مصر موتورز مجتمع السيارات - حمى الكيا سيراتو الجديدة

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - حمى الكيا سيراتو الجديدة (https://www.masrmotors.com/vb/showthread.php?t=10782)

رد: حمى الكيا سيراتو الجديدة

شكرا لصاحب الموضوع مش علشان الموضوع لكن بصراحة و من غير زعل علشان خلانا نستمتع بالردود الجميلة جدا دى

رد: حمى الكيا سيراتو الجديدة

نفسي اكسب عربيه

رد: حمى الكيا سيراتو الجديدة

اقتباس:

المشاركة الأصلية كتبت بواسطة sam ram (المشاركة 61348)

للأسف كل العربيات دي هاتشباك ...
والبولو السيدان صيني ... و الكليو السيدان نفس عينه السيينا و الباراتي
حتى الكوردوبا بقالها كذا سنه ... فالناس ملتها .. برغم ان مواصفاتها و سعرها هايل ..
و اللينيا اللي تعبر السيدان للجراند بونتو مش ماشيه ...
ودي أنا معاك فيها ... الناس في الفئه السعريه دي بتدور على الاكبر و الاقوى والسعه اللتريه الاعلا ...و مقدرش اقول الاحلى ... لأن اللينيا شكلها جميل جدا ... لكن موتورها 1400 و هورس باور اقل من 100 حصان ... علشان انت عارف العربيه لازم تبقى أكتر من 100 حصان يسلو بعض في زحمه الاشارات !!!

لكن إحنا بنحسبها بالكيلو ... و لما نيجي نبيع منخسرش ..

و اية المشكلة فى الهاتش باك , مهو انا مستغرب برضو , يعنى الاوروبيين الى شوارعهم اكبر من شورعنا , و نظام المرور عندهم افضل مئا مرة من عندنا , و هما اغنى ممنا بمراحل , لكن فى الاخر معظمهم بيشترى هاتش باك صغيرة , و عملية و بموتورات اقل حتى من عندنا .

يعنى انا كنت فى المانيا و لما كنت بشوف مرسيدس سى ولا اس كلاس كنت بعمل احتفال , بالمقارنة السيارت الصغيرة منتشرة مثل الوباء .

يبقى السيارة الهاتش باك عملية فعلا , و حجمها مدمج اكتر , ومناسبة جدا للشوراع المصرية من حيث الزحام , بدليل نجاح سيارة زى الماتركس و التريوس فى مصر و هى سيارت هاتش باك كلها .

يعنى مقولة ان الهاشت باك غير ناجح فى مصر مقولة خاطئة و مغرضة , الهدف منها تصريف السيارت السيدان اللتى ليس لها اسواق فى اوروبا و غيرها من الدول العملية .

و بعدين لو شوفت حتلاقى معظم الناس ركبين فى سيارت منفردة , يعنى الف الموتورات ال1600 سى سى و الفا الجولانات من البنزين تحترق لنقل اعداد قليلة و عمل ازدحام رهيب فى المرور .

بينما يمكن الترويج لسيارت اقل حجما و اقل استهلاك للوقود , واقل تلويثا للبيئة .

يبقى فعلا احنا محتاجين نراجع اختيارتنا , و نتجنب الاختيارت المبنية على العرف او السائد , مقابل اختيارت عملية ملائمة لشوارعنا و احتياجتنا الاقتصادية و البيئية , و يمكن دة اللى بتعملة بعض السيارت الصينية الصغيرة , المناسبة فى سعرها بالنسبة لبعض الفئات , لكنها طبعا سيارات سيئه جدا ,و حتكهن خلال بضع سنوات , لمستوى تصنيعها المتواضع .

رد: حمى الكيا سيراتو الجديدة

اقتباس:

المشاركة الأصلية كتبت بواسطة wawoo (المشاركة 61626)

و اية المشكلة فى الهاتش باك , مهو انا مستغرب برضو , يعنى الاوروبيين الى شوارعهم اكبر من شورعنا , و نظام المرور عندهم افضل مئا مرة من عندنا , و هما اغنى ممنا بمراحل , لكن فى الاخر معظمهم بيشترى هاتش باك صغيرة , و عملية و بموتورات اقل حتى من عندنا .

يعنى انا كنت فى المانيا و لما كنت بشوف مرسيدس سى ولا اس كلاس كنت بعمل احتفال , بالمقارنة السيارت الصغيرة منتشرة مثل الوباء .

يبقى السيارة الهاتش باك عملية فعلا , و حجمها مدمج اكتر , ومناسبة جدا للشوراع المصرية من حيث الزحام , بدليل نجاح سيارة زى الماتركس و التريوس فى مصر و هى سيارت هاتش باك كلها . :crazyW14:

يعنى مقولة ان الهاشت باك غير ناجح فى مصر مقولة خاطئة و مغرضة , الهدف منها تصريف السيارت السيدان اللتى ليس لها اسواق فى اوروبا و غيرها من الدول العملية .

