مصر موتورز مجتمع السيارات - ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

مصر موتورز مجتمع السيارات (https://www.masrmotors.com/vb/index.php)

- شيرى إسبيرانزا CHERY SPERANZA (https://www.masrmotors.com/vb/forumdisplay.php?f=43)

رد: ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

الناس اللي مابتصدق تلاقي موضوع زي ده تدخل تشتم في الصيني وخلاص
ياريت يشوفوا الاسبيرانزا في السعودية مثلا باسم شيري عامله ازاي وتقفيلها عامل ازاي واسأل اي حد سعودي تعرفه هناك او في اي دولة في الخليج
اي مستورد لعب اطفال حتي بيقول للصين انا عايز الحاجة دي بالسعر ده يعني هو اللي بيحدد الكواليتي مش الصين
العيب مش في الصين العيب في التوكيلات هنا
يعني كل مشاكل اسبيرانزا سببها ابو الفتوح منه لله بيجيب ارخص حاجة وكمان لعنة التقفيل المصري اللي بتبان علي اي ماركة عربية مهما كانت غاليه

رد: ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

اقتباس:

المشاركة الأصلية كتبت بواسطة محمدصلاح القاضى (المشاركة 795825)

طيب بس اهدى وروق كدا

انت بتقول فى كلامك ان العربيه محتاجه سلك دبرياج وان حضرتك لفيت عليه عشان تركبه ومحدش رضى يركبه

احب اوضح لسيادتك حاجه
اولا مفيش عربيه الاسبرانزا طلعتها وكان الدبرياج سلك
كل الدبرياج بتاع الاسبرانزا خزن ومساتر مفيش اى سلوك دبرياج ولا اى كلام من دا

ثانيا
انا معايا عربيه 516 موديل 2008 عامله كيلوات 13 الف والحمد لله زى الفل ومفيش مشاكل يادوب غيار الزيت مش اكتر

وثالثا مستر محمد حمدى معاه تيجو والحمد لله مرتاح معاها ومشتكاش منها وربنا يديمها عليه نعمه ويبعد عنه عيون الناس
انا عاوز اعرف تفاصيل اكتر عن عربيتك
يعنى الفئه والموديل والكيلوات والصيانات داخل التوكيل ولا برا ؟؟؟؟؟؟؟؟؟؟

والله العظيم برنس.. الله ينور عليك

رد: ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

اقتباس:

المشاركة الأصلية كتبت بواسطة hal71 (المشاركة 796269)

على فكرة يا جماعة كل اللي شاري عربية جديدة و بيروح التوكيل اللي بيدفعه في الصيانات مش مجرد قطع الغيار و المصنعية لأ طبعاً دي آخر حاجة.
*** إنت في الحقيقة بتدفع الآتي :-

--رسوم الوكالة
-- ثمن إعلانات الجرايد
--تكلفة إنشاء مباني الصيانة
-- ثمن الأجهزة و الإستهلاكات (كهرباء -مياه -معدات-...إلخ) وقيمة صيانات المباني و المعدات
--كمان أجور العمال و حوافزهم و الرعاية الصحية و التأمينات الإجتماعية الخاصة بهم و كمان قيمة الأجازات المدفوعة الأجر الخاصة بهم
-- الأرباح الخاصة بالوكيل
-- الضرائب اللي بيدفعها الوكيل للدولة
**حضرتك إحسب كل ده و حمله على تكلفة المصنعية وقطع الغيار تعرف ليه الحاجة تتعمل بره بقرش و جوه التوكيل بعشرة
**طبعاً كل ما عدد العربيات المباعة يزيد كل ما الفرق ده يقل لكن عمرهم ما هيتساووا أو حتى يقربوا من بعض.
**يعني أنا مثلاً عشان عربيتي قديمة بأصلح عند ميكانيكي و كهربائي ما عندهمش محلات أصلاً(قاعدين في الشارع بجد) لكن محترفين و نضاف جداً و بيرضو بقليله لأن ما عندوش المصاريف الرأسمالية الرهيبة اللي عند التوكيلات.
ده مش معناه إن التوكيلات وحشة لكن معناه إني طالما هأتعامل مع التوكيل يبقى لازم أبقى فاهم ليه الأسعار وهمية

و إن كان ده طبعاً لا يعفي على الإطلاق من سوء الخدمةاللي حصل مع حضرتك

انت كمستهلك مش مجبر انك تدفع الكلام ده..... فقط تدفع تمن قطع الغيار والمصنعيه فى التوكيل وده الى بيعمله اى توكيل فى العالم اما االذيادات الى بتكلم عليها حضرتك ديه تعتبر سرقه عينى عينك لو كان بقى كده يولع التوكيل وصاحب التوكيل فى يوم واحد ...بالظبط زى قصه الجمارك الى وجعين دماغنا بيها رغم ان التوكيلات فى مصر مابتدفعش جمارك على العربيات المستورده الا جمارك بسيطه جدا تكاد لاتذيد عن 7 فى الميه من سعر المنتج وده المتفق عليه بين التوكيلات ورجال الاعمال الكبار اصحاب التوكيلات وبين مصلحه الجمارك وبيجوا فى الاخر يلبسونا احنا كمستهلكين خازوق نسبه الجمارك والى بيحسبهالك فى بعض الاحيان ب200 فى الميه على بعض العربيات وده سبب ان العربيات الارخص فى العالم هتلاقيها الاغلى فى مصر بسبب هذا الجشع والسرقه المتفق عليها بين مصلحه الجمارك التى تمثل الدوله وبين التوكيلات التى تمثل رجال الاعمال . طيب فى بعض الاحيان فيه امتيازات لاصحاب التوكيلات الجديده بانهم بيبقوا معفيين من الضرائب لعده سنوات ورغم ذلك بيضفلك نسبه ضرائب على المبيعات وعلى الصيانات وعلى المصنعيات .
ربنا ينتقم من كل تاجر جشع وكل صاحب توكيل جشع همه فقط سرقه المواطن الغلبان . اللهم امين SLAM

رد: ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

اكيد فى حاجة غلط انا بتعامل مع التوكيل منذ خمس سنوات الحمد لله مافيش اى مشكلة بس توكيل ابو الفتوح الكيلو 32 مصر اسكندرية الصحراوى ممتاز جداً ابو رواش ده تعبان على فكره انا عامل بالسيارة 80000 الف كيلو ما شاء الله وغير تيل بعد الاصلى بتاع العربية مره واحده فقط والحمد لله على فكره فى ناس بتقول ان موديلات الجديدة مش حلوة انا استلمت 11-2007

رد: ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

اولا :- لازم تهدى وتكشف عند واحد عفشجى كويس
ثانيا :- كل اللى دخل فى الموضوع -وانا منهم- عندهم موديل a516 ..والراجل بيتكلم على موديل 113 ..علشان كده مش قادرين نفيدك بتجربتنا ..
ثالثا :- ياريت لو أى عضو معاه نفس الموديل 113 يشارك ويعطى لنا تجربتة العمليه مع السيارة a113