مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

السلام عليكم
لو معايا 60 الف جنيه ومحتاجة عربية شيك وشكلها حلو وتعيش لانى هسدد قرضها على سبع سنين فعاوزة بعد مااخلص القرض تكون جميلة برضو وبشتغل بيها فى القاهرة مشاوير بسيطة وانا بنت على فكرة يعنى سواقتى خفيفة بس لازم تكون العربية موديل 2008 او 2009 او 2010 وكنت بفكر فى كام عربية وعاوزة رايكم دايو لانوس وفيرنا وكيا بيكانتو وبيجو ورينو لوجان وهيونداى اى تن واسبرانزا 113 اختار ايه ؟؟؟ ايه اللى ممكن يغطيلى كماليات وشكل كويس وصيانة متحتاجش فلوس كتير وعربية متينة فى نفس الوقت وعاوزة العربية تسافر لو حبيت اسافر مع اصحابى بردو ؟؟؟؟

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة ابراهيم أبوسيف (المشاركة 158001)

دكتور بجد أحب اشكرك على مجهودك الرائع في الموضوع ده وأنا متابعه من سنة تقريبا
أنا معايا 90 ألف ممكن يوصلوا لـ 95 وعاوز أجيب بي إم موديل 2000 أو أكتر ـ الشكل اللي قبل الجديد على طول ـ 318 أو 316 .
هل ده ممكن وأيه أسعارهم وموديلات 2001 و 2002 وكمان 99
وهل رأي حضرتك أن ده أفضل من أني أجيب بيجو307 أو أوبل فيكترا موديل 2005 أو 2006 عشان كتير قالولي كده وحضرتك أكيد فاهم وجهة نظرهم ان دول فيهم ريحة الزيرو وأكيد مواتيرهم أحسن من موتور أشتغل 10 سنين

بس الصراحة أنا بميل للبي ام ونفسي أجيبها بس عاوز رأيك ضروري جدا

البى إم ركوبة تانية وطعم تانى ولا تقارن إلا بالمرسيدس
أنا بعت سيارة بى إم 318 مو2001 ب95 كاملة راشة جنبين وفضلت أندم لحد ما جبت ال2003
مبلغك ممكن يركبك بى إم بحالة جيدة جدا ولكن لازم تعمل حساب غلو قطع الغيار والصيانة اللى هيه مش بعيدة عن البيجو والأوبل اللى ما يقارنوش أساسا بالبى إم
ودائما هناك وجهتى نظر
الأولى الزيرو
الثانية ألمانى محترم(مرسيدس-بى إم-أودى- فولكس) برقبة اليابانى والكورى (وعلى رأى واحد حبيبى التطور الطبيعى للموتوسيكل)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة uubaby2000 (المشاركة 158039)

أعتقد الفيرنا ح تكون أكثر مناسبة لك وممكن اللانوس من جهة رخص قطع الغيار والصيانة وقلة الأعطال والأداء الجيد
أما المتانة فدى فى الألمانى فقط

رد: متوسط اسعار المستعمل هذا الاسبوع

متشكر جدا يادكتور

رد: متوسط اسعار المستعمل هذا الاسبوع

لو سمحت يا دكتور
واحد صاحبي معاه اوبل فيكترا موديل99 مانيول 1600 عاملة 80 الف كيلو بحالة جيدة
وعايز يبيعها يطلب كام (رنج سعرها كام؟)

رد: متوسط اسعار المستعمل هذا الاسبوع

دكتور تامر جزاك الله خيرا على هذا المجهود وجعلة الله فى ميزان حسناتك
بعد اذنك معى 40000 جنية وعايز حضرتك ترشح لى سيارة مع العلم ان مشاويرى قليلة

رد: متوسط اسعار المستعمل هذا الاسبوع

ممكن اعرف سعر
شاهين 2001 وسينا 2001
الاتنين كاملين وفبريقة بره وجوه