رد: التأمين على السيارات الخليجى مهم جدااااااااااااااااااااااا اااااااااااااااااااااااا
 

لا يا استاذى التحمل الاجبارى هوة يبقى على قيمة فاتورة الاصلاح اما التحمل الاختيارى المسمى ب 4 فى الالف من مبلغ التامين يعنى لو السيارة ب 100.000 يبقى التحمل 4 فى الاف 400 جنية و هاكذا

استفسار صغير من الاخوه الكرام
 

ياجماعه انا لسه طالع من حادث وعملت اجرات التامين من محضر وخلافه واوراقى كلها تمام التمام ومهندس المعاينه جه يعين العربية بعد الاصلاح ودفعت انا فلوس الاصلاح من معايا ووديت الفواتير للشركة
المهم من السؤال السيارة اكلفت مبلغ كبير بصراحه انا استلفت من الناس وانا مأمن فى شركة مصر للتامين عايز اعرف هيدفعو الفلوس بعد قد ايه كمان ايه سمعت الشركه دى وايه الى تعرفوه عنها وهتخصم قد ايه ضرورى يا جماعه انا بجد مديون وقلقان من الشركة
افيدونى افادكم الله

رد: استفسار صغير من الاخوه الكرام
 

السلام عليكم اخى الكريم و الف سلامة عليك طول ما انت بصحتك دى اهم حاجة شوف يا اخى الكريم اعرف تحملات الوثيقة اية مثلا
لو فى تحمل اجبارى - تحمل 4 فى الالف

لو ما فيش تحمل على الوثيقة هاتدفع 10 % من قيمة المصناعيات فقط مش من اجمالى الفاتورة

لو يوجد تحمل اجبارى يبقى هاتدقع 10% من قيمة الفاتورة + 10% من قيمة المصناعيات

لو بتحمل 4 فى على حسب سعر السيارة مثال لو ب 100000 يبقى تحملها 400 فقط لو ب50000 يبقى 200 فقط و هاكذا + 10% من المصناعيات

و يجب الذكر ان نسبة المصناعيات او الاستهلاكات حسب الموديل يعنى ليست ثابتة يعنى لو 2007 تبقى 15%

احب اقول لحضرتك انك لو كنت سالت قبل ما تصلح كنت خليتك تصلح من غير ما تدفع ولا مليم ولا تحمل

لكن قدر الله و ما شاء فعل و نرجو من الاخوة الاعضاء لو لا قدر الله حصل حادث ارقام تلفونات انا و الزملاء موجودة اتصل باى احد يفيدك تمشى ازاى و تعمل اية لان الهدف من وجودنا خدمة الاعضاء و ارشادهم اولا

رد: استفسار صغير من الاخوه الكرام
 

والله انت رجل محترم جعلك الله فى عون الناس ودمت موفور الصحه ردك عليا خلانى احس ان مصر لسه بخير
انا بصراحه هقولك على الى سمعته من البنت مندوبة الشركة قالت ليا ان انا فى التأمين التكافلى يعنى لا اتحمل اى شئ ولكن بما انى عايز اصلح عربيتى فى التوكيل فسوف اتحمل 10% من قيمة الفاتورة لان التوكيل غالى
ثانيا ياريت لو تعرف حاجه عن سمعة الشركة الى انا مأمن فيها (مصر للتأمين) لانى سمعت من ناس كتير انهم بيغلبو وفى مماطله ومساومة وبيصرفو المبلغ بعد قد ايه ؟هل اسبوع زى ما بيقولو ناس كتير برده بتقولى انسى مش اقل من شهرين
ثالثا واسف لو بتعبك معايا تنصح الاخوه لما نحب نأمن بعد كده نأمن فين وهل للبنك دورفى حالة القسط فى اختيار شركة التأمين يعنى ايه افضل واسرع شركة تامين من وجهة نظرك
وياريت لو تشرح لينا ازاى كان مكن اصلح من غير مادفع حاجه انا بسافر كل يوم من على الدائرى وما ادراك ما الدائرى علشان نكون مستعدين لاى معركة حقيقى الحوادث فى مصر بشعه بشعه
متشكر واتمنى ليك كل خير تقبل تحياتى

رد: استفسار صغير من الاخوه الكرام