مصر موتورز مجتمع السيارات - شات البنات المبتدئات فى القيادة

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - شات البنات المبتدئات فى القيادة (https://www.masrmotors.com/vb/showthread.php?t=134635)

رد: شات البنات المبتدئات فى القيادة

اقتباس:

عاوزة اسمع خبراتكم فى الوقوف على مطالع الكبارى فى الزحمة

انا اتعلمت فى الكورس الاتى\
طبعا انا على الغيار الاول والعربية وقفت على مطلع كوبرى خلاص ودايسه دبرياج للاخر مع فرامل
الكوبرى هيتحرك
بدرج دبرياج بالراحه لحد ما ترعش اثبت رجلى
اشيل رجلى من على الفرامل وازود بنزين سنه عالى شويه
اشيل رجلى من على الدبرياج للاخر وتمشى العربية

بس المشكله وانا بزود البنزين الزياادة شويه
صوت العربية بيكون عالى والناس بتبص عليا هههههههههههههه
كائن غريب )
لدرجه عسكرى قالى اطلعى اهدى شويه
بس انا لسه جديده فى السواقه ومش بيضبط معايا صوت البنزين ده خالص

موضوع فرامل البد ده مش بحبه ابدا ولا عملته لان مش عملى خالص وهيربكنى
ومش بمور خالص الا لو الوقفه هطول ساعتها ارفع فرامل اليد

افضل حاجة للوقفة فى مطلع كوبرى هى رقع فرامل اليد بحيث اقدر استغل رجليا الاتنين فى البنزين و الدبرياج فى نفس الوقت
اسيب رجلى من على الدبرياج سنة و ازود حبة بنزين لغاية لما احس بعزم العربية اقوم انزل فرامل اليد و اكمل رفعة رجلى من على الدبرياج و ازود بنزين

اقتباس:

وبالنسبة للنزول من على الكوبرى مش بمور بردو بخااااف العربية تجرى منى
بفضل خانقاها بالدبرياج وعلى الغيار الاول وفرامل
ولما الطريق يفتح اسيب فرامل بس تنزل وحدها

ايه رايكم صح كده ولا فى تعديلات

فعليا المور نفس تأثير دوسة الدبرياج كاملة
عامة معقول اللى انتى بتعمليه
بس مع الخبرة نزلة الكوبرى حتبقى و العربية معشقة اساسا و كدا فعلا اللى حيكتم العربية و لما السرعة تقل لدرجة ان الاسطوانة ترعش قبل ما ترعش ادوس دبرياج

رد: شات البنات المبتدئات فى القيادة

ممكن تقولى لى فى اليوتيرن
امتى اكسر الدريكسون كله
وامتى اكسره نصفه
انا بحب ابقى جمب الرصيف وانا بلف
بس بخاف اخبط فى الرصيف وبكسر الطارة كلها
بس فى بعض الاوقات المدربة تمسك منى الطارة وتقول غلط وبتلف على واسع وانا مش بحب الف على واسع بخاف من العربيات الجايه مسرعه

رد: شات البنات المبتدئات فى القيادة

القيادة فى منحنيات تتطلب تدريب طويل .... زى اليوتيرن و المنحنيات على الطرق السريعة
حاولى حضرتك تركزى علشان تعرفى تحافظى على العربية داخل الحارة
لف الدركسيون بيكون تقديرى حسب تقديرك الشخصى
يفضل عدم كسر الدركسيون للاخر لفترة طويلة للمحافظة على طرمبة الباور من التلف

رد: شات البنات المبتدئات فى القيادة

هو انا لو عاوز لما الف اليو تيرن ابقى قريب من الرصيف اللى ناحيتى باخد اليو تيرن و انا بعيد شوية يمين عشان لما الف شمال ابقى بقدر الامكان قريب من الجزيرة اللى فى النص
و فعلا عمرى ما اجيب الدركسيون للاخر عشان احافظ على المنظومة زيى نصيحة المهندس احمد و متعود اوقف الدركسيون قبل الاخر بهمسة