|
رد: سايس السيارات مشكله لازم ليها حل ضرورى
عندكوا حق الموضوع بقي رخم خالص و بقوا عاملين زي العصابة و ليهم اجرة ثابتة و مينفعش تفاصل معاهم كمان انا مبعرفش اتكلم معاهم خالص ومش عارفة اعمل ايه
|
رد: سايس السيارات مشكله لازم ليها حل ضرورى
والله الموضوع مش سايس بس دي فيه مواقف الساعة بـ 5 ج حتي لو جيت بعد 5 دقايق وانت مش قدامك غير هو لانك لو وقفت في الشارع اما العربية هتتكلبش او تنسحب او هتدفع غرامة فاغلب الناس تقولك 5 ج ولا ادفع مخالفة 50 او 100 ج
والناس دي ممكن لو انت شديت معاهم انت اللي هتخسر لاما مش هتركن فيه تاني او ممكن تلاقي 20 واحد جايين يتخانقوا معاك الخلاصة ان الكل ميدفعش ولا مليم لو مش موقف رسمي مش تيجي انت متدفعش وتلاقي غيرك بيدفع لأ اما كلنا ندفع او كلنا مندلهمش فلوس لأما ياخدوا يا عم اللي فيه النصيب مش اتاوي يعني 5ج يسيبوها انت وزوقك كأنه بقشيش في النهاية تسلم ايدك علي الموضوع ده فعلا مشكلة من ضمن مشاكل بتواجهننا كتير |
رد: سايس السيارات مشكله لازم ليها حل ضرورى
هي المشكله كبيره فعلاً وبسبب كده وعلشان الزحمه ووجع القلب بتاعها بقيت لو في مشاوير بكون لوحدي كتير جداً بركب مواصلات لو مش هشيل حاجه أو مش معايا حد بريح قلبي وأستحمل المواصلات لكن المشكله لو معايا حد أو معايا حاجه بضطر أستحمل وأمري لله وبرضه أحيان كتير بتخانق معاهم بسبب اللي يقولك مش كفايه وكأنه له نصيب في العربيه مثلاً وأنت مش عارف وكأنه حق مكتسب حاجه طبعاً متعبه جداً خاصةً في وسط البلد والأماكن الزحمه أساساً
|
رد: سايس السيارات مشكله لازم ليها حل ضرورى
جميل مشاركاتكم واحساسى ان لسا فى ناس بتحس شيئ اجمل. مش زى ناس بتقول اديهم و خلاص او اديهم عشان غلابه .........حسبى الله و نعم الوكيل فى اللى بيقول الكلام ده لانه بكدا بيقضى على غيرة ما يقدرش يدفع كل 20 دقيقه 5 جنيه عشان يركن فى شوارع بلده و كمان يدفع لناس ما خدمتهوش باى شىء وكمان بيطالب بفلوس شايف انها من حقه بجد لازم نشوف حل انا بقيت مش بخرج بالعربيه الا للضرورة القصوى فقط وبظبط الاماكن اللى هركن فيها قبل ما اروح لانى بصراحه بيتوجع قلبى لو دفعت مليم لواحد منهم ..........مش بخل والله العظيم ........بس احساس اكتر بانهم بلطجيه..وبييخدوا فلوس مش من حقهم و بدون اى خدمه مقابلها .......يعنى هل ينفع انا انزل الصبح اروح و اقف بصفارة عند الجامعه واى عربيه هتركن اجرى عليها و اصفر و اقول لصاحبها تعالى شمال ...حضن يمين و اقفل المرايا و بعد 10 دقائق .....اخد 5 جنيه لاما اكسر العربيه؟.........مش ممكن يكون دا عدل و مش ممكن يكون فيه حاجه قانونيه تدى لهذا العدد الغفير الحق انه ياخد من الناس ثمن لركنه العربيه اللى بقت لعنه دلوقتى مش نعمه ......حوت بياكل بنزين و صيانه و مخالفات و تجديد رخصه و تامين اجبارى ........وهلم جرا حسبى الله و نعم الوكيل فى المسؤول عن دا |
رد: سايس السيارات مشكله لازم ليها حل ضرورى
:THUMBS~220::bb127bc6eab0 60e3e23
|
| الساعة الآن 02:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017