات لانها بيتنا الثاني وحضرتكم عرفين قصدي ا على رأي الامريكان الدودج رام :

DODGE RAM RULEZ

وهذه هي الحقيقة فهي وحش الطرق الوعرة لكن محدش مهتم بيها وتمنها 315 ألف جنيه بس ولو بجمركها الحقيقية توصل 1.2 مليون جنيه واللي عاوز يشوفها يعمل عنها تقرير بالفيديوهات وأنا إن شاء الله بعد الامتحانات هأعمل عنها تقرير عشان يبقى ليَّ السبق في مصر موتورز ل تقرير الرام 2010 لان التقرير هيبقى مصري مية في المية إن شاء الله وأنا جايبلكم تقرير خفيف عنها دلوقتي بس مش أنا اللي عامل الفيديوهات إن شاء الله هاعمل الفيديوهات بعد امتحانات الثانوية هتخلص 25/6 بس أنا جبت كام فيديو اوري حضرتكم امكانيتها و ديه مش كل امكانيتها إن شاء الله لما أعمل التقرير بنفسي حفصصها لحضرتكم على فكرة اللي احنا اشتريناها زي اللي في الصور لان اللي في الفيديو فرش اسود احنا بيج أسيبكم مع التقرير وانتظروا التقرير اللي هعمله على الدودج رام بنفسي أنا إن شاء الله هاعمله بعد يوم 25/6

http://www.youtube.com/watch?v=6wB1X...eature=related الفرق الواحيد بين بتاعت والدي وديه ا واللون الداخلي وشاشة العداد عربية والدي زي اللي في الصور
http://www.youtube.com/watch?v=Z3FHU...eature=related
لكم مني جزيل الشكر وفائق الاحترام<input id="gwProxy" type="hidden"><input onclick="jsCall();" id="jsProxy" type="hidden">

ممكن تعرفنى والد عامل اية فى ترخيصها؟ يعنى مرخصها ملاكل ولا نقل ولا اتوبيس خاص؟
لانى سمعت انها لو اترخصت نفل مش هينفع امش بيها داخل القاهرة وليميت معين للسرعة يعنى هتتعامل معاملة الربع نقل. فا ارجو الافادة لانى بفكر فيها بس دى النقطة اللى مخوفانى