رد: رجةفى الدكسيون عند الفرملة
 

رد: رجةفى الدكسيون عند الفرملة
 

ممكن جدا تكون مشكله الطنابير الخلفية والتيل الخلفي
اغلب الصنايعية بيقلبوا الزباين ويشيكوا على الفرامل الأماميه والتيل الأمامي
لأ
الطنابير الخلفية منسيه في الموضوع
ممكن يكون فيها تآكل جامد جدا والتيل يكون بيخلص
أنا لسه حاصله معايا نفس المشكله دي
رصصت مره واتنين وتلاته
وظبطت زوايا وغيرت طنابير امامي وتيل امامي
وبرضه المشكله موجوده
رجه جامده في الدركسيون مع الفرمله على السرعات العاليه
متحلتش غير لما حلينا الطنابير الخلفيه
لقيناها متاكله بشكل غير متساوي
فيه حلين
لو ينفع تتخرط وتتساوى عند الخراط
يبقى تتخرط
ممكن يكون التاكل شديد بحيث انها محتاجه تتغير
انا اتخرطت عندي
والمشكله راحت وبقت زي الفل

رد: رجةفى الدكسيون عند الفرملة
 

الحل الاكيد ان في مشكلة عندك في الجنوط
انا كان عندي نفس المشكلة في العربية و اخيرا اكتشفت ان الجنط الي ورا كان في عوجة بسيطة
غير الجنوط الامامية و ادعيلي

رد: رجةفى الدكسيون عند الفرملة
 

لو حضرتك لقيت الطنابير الخلفيه والتيل الخلفي تمام
يبقى حضرتك تبدأ تبص على سكتره الدركسيون بقه

رد: رجةفى الدكسيون عند الفرملة
 

انا انهاردة الصبح لقيت الكويتش الامامى يمين نايم غيارتها وركبت الاستبن الرجة قلت بنسبة كبيرة جدا طلبت من بتاع الكويتش يبدل العجل الورة ادام بس مجربتش علشان بتاع الكويتش ادام الجراج الى بركن فية بكرة ان شاء اللة اجرب واقلكم علشان بجد الموضوع دة مجننى
ملحوظة
انا الطنبير جديدة وجنوط جديدة ولسة مرصص العجل وتيل الفرامل جديد