مصر موتورز مجتمع السيارات - اصلحها ولا ابيعها ولا اولع فيها واريح نفسى .. مستنى رايكم ...

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: اصلحها ولا ابيعها ولا اولع فيها واريح نفسى .. مستنى رايكم ...

اقتباس:

المشاركة الأصلية كتبت بواسطة محمد حسن عبد الرحمن (المشاركة 854225)

أسف لتاخرى فى الرد على حضرتك أنا بعت لحضرتك رقمى بص عندك على التنبيهات الواردة

شكرا محمد باشا على اهتمامك

وسورى كان بقالى فترة مش بدخل

رد: اصلحها ولا ابيعها ولا اولع فيها واريح نفسى .. مستنى رايكم ...

اقتباس:

وغيرت القنطرة والركبتين لان العفشجى قالى كانو ضايعين

تمام اوى اوى .........كدة وش العربية بقى زى الفل قنطرة جديدة وركبتين بقت استاندر

اقتباس:

انا مش عارف فى شروخ ولا لاء والى بيعملها العفشجى الى انا عنده ده ولا هروح لسمكرى ؟

الشروخ معظمها بيكون فى كرتيرة العجل وقايم السائق وعلى الكرتيرة من جوة عند حوض الموتور
واللى بيعملها السمكرى مش العفشجى.....مش حضرتك بتعمل الشغل دة عند سمكرى ولا اية؟

اقتباس:

دول لازم يتعملو ولا لاء ومين الى بيعملهم ؟

ان شاء الله بعد لما العربية تطلع تمام يا ريت تعملهم عشان تفضل مظبوطة على طول

اقتباس:

عاوز اقفل الرجلاش ده بانى الحم له ورده كهرباء بالمقاس القديم

صح جدا جدا جدا الله ينور عليك

ربنا يكرمك يا رب والعربية تطلع كويسة وتحافظ عليها وتبقى وش الخير عليك بس حاول تحب عربيتك عشان العربية تحبك

رد: اصلحها ولا ابيعها ولا اولع فيها واريح نفسى .. مستنى رايكم ...

اقتباس:

المشاركة الأصلية كتبت بواسطة mr_astra (المشاركة 860606)

تمام اوى اوى .........كدة وش العربية بقى زى الفل قنطرة جديدة وركبتين بقت استاندر

الشروخ معظمها بيكون فى كرتيرة العجل وقايم السائق وعلى الكرتيرة من جوة عند حوض الموتور
واللى بيعملها السمكرى مش العفشجى.....مش حضرتك بتعمل الشغل دة عند سمكرى ولا اية؟

لا ياباشا ماهو بعد بحث وعناء طويل اكتشفت ان الزرجينة فى القاهرة اسمها شبلونة فى اسكندرية والى بيشتغل بيها فى القاهرة السمكرى لكن الى بيشتغل بيها فى اسكندرية الحداد او العفشجى المهم ما علينا ..
انا بعملها فى ورشة عفشجى فيها صنايعية كتير ومن ضمنهم سمكرية بيشتغلو معاه فى الشغل ده .. المهم انا سالته قالى انسى اى شروخ او حاجة فى حوض الموتور

ان شاء الله بعد لما العربية تطلع تمام يا ريت تعملهم عشان تفضل مظبوطة على طول

باذن الله بس مين الصنايعى الى بيركبها ؟

صح جدا جدا جدا الله ينور عليك

للاسف مش راضى يلحم الوردة بالمقاس القديم بيقول مش هتيجى مظبوطة ومش هتفرق اصلا الوردة دى لانه هيركبه على المقاس الى هوه عاوزه .. بس انا مش مقتنع ومش عاوز كده وبيقولى لو لازم يبقى نغير المساعد ( بيرخم عليا )
انا ممكن اجيب مساعد حتى لو استيراد اهم حاجة يكون المقاس مظبوط بجملت الفلوس الى خربت مش هتفرق عليه :red_face10:

ربنا يكرمك يا رب والعربية تطلع كويسة وتحافظ عليها وتبقى وش الخير عليك بس حاول تحب عربيتك عشان العربية تحبك

يارب ياباشا وميرسى على ذوقك

المشكلة بقى ياباشا انه خلانى اغير العفشة كلها ماعدا المساعدين وفتح عليا فتحة ربنا الى يعلم بيها وعاوز اخد رايك فى سعر البضاعة الى اشترتها وسعر المصنعية لان حاسس ان الموضوع بهرج منى :12422A~17:

