رد: دورة تبريد السيارة واهم اعطالها وكيفية صيانتها
 

شكرا يا صلاح باشا موضوع جامد

رد: دورة تبريد السيارة واهم اعطالها وكيفية صيانتها
 

ممكن حضرتك تراجع على الخراطيم والوصلات وتتأكد انها ما بتسربش وكمان غطاء الرادياتير ممكن يكون فيه مشكلة ومحتاج تغيير

رد: دورة تبريد السيارة واهم اعطالها وكيفية صيانتها
 

طبعا لما حضرتك بتهدى اوى وتيجى تطلع على التانى اكيد بتكبس بنزين زيادة ودى ممكن تخلى الكاربراتير يشرق ويعمل فرقعة والعربية تبطل وده ناتج من حاجة من التلاتة

1- البنزين واطى شوية محتاج يعلى ويظبط معاه كمان الهوا اللى داخل للكاربراتير أو
2- الكاربراتير محتاج تنضيف لان ممكن يكون فيه سدد هو اللى بيعمل الفرقعة دى
3- كهرباء العربية عايزة ظبط تعلى او توطى شوية على حسب حالته يعنى تظبط الاسبراتير

واخيرا حضرتك لما تهدى اوى عشان مطب والعربية تبقى شبه هاتقف يفضل حضرتك تطلع على الاولانى مش التانى عشان ماتحملش على الموتور والفتيس وتستهلك بنزين اكتر

رد: دورة تبريد السيارة واهم اعطالها وكيفية صيانتها
 

الله يجزيك ألف خير. و أرجو أن يتسع صدرك لحل مشكلتي , لأن الأسئلة كثيرة .. المشكلة إن شاء الله بسيطة
و هي كالتالي:
يوجد عندي تهريب في ماء الرديتر مجهول المصدر !!!
يعني أعبي الماء و بعد أسبوعين أجد المخزن فارغ !
عرضت السيارة على الورشة كذا مرة و لكن لم يتضح مكان التسريب, لأنه يحدث ببطء شديد.
هل توجد طريقة لكشف التسريب ؟

للمعلومية, السيارة بيجو 206

و عندي سؤال على الطاير: المروحة عندي أمام الرديتر , هل أستفيد إذا ركبت مروحة إضافية خلف الرديتر ؟
أليس من الأفضل أن تكون خلفية؟

رد: دورة تبريد السيارة واهم اعطالها وكيفية صيانتها
 

حل المشكلة الاولى

طالما حضرتك عرضت المشكلة على الورشةاكتر من مرة يبقى اكيد اختبر طلمبة المية والخراطيم والكيعان والوصلات وغطاء الرادياتير وطلعو سلام مافيهمش حاجة
يبقى حضرتك تفك الرادياتير وتسد الداخل والخارج بتاعه وكمان فتحة تزويد المية وتحطه فى بانيو مليان على الاخر بالمية وتجيب منفاخ زاى بتاع الكاوتش وطبعا لازم تعمل الكلام ده عند واحد بتاع رادياتيرات يبقى افضل عشان المنفاخ او حد
بتاع تصليح كاوتش دا لو ملقتش بتاع الرادياتير عنده المنفاخ وتفتح الهواء اكن حضرتك بالظبط بتنفخ كاوتش العربية
لو فيه تسريب فى الرادياتير هاتلاقى فقاقيع الهواء خارجة من المكان اللى بتتسرب منه الميه
تعالجها على طول باللحام سواء لحام قصدير او بالارانديد
ولو لسه فيه تسريب يبقى تكشف على طلمبة المية وغطاء الرادياتير والوصلات والكيعان والخراطيم فى ورشة تانية يكون صاحبها عنده ضمير ولو محتاجين يتغيرو غيرهم

وبالنسبة للاستفسار التانى
المروحة هى غالبا بتركب بين صدر العربية والرادياتير عشان بتعمل تبريد من جهة والهواء الخارجى المندفع من شبكة العربية وهى ماشية بتعمل تبريد من الجهة التانية
اما لو راكبة امام الرادياتير يبقى اتأكد انها لجهة الداخل مش للخارج يعنى شغالة مروحة مش شفاط
واعتقد مش محتاج نروحة اضافية لو كانت العربية مش بتسخن ودرجة حرارتها معقولة اما لو بتسخن يبقى ممكن حضرتك تركب مروحة اكبر شوية لو المساحة تسمح امام الرادياتير او تركب مروحة خلفية صغيرة اضافية

يارب اكون قدرت افيد حضرتك