مصر موتورز مجتمع السيارات - زرار في الانوس تقدر تظبط بيه نسبة الاوكتين في البنزين

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: زرار في الانوس تقدر تظبط بيه نسبة الاوكتين في البنزين

اقتباس:

المشاركة الأصلية كتبت بواسطة tareksakr (المشاركة 161202)

فيشة الاوكتين في اللانوس عاملة زي جامبر الهارد ديسك ودي صورتها http://www6.0zz0.com/2010/04/06/21/913230486.jpg وهي مكانها يا تحت الموكيت اللتحت الكرسي بجوار السائق يا اما جنب الكنترول يونت تحت الفبرة اللي تحت التابلوه بجوار رجل اللي قاعد علي الكرسي الل حنب السواق والفيشة دي ليها أربع ظبطات أو اختيارات اولا في مصر بتبقي مظبوطة علي بنزين 87 وهتلاقي عليها ورقة ملزوقة مكتوب عليها 87 منعا للخبطة بارقام الاسلاك .......... هما 3 الوان فى ضفيره العربيه اللى رايحين على فيشة الاوكتين : اسود(ارضى) و بنى/ابيض و بنى
83 توصل الثلاثة ببعض
87 توصل البنى مع الاسود (ضبطة المصنع للعربيات المصريه)
91 مافيش حاجة واصله خالص (الفيشة مخلوعة)
95 توصل البنى/ابيض مع الاسود

عندما كان معى لانوس 2002 قرأت هذا الموضوع وقلت أجرب00000000
فى بداية إمتلاكى لهذه السيارة مونت 80 وكان الأداء سىء للغاية
بطء وتسقيف ولخبطة رجعت لل90 ظبطت

لما شفت الموضوع بتاع الفيشة على أحد المنتديات قلت أجرب00
رحت للكهربائى وقلت له على موضوع الفيشة فضحك وقال هذا الكلام غير سليم 00
المهم وصلنا إلى الفيشة فى أرضية السيارة بعد فك الكرسى الذى بجوار السائق
كانت كما هو موضح بالصورة
قام بتوصيل الأسلاك الثلاثة(وقد كان متوصل بها سلكين فقط)

وكانت المفاجأة بعد التجربة 00000000000

مونت 80 مشيت زى الفل بدون أدنى مشاكل

لمسافة 20ك وفى الرجعة اللخبطة كانت فى أزهى صورها والتسقيف على ودنه

كملت وقلت يمكن بس فى البداية00
وإستمريت أضع 80 حتى 80 لتر(أربع صفائح متتالية)
والوضع لا يتحسن بل يستمر فى التدهور

بعدها مرجعتش لل90 لكن وضعت لها على سبيل الإعتذار 92
حتى بعتها بصحة جيدة

رد: زرار في الانوس تقدر تظبط بيه نسبة الاوكتين في البنزين

الله ينور عليك أهه كده كلام علمي و موضوعي و كمان مدعم بالتجربة

خالص التقدير لكم جميعا و صباح الفل:waving:

رد: زرار في الانوس تقدر تظبط بيه نسبة الاوكتين في البنزين

اللة ينور عليك يادكتور تامر هو دة الكلام الصح

رد: زرار في الانوس تقدر تظبط بيه نسبة الاوكتين في البنزين

يعنى ايه الماتور يسقف ياجماعة انا معاى لانوس 99 حطيت لها 80 كام مرة بعد مارقرات الموضوع بتاع الفيشة وقلت اجرب الحقيقة اكثر من 1000 كم بدون مشاكل بين القاهرة للعاشر يوميا حوالى 160 كم بل ممكن اكون مشيت اكثر من 2000 كم كمان بس مش عارف رجعت تانى احط 90 يمكن احس بالفرق واعرف التسقيف ده او احس باى مشكلة

رد: زرار في الانوس تقدر تظبط بيه نسبة الاوكتين في البنزين

اقتباس:

المشاركة الأصلية كتبت بواسطة esammobarak (المشاركة 162929)

الموتور يسقف يعني تسمع صوت غريب شويه زي ما يكون تكتكه كده في حالة مثلا اذا دوست جامد علي البنزين أو كانت هناك عقبة أما احد العجلات و العربية واقفة و كنت تحاول اعطاء قوة دفع زيادة للسيارة ،، أو اذا جبت نقلة بدري شويه ..... أو حتي دوست بزين كثير شويه (كام دوسه كده ورا بعض ) و انت علي الواقف "سلانسيه "

وده يدل علي أن شرارة الاشتعال تحدث قبل ان ينتهي البستم من ارتفاعه مما يؤدي الي حمل و اجهاد علي الكرنك و بالتالي بوش السبايك و الهلال و ممكن لاقدر الله يتكسر الكرنك نتيجة لاستمرار ذلك علي المدي البعيد