مصر موتورز مجتمع السيارات - أنواع الريسيفرات الFULL HD المختلفه في مصر واثمانهم وامكانياتهم وافضل نوع

مصر موتورز مجتمع السيارات (https://www.masrmotors.com/vb/index.php)

- ساحة السوق (https://www.masrmotors.com/vb/forumdisplay.php?f=145)

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع

اقتباس:

المشاركة الأصلية كتبت بواسطة sayed2077 (المشاركة 825938)

ممكن حضرتك تقولى الشاشه عند حضرتك نوعها ايه و هل فيها مدخل HDMI ولا لا ؟؟؟

السلام عليكم
ا/ سيد شاشه LED FULL HD وفيها مدخل HDMI
شكرا لمرورك وردك وياريت تفيدني في نوع الريسيفر
والله المستعان

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع

بشمهندس ولاء الدين

دلوقت زى ما حضرتك عارف الرسيفرات تنقسم الى جزئيين
HD DVB s1

وده بيشغل القنوات العادية اللى اى رسيفر بيجيبها وبيشغل قنوات HD اللى موجوده حاليا ماعدا قليل جدااا من القنوات اللى تقنيتها اعلى وبتشتغل على رسيفرات تدعم HD DVBS 2 المهم الرسيفرات اللى بتدعم DVBS1 ديه متوفرة بكثرة فى السوق وسعرها رخيص فى حدود 500 جنية تقريبا
كما انها تدعم الشيرنج وتفتح القنوات المشفرة (يفضل لو حضرتك عندك اكثر من قمر لان حاليا ال Nile sat مبقاش يشتغل عليه الشيرنج زى زمان ومش شغال عليه غير حوالى 10 قنوات من ART وكلها قنوات العربى التعبانة مع قنوات الجزيرة الرياضيه لو حضرتك من محبى الرياضه اما الاوربت والشوتايم اللى هما OSN فللاسف مبيشتغلوش نهائيا ودوول اصلا امتع قنوات ممكن تتفرج عليهم فالافضل لو هتجيب رسيفر يدعم شيرنج يكون عندك طبق قادر على استقبال اكثر من قمر علشان تفتح قنوات كتتيره مع العلم ان برىء امام الله انك تستخدمه استخدام خاطىء ) وعلى الاجهزة ديه دعم كبيير جدااا ومنتشرة جدااا

بس يعيبها ان فى المستقبل لما يشغلوا قنوات ال HD ذات التقنية العالية الاجهزة ديه مش هتقدر تشغلها نهائيا

ومن افضل الاجهزة فيها كيومكس جوكر 999 وده بيجى عليه باقه لمده عام تقريبا والسيرفر بتاعه ممتاز وصعب جدااا يقطع ويفتح اغلب باقات اقمار العالم

وايضا اجهزة تروومان اجهزة حديثه جدااا وهتلاقى فيها حاجات بواى فاى و حاجات بتستخدم شبكة المحمول بفلاشة النت وكدا علشان توصل للانترنت بدل ما تحط الكابل و تجيب سويتش وتشترى سلك والكلام ده

بس يعيب اجهزة ترومان السيرفر اللى بيكون نازل ماعها سىء جدااا وبيقطع كتيير وحلها انك تشترك فى سيرفر كل ثلاث شهور بحوالى 100 جنية او اقل

نيجى بقى للنوع التانى من الرسيفرات اللى بيدعم قنوات ال HD عالية التقنية

النوع ده بصراحه غاللى جداااا خصوصا للانواع اللى بتشغل الشيرنج ممكن الجهاز يوصل 4000 جنية غير كدا ماللوش دعم كبير فى الصيانه وكدا لو لاقدر الله حصله حاجه

بس مميزاته انك مش هتضطر تجيب رسيفر لاكتر من 5 سنين على اقل تقدير ويمكن اكتر لان مهما نزل قنوات جديده الرسيفر ده هيقدر يفتحها

انا نصيحتى لحضرتك عليك وعلى جهاز كيوماكس جوكر 999
اللى بحوالى 500 جنية يقضى مع حضرتك الغرض سنتين ثلاثه يكون وقتها بقى اسعار الرسيفرات ال Full HD نزلت و كترت فى السوق وساعتها حضرتك تقدر تشتريها لانها الافضل ليك ولتلفزيونك وقتها

وربنا يعينك :Bravo:

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع

والدى اشترى من شهرين ريسيفر Star Sat Full HD 9900 عشان يقدر يفك تشفير قنوات الجزيرة كلها
باشتراك شهرى 30 جنيه بس دول بيدفعوا ابتدائا من السنة الثانية ،والريسيفر الصراحة امكانياته رهيبة جدا و عالية جدا ويعتبر من أعلى الامكانيات الموجودة فى مصر و سعره كان 950 جنيه شامل سنة اشتراك الجزيرة و الART عن طريق النت من أجل تشغيل السيرفر و تقدر تشغل النت عن طريق فلاشة وايرليس خاصة به تلقط من الرواتر أو عن طريق كابل النت
لتكبير الصور يرجى الضغط عليها
http://im16.gulfup.com/yojW5.jpg
http://im17.gulfup.com/P2ur1.jpg
http://im16.gulfup.com/r5UK3.jpg
http://im16.gulfup.com/JjQn4.jpg
http://im16.gulfup.com/N9l22.jpg
http://im16.gulfup.com/vxjD1.jpg

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع

اقتباس:

المشاركة الأصلية كتبت بواسطة Toyota Corolla (المشاركة 826001)

والدى اشترى من شهرين ريسيفر Star Sat Full HD 9900 عشان يقدر يفك تشفير قنوات الجزيرة كلها
باشتراك شهرى 30 جنيه بس دول بيدفعوا ابتدائا من السنة الثانية ،والريسيفر الصراحة امكانياته رهيبة جدا و عالية جدا ويعتبر من أعلى الامكانيات الموجودة فى مصر و سعره كان 950 جنيه شامل سنة اشتراك الجزيرة و الART عن طريق النت و تقدر تشغل النت عن طريق فلاشة وايرليس خاصة به تلقط من الرواتر أو عن طريق كابل النت
لتكبير الصور يرجى الضغط عليها
http://im16.gulfup.com/yojW5.jpg
http://im17.gulfup.com/P2ur1.jpg
http://im16.gulfup.com/r5UK3.jpg
http://im16.gulfup.com/JjQn4.jpg
http://im16.gulfup.com/N9l22.jpg
http://im16.gulfup.com/vxjD1.jpg

انصحك تفكر فى الرسيفر ده استاذ ولاء الدين لو متوفر الامكانيه المالية لو على امكانياته ديه وبالسعر ده يبقى تحفه طبعا اهم حاجه تشترية من التوكيل بتاعه علشان المضرووب مالى السوق

رد: أنواع الريسيفرات الFULL HD المختلفه في مصر واثمانهم وامكانياتهم وافضل نوع

اقتباس:

المشاركة الأصلية كتبت بواسطة sayed2077 (المشاركة 826004)

والدى ما اشترهوش من التوكيل ،اشتراه من محل معرفة صاحبه و الجهاز سريع جدا و ليس عليه أى غبار و كورى الصنع و السيريال نمبر مدون عليه :140109~347: