رد: الى كل من يريد بيع او شراء سياره
 

سم الله الرحمن الرحيم
السلام عيكم في أولي مشاركاتي في هذا المنتدي الجميل . وبصراحة ياجماعة أنا مكسوف أوي منكم المفروض أبقي أضافة ليكم لكن الحقيقة أنا محتاج رأيكم ومساعدتكم ضروري.

لكن الصراحة وأرجو ياأخي العزيز أنك متكسفنيش وتنصحني معايا 14 ألف وبصراحة المقارنة تعبتني بين الفيات 131 والبولونيز أو الفيات 128 موديل 85ومش عارف ليه كل أما أسأل ميكانيكي يقوللي هات 128 موديل 85 لكن بصراحة كل قرايبي عمالين يقولو 131 مو 81 1600 وحاسس أنا شخصيا أن البولونيز أجدع من الأتنين .
الحقيقة الحيرة صعبة وخاصة أنني لسة مطلع رخصة فياريت حضرتك ترشدني أجيب أيه؟؟؟؟
وأخيرا وليس أخرا مين اللي لو حالتها كويسه يبقي أستهلاكها كويس وتبقي كارهة تشوف الميكانيكي

رد: الى كل من يريد بيع او شراء سياره
 

عايز جولف 2 بس اهم حاجة الحالة الجيدة

رد: الى كل من يريد بيع او شراء سياره
 

ياجماعة انا بقالي يومين على طلب تسعير الاوبترا 2006 بتاعتي ؟؟؟؟؟
اتمني الرد

رد: الى كل من يريد بيع او شراء سياره
 

بخصوص الأوبترا مو 2006 بص حضرتك أنا مش خبرة طبعا زي الأستاذ كاتب الموضوع لكن في حاجات لازم الواحد فينا يكتبها علشان التثمين يبقي دقيق
1- هيه الأوبترا ديه مانيوال ولا أوتوماتيك ؟؟؟؟؟؟؟
2-لونها أيه ؟؟؟؟؟؟؟؟؟؟؟
3-مجنط ولا لأ؟؟؟؟؟؟؟؟؟؟
4-فابريكتها برة وجوا ولا رشت؟؟؟؟؟؟؟؟
5-عملت كام كيلو بالظبط ؟؟؟؟؟؟؟؟؟
وفي النهاية أتمني لحضرتك سعر مناسب وأتمني أني أقرأ أسباب التأمين علشان أستفيد من الأستاذ صاحب الموضوع

رد: الى كل من يريد بيع او شراء سياره
 

معايا بروتون ساجا موديل 2010 كامله مانيول
ماشيه 27 الف وكسور فابريكا برة وجوة المطلوب 60 الف

رد: الى كل من يريد بيع او شراء سياره
 

لو سمحت انا عندي عربية اوبترا سيدان موديل 2006 لون سماوي اشتريتها من سنة وحبيت ابيعها العربية رشة خارج ماعدا السقف والشنطة والعداد 99000 كم - اوتوماتيك - زجاج امامى كهرباء - زجاج خلفي اوكرة - مرايات كهرباء - تقريبا دي الكاملة اوتوماتيك بتاعة 2006 - السيارة بيتي ولم تهان ابدا - لسة مغير العفشة للعربية (4مساعدين ومقصات امامى وكبالن ومسامير الميزان و بارات الدريكسيون ) بالاضافة لطلمبة الباور الكلام ده بظبط من 16 يوم والعربية مامشيتش 200 كم بعدها وحابب ابيعها مع العلم ان الرخصة منتهية وهجددها سنة للمشتري ان ربنا اكرم بسعر جيد __ اتمني حد يقولي سعر مناسب للعربية للبيع
وشكرا

رد: الى كل من يريد بيع او شراء سياره
 

العربية اوبترا سيدان موديل 2006 لون سماوي اشتريتها من سنة وحبيت ابيعها العربية رشة خارج ماعدا السقف والشنطة والعداد 99000 كم - اوتوماتيك - زجاج امامى كهرباء - زجاج خلفي اوكرة - مرايات كهرباء - تقريبا دي الكاملة اوتوماتيك بتاعة 2006 - جنوط رياضية 14ً - السيارة بيتي ولم تهان ابدا - لسة مغير العفشة للعربية (4مساعدين ومقصات امامى وكبالن ومسامير الميزان و بارات الدريكسيون ) بالاضافة لطلمبة الباور الكلام ده بظبط من 16 يوم والعربية مامشيتش 200 كم بعدها وحابب ابيعها مع العلم ان الرخصة منتهية وهجددها سنة للمشتري ان ربنا اكرم بسعر جيد __ اتمني حد يقولي سعر مناسب للعربية للبيع
وشكرا