مصر موتورز مجتمع السيارات - سؤال وخطر ببالى - تعالوا تعالوا جاوبونى ده فيه رعب وأكشن

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: سؤال وخطر ببالى - تعالوا تعالوا جاوبونى ده فيه رعب وأكشن

اقتباس:

المشاركة الأصلية كتبت بواسطة محمدصلاح القاضى (المشاركة 807547)

حصلت معايا
ايام الثوره
لكى اصل لبلدى لى طريقان كنت معتاد على احدهما حتى وقتنا هذا والاخر وهو طريق طنطا المحله
وطريق اخر فردى اسمه سبرباى قطور

وفى يوم كنت روح بليل من طنطا على الطريق التانى
واذا بى على بعد 7 كيلو من وصولى البلد والاقى ناس واقفه على الطريق فى حته مقطوعه ماسكين شوم وعصيان وسيوف
وكان الطريق ضيق فى هذه الوصله وامامى ثلاث حلول لا رابع لهما
يا اما انزل فى الزراعه او مصرف رى بعمق 9 متر او انى اقف واستسلم او ادخل بقلب جامد
والحمد لله
دخلت بكل ثبات لكن على سرعه 80 كيلو ولم اكتفى بانى اعدى فى النص لا خدت غرزه يمين فى واحده شمال
نزلت اليمين المصرف والشمال الزراعه
وما اصابنى خبطه على الرفرف الامامى الشمال والكابوت

ومره تانيه برضه على نفس الطريق
جرى ورايا عربيه نص نقل موديل 95 تقريبا لونها ابيض ومفيش عليها نمره توحد ربنا
حاولوا قطع الطريق عليا وايقافى
لكن الحمد لله استعنت على الشقا بالله وقمت شادد بالعربيه وطالع الدولى بتاع كفر الشيخ ومشيت بالعربيه على الطريق بسرعه 150/160 وكان الطريق لسه جديد ومفتتح وشغال زى الفل لكن مفيش نور للاسف عليه
وفضلت طاير
والعربيه تقلب نور وكلاكسات وتزنق وحاجه زفت حتى قبل منفذ الكارته لمداخل كفر الشيخ عند الجامعه الجديده وكان فى رمل هناك من بقيت الرصف وكان لسه فى تكمله وتحويله لكن انا طبعا كنت اول مره اروح فيها كفر الشيخ وفى المنطقه دى وعلى سرعه 60 كيلو وقمت شادد الهاند بريك ومديها 4 خمسات وفى السادسه عادل وشى وواخد اتجاهى ناحية طنطا مره اخرى ومكمل طريقى تانى وعلى نفس السرعه لكن خدت مطب على سرعه 80 بعد اما هديت بالعربيه بالعافيه لان كبست فرامل على بعد 3 م من المطب لان النور مش مبين ان فى مطب وعمل السليمه جاب نص العفشه اللى قدام ( مساعدين وبيض وتيش )
ومن يوميها عرفت ان الواحد لازم يكون راكب عربيه سليمه عشان المواقف اللى زى دى

كفرالشيخ نورت ياباشا عمار ياكفرالشيخ بلد الامن والامان

رد: سؤال وخطر ببالى - تعالوا تعالوا جاوبونى ده فيه رعب وأكشن

المشكله دلوقت ان التثبيت بقى بسلاح آلى
والطرق اصبحت خطره جدا
بس لو الظروف اجبرت
رد الفعل ساعتها هيكون على الموقف نفسه
بس فى كلتا الحالات العمليه (ضايعه ضايعه)
فلازم التصرف الامثل هو عدم الوقوف
بس ربنا مايكتبها على حد ابدا
كنت راجع من طريق فرعى من المحله والطريق فردى وكنا 3 فى العربيه
وطبعا لايوجد اعمده نور والدنيا زى الفل
وفجأه لقيت ناس اللى فى ايده شومه واللى ماسك سيف وبيقفلوا عليه
كل اللى معايا اصابهم الخرس لقيت نفسى بتصرف لوحدى طبعا لازم النور العالى
وكبست للعربيه جامد جدا وانا رايح عليهم مش فى طريق مستقيم يعنى اخدت اتجاه على المجموعه فى اليمين ولما بداو يهربوا رميت على بتوع الشمال
والحمد لله الخسائر طوبه فى الشنطه من ورا وخبطه شومه
وطبعا ماشيلت رجلى من على البنزين لحد الطريق الدائرى والنور والعربيات واللى معايا كمان بدأوا يتكلموا طبعا حسوا اننا كنا ضايعين
ربنا مايكتب على حد المواقف دى ويحفظنا جميعا

رد: سؤال وخطر ببالى - تعالوا تعالوا جاوبونى ده فيه رعب وأكشن

انا كل ما اجى اركب عربيتى بقول الدعاء وادعو من الله الحفظ والسلامه واهم حاجه ان الواحد زهنوا يبقى صافى ومركز ف اللى حواليه على الاقل لتفادى اخطاء الغير اما بالنسبه لقطاع الطريق ف انا مسلمها لله

تقبلوا تحياتى :01FDAB~189:

رد: سؤال وخطر ببالى - تعالوا تعالوا جاوبونى ده فيه رعب وأكشن

اقتباس:

المشاركة الأصلية كتبت بواسطة tarek/ (المشاركة 807774)

أهم جزء بقى هو ده
لازم النور العالى
وكبست للعربيه جامد جدا وانا رايح عليهم مش فى طريق مستقيم يعنى اخدت اتجاه على المجموعه فى اليمين ولما بداو يهربوا رميت على بتوع الشمال

ربنا يسترها معانا جميعا وشكرا لمرورك

رد: سؤال وخطر ببالى - تعالوا تعالوا جاوبونى ده فيه رعب وأكشن

اقتباس:

المشاركة الأصلية كتبت بواسطة crime (المشاركة 807777)

ربنا يسترها معانا جميعا
شكرا لمرورك