المشاركة الأصلية كتبت بواسطة الخبييييير (المشاركة 794172)

تعمل ايه لو واحدة ست خبطتك بكل برود وبلادة في شارع فاضي عند مدخل نادي اكتوبر
ماشي ورا واحدة ست راكبة بيجو 505 وانا ساعتها كنت راكب بيجو 305 هيا عدت بوابة النادي وقامت واقفة فجاة وانا بيني وبينها مسافة فوقفت عادي لقيتها قامت مدية مرشدير ورجعت بسرعة كسرت شبكة وفانوسين وزقت العربية معاها لحد المدخل طبعا انا كنت مذهول طبعا نزلت عشان اولع في الدنيا لقيتها واحده ست ومعاها في العربية 3 شحطة وجوزها ما بقتش عارف اعمل ايه نفسي حد يفتح بقه عشان انفجر فيه لقيتهم قاعدين بكل بساطة محدش حتى بص في وشي وجوزها بيقلي معلش يابني (باين عليه شرابة خرج )فقلت للست ينفع كده تقفي مرة واحدة وترجعي تخبطيني قالتلي اعملك ايه قلتلها تصلحي
قالتلي تصليح ما بصلحش وعندك نمرة العربية واللي انتا عايزه اعمله قمت رايح على عربيتها من قدام وكنت لابس جزمة سيفتي امريكي اصلية وبرجلي قمت مطرقع لها جوز الفوانيس والشبكة وقاعدت اشوت في الشبكة والفوانيس شوية لحد ما تاكدت انهم اتفرتكو فبتقولي ايه اللي بتعمله ده يا حيوان يا همجي قلتلها دلوقتي بقيت حيوان وهمجي كان نفسي واحد من ولادها ينزلي عشان كنت زعلت الست هانم عليه
فشيت غلي بالحركة دي وقمت ماشي بكل بساطة
روحت عند حمودة السنكري قام مشهيص وش العربية وركب نفس الشبكة تاني وغير قزاز الكشافات وغطيان الاشارات البلاستك حسبة 100 ج بالمصنعية
ودمتم بود

المشاركة الأصلية كتبت بواسطة dr_bedo12345 (المشاركة 794634)

والله مشكله فعلاً ....الناس بتخرج الواحد عن شعوره باحترافيه
اى نعم الناس تعبانه وزهقانه وربنا اعلم بظروفهم بس الواحد ذنبه ايه بس......
بس بصراحه الواد ده شكله كده من النوع المستفز جدا خليه يتأدب