مصر موتورز مجتمع السيارات - مخطط تصفيه الثوره ,,

دورك كمواطن مؤيد للدولة إنك تساندها، و تنتقد السلبيات مع طرح حلول.. إلا لو الموضوع أكبر منك.. بتحط المشكلة و تقول: "اتفضلوا يا سادة حلوها".. و في نفس الوقت بتحافظ علي احترامك للدولة و تنتقد بخلق..
في فئة من مؤيدي الدولة نفع معاهم الإرهاب الفكري بتاع الإخوان و الشباب المتثورجين علي روحهم.. و بقى شايف إنه مضطر يغرد معاهم في نفس السرب.. و يشتم البلد و الرئاسة عشان ميبقاش "مطبلاتي" أو ما هو أسوأ في نظرهم.. و مما حباهم به الشيطان من الفاظ بتدل علي البيوت اللي خرجوا منها و نوعية الآباء اللي ربتهم..
أو بمعنى أدق "ماربتهمش"...
بالرغم من دعمنا للشرطة، عارفين إن الأمناء في معظمهم زي الزفت، و أعلنا رغبتنا في تقويم الفئة دي أو التخلص منها...
ماعجبتناش أحكام القضاء اللي نقضت إعدام المرشد و إرهابيين كرداسة.. بس احترمنا القضاء و سكتنا.. اعترضنا بس باحترام.. ماقلناش: الله دي أحكام جميلة...
تعالى بقي نشوفك.. ممكن تقول لنا يا اللي بتكره التطبيل.. إمتي الخليفة أمير المدمنين مرسي.. غلط؟؟ كل حاجة متبررة و كل حاجة عملها صح.. حتى لما بتتزنق بتقول: "أصله كان مخدوع و ضحكوا عليه عشان طيب"...
مش عارف ايه حكاية "ضحكوا عليه" دي لما تتقال علي رئيس دولة.. و بيتضحك عليه إزاي؟؟ يعني ممكن كان حد يقوله: "تعال معايا يا مرسي بابا مستنيك ع الناصية" و يروح معاه و يخطفوه مثلا؟؟ حد شربه حاجة صفرا و اغتصبه يعني؟
ضحكوا عليه إزاي؟؟ عمرك سمعت برادعاوي بيقولك: البرادعي غلط المرة دي؟ البرادعي مابيغلطش و سابقنا بسنين ضوئية.. بيقبل منصب في دولة عشان سابقنا بسنين ضوئية.. و بيسيب نفس االمنصب و يهرب عشان سابقنا بسنين ضوئية..
بيطالب بحل ودي مع الإرهابيين عشان سابقنا بسنين ضوئية.. و ماعرفش يحل معاهم حل ودي و هم مبلطجين في رابعة العدوية و استقال و هرب عشان سابقنا بسنين ضوئية.. قال إن رئيس البرلمان بالتعيين و هو بالانتخاب.. طلع إبراهيم عيسى بيمليه رأيه اللي بيطلع يكتبه..
عمرك سمعت ثورجي قابل أي انتقاد للي كانوا في التحرير؟؟ حتى لو اقتحموا مباني سيادية و حرقوها و سرقوا جزم وولاعات و اتسجل لهم بياخدوا عمولات و طلعوا تفاخروا بجرايمهم؟ أي حد نزل الميدان دا نزل مما قبل سدرة المنتهي علي الميدان علي طول.. مابيغلطش و لا حايغلط أبدا..
شفت ثورجي بيعترض علي منع مسرحية "أحمد بدير" اللي بتنتقد الثورة؟ مش دي "حرية تعبير"؟؟؟
لا طبعا.. مش حرية تعبير.. بس طبعا توتو و موتو اللي نزلوا الشوارع بالواقيات الذكرية.. بدون اي حس اخلاقي.. مش مهم.. دول شباب كيوت و دي حرية و كارثة انك تمنعهم...
دا كان في الميدان.. دا مؤيد للثورة و كل أفعاله مبررة.. حتى لو قتل و حرق و خاض في الأعراض..
معاه صك البراءة و التبرير.. و مفتاح الجنة و الشهادة...
عمرك شفت الإخوة المتدينين بتوع "قال الله و رسوله عليه الصلاة و السلام".. الذين يتبعون ديناً متمما لمكارم الأخلاق".. بينتقدوا الشيخ حازم لما نام ف بيتهم و طفا تليفونه و قالهم اصل التليفون فضل شحن؟ طب لما حاصروا رجالته المحكمة الدستورية الوقورة بالشوم.. و راحوا بنوا مراحيض عامة و قفلوا باب مدينة الإنتاج بااسيوف و روعوا الناس.. شفت حد منهم بينتقده؟
و في الآخر إحنا اللي مبرراتية و و مطبلاتية؟
معندكش مراية في البيت تشوف فيها خيبتك؟
اتفلق و قول اللي تقوله...
لا رأيكم يهمنا و لا إرهابكم الفكري حايجيب نتيجة...
الكلام دا لكل مؤيد للدولة: اللي يحاول يسترضي الفئة دي أو يعمل لهم حساب يبقي ساذج أهبل...
دول مجرد سبّة علي حذاء الوطن.. حاتتمحي عاجلاً.. مش آجلا..
منقوووول