رد: تجارب الأعضاء مع شركات التأمين التكافلي ..
 

رد: ارجو الافادة بسرعة
 

رد: سيارتى اتسرقت اسبيرانزا a113 (ان لله وانا اليه لراجعون)
 

طبعا هتسألو انا ايه اللى فكرنى بالموضوع تانى..................... .........
الحمد لله امبارح 22/9 كلمنى ضابط من قيادة مرورالطريق الزراعى
بلغنى ان عربيتى عندهم بس عليها نمر الغربية ولونها احمر واروحله عشان استلمها
رحتله انهاردة الجمعة واتاكدت انها هى والحمد لله...................... ......
اعدنا من الساعة 11 (وطبعا صلينا الجمعة) لحد الساعة 6 الباشا بيكتب المحضر عشان نروح النيابة ونخلص باقى الاجراءات ................
بس طبعا للاسف رحنا المركز ناخد رقم للمحضر عشان غالبا مش من سلطة القيادة عمل محضر المأمور قال ماينفعش الكلام ده انا معرفش حاجة عن العربية ماليش علاقة بالمحضر وقال روحه القسم اللى اتعمل فيه المحضر................... ...........
رحنا القسم قالو نفس الكلام وقالو كمان المحضر ده فيه اخطاء كتير..............
كلمت الضابط اللى عمل المحضر وبعد شوية اتصالات لحد الساعة 10 اتفقوا يخلصو المحضر ويدوله رقم وطبعا روحت البيت وبكرة بأذن الله هكمل الرحلة الروتينية وربنا يسهل ووكيل النيابة يطلع فاهم مش حافظ.
نسيت اقلكو ان الحرامى ظبط العربية لصقها كلها استيكر احمر ولصق السقف جلد اسود وفيم الزجاج والفوانيس وركب سماعات اضافية وحط نمر نيابة واستيكر نادى القضاة زى ماتكون عربية ابوه..................... ...........
وعلى فكرة الحرامى كان بيسرق بالعربية سواق ترلة راكن على الطريق بس السواق جرى وراه هو وحبايبه على الطريق لحد اما خلوه يقف وحدفوه بالطوب لحد اما هرب فى الزراعة وبعدين الشرطة جت وخدت العربية.................. سلام دلوقتى وان شاء الله ابلغكم اخر الاخبار

رد: سيارتى اتسرقت اسبيرانزا a113 (ان لله وانا اليه لراجعون)
 

ألف مبروك رجوع العربية بالسلامة
و أن شاء الله تخلص الاجراءات بسرعة

رد: سيارتى اتسرقت اسبيرانزا a113 (ان لله وانا اليه لراجعون)
 

الف مليون مبروك عودة ضالتك :THUMBS~220:
ان شاء الله العاقبة عند كل مسروق ان تعود له ضالته