مصر موتورز مجتمع السيارات - تصادم بين جيلى ck وبيتلز (شهادة حق فى العربيات الصينى)

اقتباس:

المشاركة الأصلية كتبت بواسطة mr_astra (المشاركة 672488)

اخى الكريم " aymanlaw " كل كلمة قلتها تنم عن شخصية مثقفة وواعية ...........لك منى كل احترام وتقدير

لكن الناس محتاجة شوية وقت لاننا متعودين على الموروثات القديمة وصعب جدا ان حد ياخد قرار من دماغة لازم يشوف حد قبل منة جرب عشان يمشى وراة

العربية دى جبناها من سوق السيارات يوم الجمعة الماضى نزلت مع زميلى فى الشغل لانة بعيد خالص عن العربيات وانواعها واولاد الحلال نصحوة شبة اجماع ان رانج الفلوس اللى معاة ( 36 الف ) انسب حاجة هى اكسل

اختة على هواة ورحنا اتفرجنا على كل العربيات الاكسل اللى فى السوق وكلهم طبعا محصورين بين 94 و 98 والحالة العامة تخوفك وفين لما لقيت عربية ينفع اشتريها واللى كان بيبعها تاجر وفعلا كانت عربية كويسة جداااااااااا وانا بطبعى بحب اشترى من تجار لانهم اسهل فى البيع والشراء وعمر التاجر ما بيشترى حاجة وحشة لنفسة ........طالما العربية فيها توكيل باسمة مش رايح يبعها لحساب زبون عندة يبقى كدة اخدها ..........المهم وقف على الـ 35 الف سبتة ورحت لصاحب الجيلى عربية 2006 عداد 34 الف شركة برة وجوة عدا باب السواق وفيها خربوشين تلاتة والصالون باكياس المصنع تكييف وباور وسنتر وانذار ومرايات كهرباء وABS& EBD وعربية عالية عن الارض بشكل جميل .....ملمومة من برة لكن واسعة من جوة
عربية بالمواصفات دى اسيبها واروح اجيب اكسل موديل 96 بـ 35 ولا اجيب الجيلى بـ 32 ؟؟؟؟؟؟؟؟؟؟؟

الحمد لله ان زميلى كان مسلملى دماغة ومستسلم تماما لقرارى وبالفعل العربية لغاية امبارح كانت معايا وعملت بيها حوالى 1000 كم فعلا معجب بيها جداااااااااااااااااااا جداااااااااااااااااااا

ولما سمكرى يؤلك العربية دى صاجها محمل ويطلب منك تجبلة عربية زيها !!!!!!!!!!دة تفسرة باية وسمكرى كمان يعنى شغلة كولة فى الصاج مش ميكانيكى ولا كهربائى واللى يشدة ان العربية صاجها محمل

يبقى انت واخد كل حاجاة فى الدنيا

موديل حديث
موتور تويوتا جبار فعلا
صاج ومتانة
باور اكنك بتلف طارة على بلى بس وما فيش كاوتش ولا مقصات ولا سكاتر دة الاحساس والله اكنك بتلف الطارة على الفاضى
اية اللى ناقص ؟؟؟؟؟؟؟؟؟

اشكرك على الرد والتواصل والمدح فأنا لااستحق ماقلته حضرتك فامثلى مثل الأخرين ,ومنكم نستفيد..
كما إن كلامك هذا منطقى جداً وواقعى وهذا هو المهم فى الموضوع ( والله اعلم )تحياتى لشخصكم المحترم:GROWIN~12: