|
رد: تجربتى مع بنزين 80 فى الفيرنا
اقتباس:
ينفع بطريقة واحدة هي تركيب جهاز لتعديل قراءة الحساسات ويتم تركيبه كبري على حساس الكرنك الجهاز الموجود واللي أعرفه في مصر بيزود الكهرباء مش بيقللها وسعره 500 جنيه تقريباً لكن في أجهزة فيها إمكانية الزياة والنقصان لكن خارج مصر |
رد: تجربتى مع بنزين 80 فى الفيرنا
معى اخى فيرنا 1600 سى سى 2007 لما بيحط بنزين 90 واركبها انا بعرف علطول
الفرق واضح فالكركرة خصوصا عالمطبات وممكن العربية تبطل وانا عالمطب ممكن تكون علشان مش متعود اسوقها كتير لكن بنزين 92 بيفرق كتير والعربية بتكون احسن |
رد: تجربتى مع بنزين 80 فى الفيرنا
عسل يا احمد
بس تصور انا بشك انك مندوب للفيرنا وبتقبض |
رد: تجربتى مع بنزين 80 فى الفيرنا
أستاذ أحمد
انا أخوك حمادة ولسه جديد في الفيرنا جبت فيرنا 2007 من 12 يوم بالظبط وبصراحة لما اشتريتها صاحبها قاللي ان فيها مشكلة صغيرة انه حطلها تفويلة 80 وعملت حاجة كده عملت نتشة لما بتجيب اي غيار وتقرص عليه جامد يعني مثلا لو جيبت الأول وقرصت على العربية لحد ماصوتها يعلى كده تلاقي العربية بتمشي لمده معينه وباعدين تبدأ تقطع كده بشكل ملحوظ أوي اللي باع لي قاللي انه فضى التنك خالص وغير الفلتر بتاع البنزين وفولها تفويلة 92 وقاللي انه مع تفويلتين تلاته مني النتشة دي هتروح خالص وانا فولتلها لحد النهاردة 3 مرات اهو ولسة النتشة دي مراحتش ياترى دي أيه وأيه الحل بالظبط |
رد: تجربتى مع بنزين 80 فى الفيرنا
النتشه دى طبيعيه جدا و اسمها تفصيله و دى صانع السياره عملها علشان لما تصرق قوى على الموتور و يوصل لمرحله هو مش هايقد يكمل بعديها الموتور يفصل منك و يرجع تانى و ده علشان الموتور مايبوظش منك
لو عربيتك فيها ار بى ام خليها و هيه وقفله و دوس بنزين على الاخر و شوف التقطيعه دى هاتيجى على كام ار بى ام و لو مافيهاش برضو خليها واقفه و دورس بنزين على الاخر و شوفها هاتفصل ولا لآ و ابقى بلغنى |
| الساعة الآن 09:46 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017