رد: انا اسف بس حسيت اني لازم انقل الموضوع ده
 

طبعاً الف سلامه للأستاذ صاحب العربيه و ربنا يعوض عليه
انا بس ليا كذا تساؤل؟؟؟؟
- إزاى اتنطر خارج العربيه من الزجاج الأمامى فى حين ان الزجاج الأمامى مش مخلوع من مكانه!! و الى اعرفه ان الإيرباج المفروض متفتحش إلا أذا كلن رابط الحزام!! طيب بفرض انها فتحت و هوا مش رابط الحزام, إزاى بعد م الإيرباج فتحت إتنطر خارج العربيه, المفروض ال2 إيرباج عملو وساده هوائيه امام السائق - يعنى صعب اوى يخرج من الأمام و الإيرباج فاتحه!!! زى الصور دى, بس طبعاً بدون الإيرباج الى على الأجناب
ح
http://www.kia.co.nz/Libraries/Cerat...ortional=false
http://www.kia.ca/content/vehicles/F...y/block1_s.jpg
http://www.blogcdn.com/www.autoblog..../05/airbag.jpg
http://i586.photobucket.com/albums/s...2/S5000491.jpg

,
- إزاى العربيه كانت ماشيه على 100كم/س و اتقلبت 10 - 12 قلبه حسب كلام صاحب العربيه (أعتقد يا إما السرعه كانت اكتر من كده كتير يا إما العربيه اتقلبت مره او مرتين بالكتير)

- يا ترى ليه عربيه اتقلبت و شكلها من الأمام بالمنظر البشع ده الأبواب الخلفيه سليمه تماماً حتى الزجاج سليم!!! و القوائم بين الأبواب سليمه, مش غريبه شويه!!
ز
http://i586.photobucket.com/albums/s...2/S5000486.jpg
ك

- طيب بفرض ان العربيه اتقلبت 10 - 12 مره زى ما صاحبها بيقول, انا شايف ان العربيه كده متينه جداً و محترمه لأن الصالون (الكابينه) سليمه نسبياً و تحافظ على الى جواها حتى بعد 10 -12 قلبه!! ولا ايه؟ (يعنى السقف منزلش ولا الكابينه اتفعصت, يعنى الخبطه او القلبه لم تؤثر على الكابينه بشكل خطير)


- طيب العربيه إتقلبت و إتبهدلت خالص و الموتور إتكسر, كون إن العربيه متولعش د مش امان (أصل فى ناس بيقولو العربيه بتولع لوحديها وهيا ماشيه و بدون حادث!!!!) طيب اهى إتقلبت و اتبهدلت و مواعتش!!
.
.
يا ريت حد يفكر معايا و يقولى ايه الحكايه!!

رد: انا اسف بس حسيت اني لازم انقل الموضوع ده
 

الآخ أوسكار / وجهة نظر محترمه ! و ده اللى أنا كنت عايز أقوله ! ان الواحد من هول الصدمه

بيتخيل أو بيرسخ فى ذهنه وقائع قد لم تحدث نتيجة ان العقل الباطن بيرفض انه يصدق ان هوه

السبب فى الحادثه يقوم يصور للشخص غصب عنه أحداث لم تحدث !

برجاء راجع مشاركتى الآولى فى هذا الموضوع و تحديدآ قصة الآخ اللى مات أخوه بسبب حادثه

هوه اللى عملها ! من الآخر كده نسبها الى عفريت ! و كان الله يرحمه هوه كمان مصدق كده و عايز

الناس كلها تصدق كده و ما حدش طبعآ جروء انه يقول له مش معقول ! لفداحة مصابه !

Dr. Bolbolan :waving:

رد: انا اسف بس حسيت اني لازم انقل الموضوع ده
 

صباح الفل يا باشا ايه اخبارك .. يا رب تكون تمام... المشاركة فى الاقتباس

رد: انا اسف بس حسيت اني لازم انقل الموضوع ده
 

انا تمام والله يا باشا و الحمد لله
ل

حضرتك هو قال فى الموضوع الأصلى انه خرج من الزجاج الأمامى فى اول قلبه للعربيه!! و لما الإيرباج بتتفتح صعب اوى انك تطلع منها خاصةً ان الحته الوحيده المكسوره فى الزجاج الأمامى ناحيه الراكب مش السائق!! ده غير إن حضرتك لو بصيت على الزجاج الأمامى سوف تجد انه مكسور من ناحيه الراكب الى جمب السائق و مفكوك من الأعلى و الزجاج مكسور بإتجاه الداخل و ليس الخارج, يعنى لو كان طلع من الحته دى كان الزجاج حيكون مكسور بإتجاه الخارج!!!
ل
http://i586.photobucket.com/albums/s...2/S5000490.jpg
ل
و انا كاتب فى المشاركه بتاعتى ان الإيرباج مش المفروض يفتح و الحزام مش مربوط, فى حاجه غلط فى الحكايه دى كلها, مش حاسس انها راكبه على بعضها و الله أعلم. . .
ل

حضرتك اى جسم متحرك ليه طاقة حركه تتناسب مع سرعة التحرك و وزن الجسم المتحرك و علشان العربيه تتقلب 12 مره او حتى رقم قريب من ده لازم تكون سرعتها كانت اكتر من كده كتير علشان الطاقه و الإندفاع ميقفوش العربيه غير بعد العدد ده من القلبات!!

انا مع حضرتك إن الباب الخلفى يمين بس هو السليم بس لو العربيه اتقلبت كل العدد ده من القلبات كان على الأقل الزجاج اتكسر خاصةً إن الشنطه الخلفيه متبهدله جامد (زى متكون واخده خبطه كحترمه او عربيه نقل لبست فيها) و العربيه من قدام واضحه انها إتعجنت و جانب السائق متبهدل بس الزجاج بتاع الباب الخلفى سليم بردو!!
ل

http://i586.photobucket.com/albums/s...2/S5000482.jpg

رد: انا اسف بس حسيت اني لازم انقل الموضوع ده
 

شكرا يا صقر باشا على المتابعة

بالنسبة للزجاج الامامى انا مش شايف مشكلة بصراحة انه يكون خرج منه حتى لو من جهة الراكب الامامى لان العربية كانت بتلف و بتتقلب ,, فا عادى جدا انه يخرج من اى جزى من الزجاج بسبب قوة الاندفاع....
اما حتة ان الزجاج مكسور للداخل أو الخارج فا منقدرش نجزم بيها لسببين ....
1- ان الزجاج الامامى يحتوى على طبقة بلاستيكية فى منتصفه بين طبقتين من الزجاج طبعا للحماية و فى الوضع اللى العربية متصورة فيه ده لازم الزجاج يبقى باين انه واقع لتحت مش لفوق زى ما تمسك اى حاجة منرنة فى ايدك هتميل لتحت مش لفوق فا احنا مانعرفش ايه اللى حصل ساعت الحادث ....
2- ممكن انقلاب العربية بعد ما الرجل خرج منها يكون غير حاجات كتير فى ملامحها بعد لحظة خروجه ..

اما بالنسبة للايرباج اللى فتح .. مكن تكون الغطة فى العربية نفسها... و ده غير مستبعد .. لو دورت فى المنتدى هتلاقى موضوع عن حادثة هيونداى جينسس كوبيه اول ما نزلت و الايرباج مش مفتوح بالرغم من ربط السائق للحزام .. فا عادى يعنى انه تحصل اخطاء فى العربيات دى ..... و ممكن تكون غير كدة الله اعلم....

بالنسبة لعدد القلبات .. انا فاهم كويس طبعا ان العربية لازم يكون فيها طاقة حركة كبيرة علشان تتقلب عدد كبير من المرات و فى النقطة دى يا ريت تشوف حضرتك مرة تانية الفيديو اللى حطه استاذ سامح رمزى sam ram فى مشاركته فى الموضوع و تشوف السرعات اللى ماشية عليها العربيات و عدد مرات الانقلاب فى كل مرة

و فيه عربيات فى نفس الفيدو طالعة ببعض الزجاج السليم تماما .... ركز فى الفيديو بس و هتلاقى ان ده ممكن يحصل عادى .....

و على فكره اقنتاعى بالعربية من عدمه ملوش علاقة بالموضوع .... احنا بس بنتناقش فى اسئلة انت طرحتها
و بالرغم ان المرسيدس مثلا هى اكثر السيارارت قربا الى قلبى و طبعا من اكثر السيارات امانا فى العالم الا انى شفت مرسيدس عيون مقسومة نصين ...و انا مش بامدح ولا بذم ... عادى يعنى ده قدر ربنا ...

بس كل حادثة بيبقى ليها ظروفها و ربنا وحده القادر على حفظ من هو بداخل السيارة بغض النظر عن اى حاجة
احنا بس بنحاول نقر الحقائق عن العربية و عن ظروف الحادث

حتى الراجل نفسه اللى عمل الحادثة بيحاول يقر الحقائق و مش مجرد تشويه لصورة العربية لصالح حد بعينه ... احنا كل اللى عاوزينه مصلحة الناس مش مصلحة التجار
و لك منى كل تحية