رد: جوله داخل .... المصنع الشفاف
 

ههههههه
برضو المره دي ملحقتش
لقيت اسم مهندس احمد كامل دخلت ارد لقيت دكتور عبد السلام سبقني
بس برضو قلبي دليلي علشان ادخل في نفس الوقت خصوصا اني لسه فاتح الدكان حالا
منور يا هندسه ... فينك يا ريس ... و لا انت مبتجيش غير بالشكليته .. قصدي بفولكس :)
ليك عليا كل يوم موضوع عن فولكس ... بس نشوف مشاركاتك وموضوعاتك زي زمان

رد: جوله داخل .... المصنع الشفاف
 

والله يا ابو رمزى يا اخويا النظافة الجامدة ديه عادى بره والميكنه والمعدات طبيعى على عملاق فى مجال الصناعات الميكانيكة والثقيلة زى فولكس
انا اللى هيجننى ازاى خلو المترو يخش المصنع وده المترو العادى اللى الناس بتركبه ولا مترو سبيشيال ولا ايه ptmnlo123per1106

وحشتنا ابداعاتك يا يا سام ووحشتنا اطلالاتك يا ابو كمال ptmnlo123per122

رد: جوله داخل .... المصنع الشفاف
 

والله ياسامح باش انا دخلت مصنع ادوية شهير فى صر والله نظفته قل من المصنع ده ونظامه اقل كمان وفيه هرجلة طب انا ليا سؤال واحد مصنع الادوية عندهم شكله ايه ؟

وشكرا ياسامح باشا متميز دائما

رد: جوله داخل .... المصنع الشفاف
 

المترو ده مخصص لبضائع الفولكس فقط
حضرتك ممكن تلاحظ علامة الفولكس عليه بلإضافة لتصميم الأبواب (بضائع)

الحمدلله كان ليا شرف زيارة مصنع فولكس بمدينة السيارات بولفسبورج سنة 2002
قضيت يوم كامل هناك باتفرج و انا فاتح بقيptmnlo123per1106
واتذكر كان عندهم نفس التصميم الزجاجي لأبراج عرض السيارات بعد الإنتهاء من تصنيعها (برجين) و كانو وسط الماء
ايضا كان وقتها عرض السيارة الفيتون لأول مرة ...ptmnlo123per1105
مقدرش انسى اللحظات اللي قضيتها داخل هذه السيارة العجيبة

ويمكن زيارتي للمصنع كانت أحد أسباب شرائي للجولف 4 عام 2006 ثم الباسات مؤخرا

فعلا والله الناس دي ما بتهزرش يا جماعة...

رد: جوله داخل .... المصنع الشفاف
 

يعنى عاملين او شاريين عربيات مترو مخصوص وبيمشوها على سكك حديد البلد وطبعاً عاملين اكستنشن لحاد المصنع بتاعهم

لا حول ولا قوة الا بالله

واحنا عندنا لسه مش عارفين نوصل مترو الانفاق للعاشر من رمضان ولاحتى جسر السويس علشان يساعد فى نقل العمالة من المناطق الصناعية الرئيسية فىالبلد

بصراحة ده حرام يتقال عليه مصنع ده متحف حضارى اولاً ثم صناعى وتقنى ثم اشيك قاعه بيع وعرض واكثرها اقناعاً للعملاء
يعنى تحضر وتقنيه وعملانيه (3 فى واحد )
احنا بقى بلد ال 80 مليون فى واحد منه لله ربنا ينتقم منه
(( من اجلك انت ))