رد: متعة المشى فى الحارة الشمال براحة
 

السبب بسيط
كل ممنوع مرغوب

رد: متعة المشى فى الحارة الشمال براحة
 

مفيش حاجة اسمها واحد ماشي على 120 وانا سايق على 90 اوسع له وادخل انا فى الحارة اللى جنبي يمين علشان البيه يعدي

السرعة القصوي 90 او 60 على حسب الطريق ، امشي بيها وانا على الشمال ومش هعدي حد

وكمان هو غلطان غلطان وماشي على سرعة غلط وفي حارة غلط "مفيش حارة فى مصر لسرعة فوق 90 على ما اعتقد "

فهو يمشي يمين او يجري شمال ، يعمل غرز هو حر هو كدة كدة غلط ، ميجيش على اللى ماشي صح وويقول دة غلطان المفروض يوسع ليا علشان البيه راكب صاروخ وماشي على 120 او 140 .

رد: متعة المشى فى الحارة الشمال براحة
 

اسف بس مش كل الناس زي بعض في ناس بتحب تجري وخصوصا ان مثلا المحور بيشجع على كدة طريق نضيف جدا

والتجاوز مش بيبقى فقط عشان اجري ، الواحد ممكن يتجاوز في حالات:

1- واحد قدامه الشكمان بتاعه مطلع دخان بالهبل
2- واحد بيتعلم السواقة في الشمال (زي ما بعض الناس قالوا ان الشمال بيأمن لك الناحية الي على شمالك بعكس الوسط اللي بيخليك تنتبه لليمين والشمال) اوكي اتعلموا براحتكم بس مش تطلع وقت الذروة تتعلم
3- لوري زهقانة من اليمين ( بتحصل والله -مصر اسكندرية الزراعي-)

متفق معاك ان زيادة في السرعة خطأ لكن ده الواقع.
أنا شخصيا بحب التزم بالسرعة لكن باضطر ازيد السرعة عشان التجاوز فقط.

رد: متعة المشى فى الحارة الشمال براحة
 

رد: متعة المشى فى الحارة الشمال براحة
 

معلش أنا مش معاك خالص

في مكان في الدنيا اليمين هو الأبطأ والشمال هو الأسرع... إلا إذا كنا بنتكلم على طرق داخل المدينة

وفكرة اليمين والشمال دي جاية نتيجة إن الدركسيون على الشمال.. فالسواق يقدر يكشف زاوية أكبر وهو بيتجاوز من على الشمال .. مش من على اليمين

ومادام التجاوز محتاج سرعة أكبر .. يبقى الحارة الشمال لازم تبقى أسرع من الحارة اليمين

وحضرتك لما بتفرض رأيك على غيرك وتخليه يعديك من اليمين.. إنت كده بتعرض حياة غيرك للخطر... لو اللي ماشي بسرعة ده بس لوحده مش حقوللك حاجة... بس إيه ذنب الناس اللي حيخبطها لما يعدي من يمينك؟؟؟؟؟

للأسف ماعندناش شرطة تحاسب على السرعة في الحارات... مع إن دي هي أهم حاجة في السواقة... إنت تعرف إن فيه بره (مش في أوروبا.... في دول الخليج) حاجة اسمها شرطة الطرق السريعة تحاسبك لو ماشي أقل من السرعة المحددة أو مش في الحارة المظبوطة؟؟؟؟

ما اعتقدش إنك حتخسر حاجة لو اتنازلت شوية ورحت على اليمين ثواني، وابقى ارجع تاني على الشمال يا سيدي.... أنا عن نفسي بعمل كده

...