مصر موتورز مجتمع السيارات - مشكلة تنك البنزين بيتملي النص بس

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - مشكلة تنك البنزين بيتملي النص بس | فيات 128 (https://www.masrmotors.com/vb/showthread.php?t=109020)

رد: مشكلة تنك البنزين بيتملي النص بس | فيات 128

تقريبا لما الميكانيكى ركب ماسورة الفايظ نزلها لتحت شوية فالبنزين لما بتملاها بيوصل لمنسوب اخر الماسورة ويسدها وبقت مبتخرجش باقى الهوا اللى فى التنك

رد: مشكلة تنك البنزين بيتملي النص بس | فيات 128

اقتباس:

المشاركة الأصلية كتبت بواسطة نبيل عبدالرحمن (المشاركة 850891)

طيب ياريت تقول لنا عملت ايه وهل المشكلة إتحلت ؟

زى ما انا قولت كدا
الميكانيكي فك خرطوم الفايز وطلع طويل وتم تقصيره لغاية بداية التنك فقط
لانه كان واصل جوا التنك بكثير وعشان كدا مبيخرجش الهوا وبالتالي مش هتاخد بنزين الا لغاية فوهة خرطوم الفايز بس ..
طبعا انا لسه مفولتش لغاية دلوقت لما افول هتأكد ان المشكلة اتحلت ولا لا

اقتباس:

المشاركة الأصلية كتبت بواسطة Hossam Mosa (المشاركة 850949)

طب تانك عربيه فيات 24 بياخد كام لتر ..عندى مش بياخد غير 30
وكنت شاكك ان التنك فيه رمل ولا حاجه..فياريت تعرفونى قيمه التنك كام لتر
\
وشكرا على الارشادات ...

انا معرفش بس اعتقد ان التنك كدا مظبوط 30 لتر

اقتباس:

المشاركة الأصلية كتبت بواسطة mizo_128 (المشاركة 851117)

بص انا سجلت مخصوص في المنتدى عشانك....انا عندي 128 زيك وكان عندي نفس المشكلة بالظبط التنك مش بياخد غير 12 لتر أو 13 لتر بالكتير والعربية قطعت مني بنزين مرتين...ودوخت السبع دوخات على بال ما عرفت السبب...شكيت في التنك انه يكون مخروم وشكيت في الزور وشكيت ان التنك يكون فيه رواسب مطرح البنزين...وفي الآخر اكتشفت السبب...التنك مليان على آخره بنزين بس المجرى بتاع العوامة قصير ومش عارف يسحب البنزين اللي في قاع التنك...شوف عوامة البنزين ايه ظروفها وغيرها لو فيها حاجة هيا مش غالية أوي عاملة 60 جنيه ويوغوسلافي

تسلم ياحبي ربنا يكرمك
زى ما انا قولت الحل اللى عملته يخص خرطوم الفايز
هفول الاول بنزين عشان اتاكد
اذا خد التنك كامل يبقي دى المشكلة
وأظن انها فعلا كدا لانها محصلتش الا بعد ما غيرت خرطوم الفايز

اقتباس:

المشاركة الأصلية كتبت بواسطة A_bauomey (المشاركة 851136)

بالظبط كدا ، هفول انهاردة لاني انشغلت شوية فى شغلي
وربنا يسهل وادخل اقولك ايه اللى تم معايا

رد: مشكلة تنك البنزين بيتملي النص بس | فيات 128

اقتباس:

المشاركة الأصلية كتبت بواسطة omardealo (المشاركة 850783)

بص روحت للميكانيكي وطلع الكلام دا مظبوط
وهو ان خرطوم الفايز طويل جدا داخل التنك واصل لنص التنك تقريباً بالتالي لما يتملي نص التنك ويوصل لفوهة خرطوم الفايز داخل التنك بيوقف طرد الهواء من التنك ومش بيقبل وضع اى بنزين تاني ...
توكل على الله وروح للميكانيكي يظبطهالك ويخلي خرطوم الفايز بالمقاس المظبوط وتكون نهايه الخرطوم فى بداية التنك من الاعلي ....
وخد بالك انا قبل ما اروح للميكانيكي امبارح طول الخرطوم دا عامل مشكلة تانية وهو ان التنك بيسرب بنزين من خرطوم الفايز لداخل الشنطة يعني العملية فيها خطورة .
وانا انهاردة هروح افول بنزين عشان اتاكد من حل المشكلة دى .
بالتوفيق ،

بالتوفيق يارب
بس عندي سؤال : هل احتاج الفك التنك ولا ممكن تتعمل والتنك راكب ؟

رد: مشكلة تنك البنزين بيتملي النص بس | فيات 128

اقتباس:

المشاركة الأصلية كتبت بواسطة msm_classic (المشاركة 851674)

بالتوفيق يارب
بس عندي سؤال : هل احتاج الفك التنك ولا ممكن تتعمل والتنك راكب ؟

بص ياباشا انا خلاص كدا المشكلة اتحلت عندى الحمدلله
روحت فولت واتاكدت ان كدا تمام
بالنسبة لفك التنك مش هيحتاج اكثر من انه ينزله من ناحية واحدة
يعني مش لازم يفكه على الارض ... يدوب بس يظبط خرطوم الفايز
بالتوفيق ...

رد: مشكلة تنك البنزين بيتملي النص بس | فيات 128

اقتباس:

المشاركة الأصلية كتبت بواسطة omardealo (المشاركة 851723)

الف شكر ياباشا وجزاك الله خير
:fun_36_3_9[1]: