رد: سؤال لملاك الميجان، ليه بتبيعوها برخص التراب
 

بورتو...تسمحلى أسألك سؤال ؟؟؟

بتاءً على أيه قررت أنها عاوزة واحد معاه فلوس يصرف عليها ؟؟

هل حضرتك شفت أسعار قطع غيارها والصيانات الدورية بتوعها وقارنتهم بعربية تانية؟؟
و لو حصل يا ريت تقولنا العربية التانية دى كانت أيه ؟
ولو محصلش قارن بينها وبين أسعار الصيانات الدورية للكورولا لحد ال 120 ألف كم وقوللى أيه النتيجة.

أسعار الصيانات الدورية للميجان هتلاقيها فى قسم رينو فى موضوع
أسعار الصيانات الدورية للميجان 2 ( منقول بتصرف )

الفكرة أنها مش عاوزة أهمال فى الصيانة بس..........و على فكرة أى عربية أياً كانت هتهمل صيانتها هتستحملك شوية وبعد كده هتوريك اللى عمرك ما شفته ptmnlo123per191

رد: سؤال لملاك الميجان، ليه بتبيعوها برخص التراب
 

الاخوه الأعزاء

انا عندي ميجان مو 2005 و عامله 110000 كم و الحمد لله للإن اداؤها ممتاز و باغير بطاريه كل سنتين خارج التوكيل ب650 جنيه فقط ومجرد ادخل رقم كود الكاسيت المكتوب علي السياره يعود كل شىء للعمل بدون حاجه للذهاب للتوكيل

انا باتفق معاكم ان السياره قطع غيارها غاليه فعلا بس اظن ده حال كل السيارت الحديثه لان بالطبع قطعة الغيار هى جزء من ثمن السياره

السياره بها كم من الاوبشنز غير عادي ان يتوفر في سياره بهذا السعر والمسأله اصلا مسألة أذواق وهل انت تهوي التعامل مع هذه الكماليات وعندك استعداد لذفع ثمن هذه الرفاهيه ام لآ

هذا رايي والخلاف فى الراي لا يفسد للود قضيه

رد: سؤال لملاك الميجان، ليه بتبيعوها برخص التراب
 

نرجو وضع الاستفسارات في امكانها الصحيحة


مشرف القسم...

رد: سؤال لملاك الميجان، ليه بتبيعوها برخص التراب
 

السلام عليكم
أحب أقول اننا مش اول ناس نشتكى من العربيه دى أقصد المصريين انا قريت فى موقع بريطانى متخصص فى تقييم السيارات تقييم عن العربيه دى لأنى كنت من الناس اللى ناويين يشتروها ولاقيت فى التقييم بتاع العربيه دى نفس المشاكل اللى تفضل الاعضاء هنا بذكرها وكمان بيقولو ان العربيه دى رغم احترامهم الشديد للماركه الفرنسيه سيئه ده غير تقييم القراء اللى قريت فيه شكاوى بالهبل معظمها فعلا من الغلاسه بتاعة الكومبيوتر ومشاكل الكهربا فتخيلو ان العربيه دى نازله فى بريطانيا بالرداءه دى فيا ترى عندنا شكلها ايه؟!!!!

رد: سؤال لملاك الميجان، ليه بتبيعوها برخص التراب
 

أنا عجبتني خالص الرينو ميجان خصوصا أنو كان عليها عرض هنا فالسعوديه رهيييب لأن الوكيل بيصفي بس بعد قريت كذا مقال تقييم لأداء السياره في أوربا وفعلا المحرك ال1600 مش ناطق مع العربيه خصوصا داخل المدينه ومش بيبان غير فالطرق السريعه
وربنا سلم وبفكر فالكورولا تاني مع إن الشكل الجديد مش مريحني