رد: عربيتي بتسخن في الزحمه
الطبيعى المؤشر فى النص
اوضاع الفتيس : الـ D هو الاستخدام العادى و نادرا لو فى احتياج للـ L لان الـ L حيخلى الفتيس يثبت على الترس الاول فقط و دا استخدامه فى المطالع الحادة زيى مطلع باركينج تحت الارض و خصوصا لو فى ركاب فى العربية وضع الـ DS و الله اعلم للقيادة الرياضية و دا حمل على الماتور و الفتيس و استهلاك البنزين فى مقابل اداء عالى ......... غالبا كنترول الفتيس بيأخر النقلات ل RPMs مرتفعة و يمكن كمان مينقلش على اصغر ترس اللى هو ترس الأوفردرايف و كل دا فى مقابل الحصول على اداء عالى |
رد: عربيتي بتسخن في الزحمه
اقتباس:
ثانيا: ممكن يكون عيب تانى وده الى انا اتوقعه ياريت حضرتك تراجع مياه الريداتير وتشوف هل فى فقد فى المياه ولا لا ثالثا: المؤشر فى النص عادى مش خطر لكن الطبيعى ان المؤشر يبقى فى الربع لكن فى حاجه المؤشر بيوصل للنص فى الطرق الزحمه او والعربيه واقفه ولما المروحه تشتغل تبدا تنزل للربع تانى وبعدها المروحه تقف وتوصل لقرب النص وبعدين المروحه تشتغل وهكذا الطرق السريعه مفروض تكون على الربع واقل كمان بعدين ده الجو كويس امال فى الصيف هتعمل ايه !!:shwt: لكن فى سؤال لحضرتك العربيه بتوصل للخطر ؟ يعنى للاحمر؟ ولا اخره النص بس ؟؟ متابع مع حضرتك |
رد: عربيتي بتسخن في الزحمه
فعلا كان عندي نفس المشكله وطلعت طرمبة المياه بتسرب
|
رد: عربيتي بتسخن في الزحمه
اه العربيه بتوصل لمرحله الخطر
ثانايا ميه الرديتير مبتنقصشي خالص الحمد لله بس كلمت الميكانيكي قالي انها سخنت بسبب المتور واننا لازم نغيره مفشعارفه هل السبب فعلا المتور ولا انا هصلحه والاقيها بتسخن وتبوظه بعد مصلحه اصل الطرق فمصر هلبس مره فطريق وممكن يتبهدل بعد مصلحه فايه رايكم اعمل ايه الميكانيكي بتاعي شاطر او بالاصح دا ناس وصفهولي ولقيته كويس |
رد: عربيتي بتسخن في الزحمه
اقتباس:
العربيات اتوقعى منها اى حاجه وبتبقى حاجه سيئه جدا لو رخمت ممكن يكون الاحتكاك داخل الموتور زياده جدا لدرجه انه يوصلها لمرحله الخطر !! ولا مجارى المياه مسدوده داخل الموتور ؟؟ وده الى اتوقعه واعتقد ان ده الى يقصده الميكانيكى بقوله ده بسبب الموتور اصل حاجه غير منطقيه ان احتكاك شديد لدرجه الوصول لمرحله الخطر ومع عمل دايره التبريد بشكل صحيح ممكن نشوف راى عضو اخر بس ده الى على بالى حاليا بس نصيحه منى ياريت ماتغيريش اى جزء فى الموتور قبل ما تعرفى سبب السخونه الحقيقى لان كده هتاذى الموتور الجديد وساعتها ولا اكننا عملنا حاجه ودوره التبريد صغيره يعنى مش محيره للدرجادى . واول خطوه هنعملها هى هنشيل الثرموستات ونجرب لو الحراره نزلت ساعتها نغير الثرموستات ونعمل الى احنا عاوزينه فى الموتور اما اذا لو الوضع زى ماهو فهنفكر فى حاجه تانيه تحياتى ومتابع مع حضرتك |
الساعة الآن 10:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017