الادوات كلها جديدة ماعدا الاستبلايزر

اسكترا يوغسلافى 280 جنيه

2 كوتشة حامل اسكترا 15 جنيه

2 بيضة دركسيون 80 جنيه

2 مقص 130 جنيه

2 مسمار 17 ب 5 جنيه

مش عارف كوتش ايه تانى ب 20 جنيه

2 بطاحة 70 جنيه

2 فبرة مساعد 5 جنيه

قنطرة وركبتين 110 جنيه

الاستبلايزر مش عارف بكام

اجمالى 715 جنيه من غير الاستبلايزر ده لسة مدفعتش تمنه

اما بالنسبة للمصنعية 700 جنيه

وكل ده فى نص العربية الامامى فقط وكل لما اقوله اعملى النص الى ورا يقولى

لا مش دلوقتى لما تركب موتورك وتقفل عربيتك .. دلوقتى مينفعش

رد: اصلحها ولا ابيعها ولا اولع فيها واريح نفسى .. مستنى رايكم ...

الف الف مبروك على العفشة الجديدة
وانا حاسس ان العربية هاتطلع زى الفل بامر الله
بخصوص اسعار البضاعة انا شايفها معقولة جدااااااااااااا
اما المصنعية
لو على اد شغل العفشة يبقى كتير اوى بصراحة ..........انما ممكن يكون داخل فيهم شغل السمكرة لحامات وزراجين يبقى برضة المصنعية مقبولة فى حدود المعقول

لو ينفع والموتور برة الحوض تشوف لو فية حاجة بتجيب زيت او ما شابه يا ريت تعملها بالمرة عشان الشغل فى الموتور وهو برة اسهل بكتير اوى

وما تنساش لما تركب الموتور فى العربية تزود زيت فتيس لانة اكيد قل عن الطبيعى

ربنا يوفقك يا رب

رد: اصلحها ولا ابيعها ولا اولع فيها واريح نفسى .. مستنى رايكم ...

اقتباس:

المشاركة الأصلية كتبت بواسطة mr_astra (المشاركة 860942)

فى البداية بعتذر انى اتصلت بيك فى وقت غير مناسب

بس انا كلمتك اكتر من مرة على مدار اليوم فى اوقات مختلفة وكان تليفونك اما مقفول او

مش بيرد فقلت اجرب اكلمك متاخر شوية كانت 11 وتلت بس للاسف كنت نايم .

الله يبارك فيك ياباشا

يارب تطلع كويسة بقى انا تعبت ...

اه ياباشا المصنعية شاملة تركيب الركبتين والقنطرة واللحامات والزراجين والشبلونة والعفشة

وانا بركب الموتور هركب كوتشتين زيت للكبالن جداد علشان ميكنش فى اى تسريب باذن الله

وهخليه يبص على الدربوكس برده لو فيه حاجة بتجيب زيت وهجيب اسطوانة وديسك وبلية

فاليو باذن الله وهخليه يركبهم وكمان سلك دبرياج بالمرة علشان موجعش دماغى .

وهخليه يبص على قواعد الموتور والفتيس علشان لو فى اى حاجة قبل ما نركب

وبكره باذن الله الصبح قبل لما اروح للميكانيكى هدهن الركبتين واللحامات بالانتركوت

علشان احافظ على الشغل الى عملته .

وبعدها اطلع على الميكانيكى اركب الموتور واشغل العربية وازود زيت فتيس واظبط زوايا

امامى علشان اتاكد من الشغل وبعدها بقى ابقى اطلع على السمكرى ولما اخلص معاه

هرجع للعفشجى تانى علشان يعدل العجلتين الى ورا ويظبطهم واظبط زوايا تانى ورا وادام

وبعدها اركب التابلوه واظبط الكهرباء وبعدها اروح ارش العربية كلها من تحت بالانتركوت

والتجويف بتاع الاربع عجلات وبعدين اركب كفراتهم وبعدها اروح للسروجى اقفل باقى العربية .

بس فى حاجة غريبة بعد لما غيرت العفشة والقنطرة والركبتين العربية بقت عالية اوى من ادام

والعفشجى بيقولى لما الموتور هيركب هتنزل .. ربنا يستر ..

وفى النهاية بشكرك على وقتك واهتمامك .