رد: عايز اطلع رخصة وخايف وهموت واطلعها
 

بالنسبة لموضوع الرخصة دة يا جماعة
فهو موضوع رخم بس انا نجحت والحمد الله من غير ولا مدرسة ولا كوسة
كل الى عملتة روحت قدمت
وكان فاضل شهر على ميعاد الامتحان
طول فترة الشهر دى انا كنت بجيب اقفاص وارصها واختبر نفسى عليها بالبيجو ولاحظ انها عربية كبيرة فضلت طول الليل اعدى القراطيس صح لكن وانا راجع بضهرى لازم اخبط
لحد ما شافنى جارى الله يمسية بالخير وجى عرفنى ازاى اعدى القراطيس من ضهرى
قالى ال ما تلمح فى المرايا خلفية العربية بقيت جمب القرطاس اكسر كل عجلك الناحية التانية وفعلا عملت كدة وقدرت اعدى
وفضلت شهر ع الحال دة بس مش كل يوم طبعا

وجة بقى وقت الامتحان روحت دفعت عشرة جنية لعم محمود بتاع المدرسة علشان يدينى العربية الى بنمتحن عليها امشى بيها شوية وادخلها المرور وكانت عربية بعيد عنكم انا كنت متعود ع الباور ودى مفهاش ريحة الباور
المهم وقت الامتحان وبالصدفة عرفت من زمايلى الى معايا فى الامتحان انة ممنوع ادوس بنزين
قولتلة باستغراب ممنوع ادوس بنزين ازاى يعنى قالى هتطلع سلانسية
يارااااااااااجل انت باين صباحك حلو واليوم مش هيعدى على خير دخلت ضبطت مرياتى ولبست الحزام (قال يعنى الواد ملتزم اوى ) المهم اديتها الاول وسايستها بالدبرياج وفعلا طلعت العربية من غير ما ادوس على دواسة البنزين وعديت القراطيس والحمد الله وانا راجع بقى كنت هتطير اخر قرطاس بس الحمد الله ( توفيق من عند ربنا بجانب الحظ )
المهم روحت سلمت ع الضابط ومشيت والدى بيحكيلى بيقولى اخر قرطاس كنت هتشيلو قوللتة لاء ياراجل واية الى حصل قالى معرفش انت عديت ازاى قولتلة الحمد الله
واستلمت الخصة وعادى
جت بعد كدة اطلع الرخصة لاختى دخلتها مدرسة وطلعت الرخصة وهى لسة مش بتعرف تسوق
لية لان الفلوس الى بتدفعها فى المدرسة تعتبر هى الرشوة الى بتفعها علشان تطلع الرخصة بس بمظهر حضارى شوية

وفى الاخر احب اقولك جرب تانى واقدم مدرسة احسن وريح دماغك

رد: عايز اطلع رخصة وخايف وهموت واطلعها
 

أنا اكتر حاجة متأكد منها ان الستات مش اد الرجالة في امكانيات السواقة زي ماالرجالة متميزين في ال physics , chemistry أو الستات معظمهم مالهمش في السواقة أحسن حاجة يخلو حد يسوقلهم بس ده مش كل الستات ده ليلي اتعلمت السواقة بعد سن 22 سنة و والدليل بص على الرجالة لما بيسوقوا الموتسيكلات والبيتش باجيهات تلاقي الرجالة هما اللي لهم في الحصان والماشي على الكوتشتين , والكلام ده مية في المية لو خدنا المتوسط هنلاقي الرجالة احرف


ده موضوع عن سواقة الستات
http://www.masrmotors.com/vb/showthr...610#post166610

رد: عايز اطلع رخصة وخايف وهموت واطلعها
 

هي مش حقنة حاول مرة واتنين وتلاتة وابتدي علشان تكسب وقت وربينا معاك وتاخدها من اول مرة

رد: عايز اطلع رخصة وخايف وهموت واطلعها
 

ممكن حضرتك تشوف صندوق الوارد بتاع الرسائل عندك يا استاذ احمد

رد: عايز اطلع رخصة وخايف وهموت واطلعها
 

يا ريت حد يقول لى التجمع الأول تبع مرور(رخص القيادة)و كمان (ترخيص السيارات) ايه
و مكانه فين؟؟؟