و بعدين لو شوفت حتلاقى معظم الناس ركبين فى سيارت منفردة , يعنى الف الموتورات ال1600 سى سى و الفا الجولانات من البنزين تحترق لنقل اعداد قليلة و عمل ازدحام رهيب فى المرور .

بينما يمكن الترويج لسيارت اقل حجما و اقل استهلاك للوقود , واقل تلويثا للبيئة .

يبقى فعلا احنا محتاجين نراجع اختيارتنا , و نتجنب الاختيارت المبنية على العرف او السائد , مقابل اختيارت عملية ملائمة لشوارعنا و احتياجتنا الاقتصادية و البيئية , و يمكن دة اللى بتعملة بعض السيارت الصينية الصغيرة , المناسبة فى سعرها بالنسبة لبعض الفئات , لكنها طبعا سيارات سيئه جدا ,و حتكهن خلال بضع سنوات , لمستوى تصنيعها المتواضع .

يعني يارجل ياطيب أي عربيه من غير شنطه تبقى هاتشباك على كده الأوتوبيس ptmnlo123per170بما إنه من غير شنطه يبقى مصنف هاتشباك

ثانيا: المشكله ليست في التجار ولا غيره
المشكله فينا إحنا (ثقافاتنا وعاداتنا) مش في حد تاني

حضربلك مثل صغير جرب كده تسافر ولو أسبوع واحد بس وليكن مصيف مش سفر بعيد
وشوف حضرتك والمدام حتعملوا شنط شكلها إيه ده غير الإكسسوارات اللي بالعبيط من عجل وجيت إسكي وبيتش باجي وغيره وغيره

طيب بص كده لأي واحد أجنبي وليكن من ألمانيا وجاي يقعد في مصر أسبوعين (مع العلم إنه مسافر خارج وطنه وحيقعد فتره أكبر)
حتلاقيه شايل شنطه واحده بس وكمان على ظهره يعني مش كارثه كبيره !!!!!

إذا طريقة التفكير والإحتياجات مختلفه تماما
فهو بيشيل الضروري فقط
أما إحنا لو طولنا ننقل البيت بحاله معانا حنعملها وبدون تردد

مثال آخر

بص على أي أجنبي في السوبر ماركت (مش حقولك إضرب مشوار لبلاد بره) حتلاقيه واقف في قسم الفاكهه والخضار بياخد كيس فيه تفاحتين ونص عنقود عنب وجوافايه وكمترايه (أقصد الموضوع عنده بالعدد مش بالكيلو زينا)

ده غير إن البنزين عندهم غير مدعم يعني بيدفع أضعاف الرقم إللي حضرتك بتدفعه في البنزين والضرائب هناك مافيهاش هزار زي هنا ينفع تتهرب منها

وغير الوعي البيئي والثقافي

والإحساس بقيمة الماده لأن مافيش حاجه عندهم إسمها البركه وربنا يسهل والأمور الإتكاليه بتاعتنا ديه
هوه حيصرف مليم يبقى إيه المقابل بمنتهى البساطه
فتيجي تقوله حتدفع 2 مليم في حاجه ممكن يقضيها بمليم سيرفض تماما

ياأخي إنزل أي فندق في الغردقه ولا شرم ولا غيره ويكون العشاء مثلا بوفيه مفتوح
بص على الأجانب بتعمل طبق شكله إزاي وأي مصري بيعمل طبق شكله إزاي

الموضوع مش مشكلة تجار الموضوع مشكلتنا إحنا

رد: حمى الكيا سيراتو الجديدة

اقتباس:

المشاركة الأصلية كتبت بواسطة ahmed_kamel (المشاركة 61629)

يعني يارجل ياطيب أي عربيه من غير شنطه تبقى هاتشباك على كده الأوتوبيس ptmnlo123per170بما إنه من غير شنطه يبقى مصنف هاتشباك

الموضوع مش مشكلة تجار الموضوع مشكلتنا إحنا

اهلا يا احمد باشا ..... يعنى انت مش معتبر الماتركس هاتش باك ولا اية , و التريوس فى رايى هاتش باك برضو , لان ابعادها و مساحة الشنطة فيها قد مساحة اى شنطة هاتش باك , بس هاتش باك علية شوية مجراش حاجة .....

و المشكلة فينا احنا فعلا , يبقى نعمل حملة على عادات و تقاليد بزخ الشعب المصرى ... اية رايك
شنطة واحدة لكل مواطن .....ptmnlo123per154