رد: اختبار قياده و ملاحظات على النيوسيراتو أول 700كم
 

بص يا باشا ! أنا ركبت العربيه دى أقل من 10 أيام ! فى أجازتى اللى كلها مشاوير و تخليص مصالح

و ما كنتش فاضى أهرش ! و حتى ما صورتهاش بالموبايل لكى أجعل أخى هنا فى الخبر يرى صورتها

لآنى لم يكن عندى وقت ! و ده أسلوبى و طريقتى ! لو مش عاجب حضرتك ! أمامك خيارين !

الخيار الآول : فيه مليون تقرير فى المنتديات الآخرى وحتى فى هذا المنتدى !

الخيار الثانى : لما أنزل أجازه آخر الشهر اتفضل عندى و قلب فى العربيه زى ما انت عايز وأكتب لنا بأه

الزبد اللى انت عاوزها !

وشكرآ و أنا ح أكمل برده ياباشا ولو التقييم مش على هواك بلاش منه ولا تدخل عليه ولا تزعل نفسك !

وشكرآ على حسن ظنك فى شخصى الضعيف واللى أصابك بخيبة أمل !

Dr. Bolbolan ptmnlo123per1147

رد: اختبار قياده و ملاحظات على النيوسيراتو أول 700كم
 

هو حضرتك بتزعل من الصراحه - انا كنت منتظر تقريرك من فترة لانى قرأت انك استلمت العربية وسوف تكتب تقريرك.
ومكنتش متوقع ان ده يكون تقريرك يعنى متكلمتش عن ثبات العربية على الطريق استهلاكها للبنزين الحدفة الشمال ....

رد: اختبار قياده و ملاحظات على النيوسيراتو أول 700كم
 

ما بزعلش من الصراحه ! بس بأزعل من قصر النظر ! لآنى كتبت ان كله جاى بس بالترتيب وواحده

واحده ! حضرتك مستعجل ! ماشى ! ثباتها زى الفل و دركسيونها تقيل ! أى خدمه !

كان ممكن تسأل سؤال مباشر وأنا أجاوب ! بس زى انت مابيهمك شىء واحد فيه ناس تانيه يهمها أشياء تانيه كثير !

و شوف حضرتك حد يعمل تقرير تفصيل ! وأنا دلوقت فى السعوديه وبأكتب من الذاكره وأثناء العمل !

وأقسم بالله عملت 19 أو 20 اختبار طبى لآشخاص اليوم + الكشوفات العاديه + 5 مواضيع فى المنتدى

+ الرد ييجى على 10 مواضيع + 4 أو 6 رسائل خاصه كلها استفسارات ورديت على الكل !

لو انت شايف ان ده قليل على واحد عنده 55 سنه و حضرتك مش عاجبك ! والله اشتريلك واحد يكتب لك

اللى على مزاجك ! وغالبآ كده أنا عرفت اتجاهك ايه ؟؟ و علشان كده ح أكمل بطريقتى اللى عاجبانى و شايفها

مختلفه عن التقييمات الآخرى ! و يا اخوانا اللى مش عاجبه كلامى لا يقرأه ! فيها حاجه دى ؟؟؟

Dr. Bolbolan

رد: اختبار قياده و ملاحظات على النيوسيراتو أول 700كم
 

يا دكتور هدي نفسك ...مش محتاجه كل ده ربنا يعينك ويقدرك على كل حاجه الشفل والمنتدى وللولادك.....

واللي مش عاجبه الموضوع ما يقراش اصل لو كل تقرير لازم يبقى على هوى كل واحد ....نموت احسن

احنا متابعين بشغف ....ومن احسن تقارير المنتدى ....

وشكرا...
_________________________ _________________________ ______________

رد: اختبار قياده و ملاحظات على النيوسيراتو أول 700كم
 

يا دكتور والله انا مش قاصدى أزعلك - بس كل ما فى الموضوع انا حاجز السيراتو الهاى لاين وحجزتها بعد ما قرأت عنها الكثير من المقالات التى اشادت بها - بس مؤخرا وجدت اعضاء فى هذا المنتدى كتبت أراء وتقييمات للسيارة ليست فى صالحها - وفجأة لقيت حضرتك موجود بالمنتدى وقلت انا استلمت السيارة وسوف اكتب تقييمى عنها - ومنذ هذه اللحظة وانا انتظر تقييم سيادتك خصوصا وانى احسست ان حضرتك هتكون محايد - علما بأنى لم اتسلم السيراتو حتى تاريخه.
ارجو المعذرة ومرة اخرى اعتذر.
ممكن سؤال طبى اطعم أولادى ضد انفلوانزا الخنازير H1N1 ولا لأ