المشاركة الأصلية كتبت بواسطة Tota El Masry (المشاركة 692194)

:01F577~130:تسلم أيدين حضرتك ربنا يعزك و يعليك لكننننننننننننننننننننننن ننننننننن
أنا أشتريتها و لله الحمد و لسه حعلق نمر قريب الحمد لله على كل نعمه ظاهرة و باطنة أنا كنت بتحايل على سائقين التاكسي علشان يوصلوني البيت مش بيرضوا و إللي برضى بعد ما بوصل بيطلب ضعف العداد علشان حيرجع فاضي و إللي يساومني في الأول و إللي ما يرضاش
لدرجة إن مرة كنت بنزف من السيولة بسبب الأورام و كان عندي نزيف داخلي و سائق تاكسي جارنا بعد المساومة رفض يوصلني المستشفى :sd:
يالا بقى ربنا يسامحه و يهديه


آخر مرة والله العظيم كنت قابضة مكافأة 170ج كملت عليهم 50 و دفعت أجرة التاكسي من الشغل للبيت و على فكرة المكافأة ده بتيجي مرتين بس في السنة و آخر اليوم أبقى يا مولاي كما خلقتني لا أمتلك سوى الحسرة و محفظة بتوأوأ من الجوع اللهم لا اعتراض:sd:
والله لو لوجي كانت معزة و لا فرخة جركسي محلوق ليها زلبطة كنت حشتريها بردو مش مغربي و لا روماني :10F925~165:
و بعدين نشجع الصناعة العربية لحد ما ربنا يكرمنا و يبقى عندنا قلعة صناعة سيارات زي ديترويت أو على الأقل النصر للسيارات ترجع تشتغل لكن بتصميمات مصرية و مواصفات تجمع بين ذكاء و رفاهية الأوروبي و الياباني

المشاركة الأصلية كتبت بواسطة borio1704 (المشاركة 691285)

الله ينور عليك.. مفيش حاجة إسمها لوجان فرنساوي

اللوجان طول عمرها داتشيا، وبتنزل بره رومانيا باسم رينو عشان يعرفوا يبيعوها

والعربيتين دول هما عبارة عن الفرق في التحديث في الموديل ... فقط لا غير

على فكرة... الصور دي متصورة في روسيا... معتقدش حيجيبو عربية من المغرب ويسيبو رومانيا اللي جنبهم


...