مصر موتورز مجتمع السيارات - ارشيف الاستراحة 2009

اقتباس:

المشاركة الأصلية كتبت بواسطة fatafet21 (المشاركة 88212)

اولا باحييكي با امنية علي جرائتك في طرح الموضوع وماكنتش اعرف ان النماية الضغيرة بتاعتنا هتبقي موضوع شيق كده

وفي كلام كتيير اوي عن الولاد والبنات من رايك انتي وابو نورا صح جدا بس انتوا حاسستوني ان كل البنات مدلعة وكلها مش متحملةالمسئولية و بناعة بابا وماما مع العلم ان في ناس متحملة المسئولية كاملة وبرضوا مش نافع لان الطرف الاخر اعتمد بشكل تلقائي ان في حد دايما شايلة
بس انا في حاجة محياراني ايه انا لما اتجوزت مكانش عندي اي تجارب ولا خبرة في موضوع الارتباط خالص فلما اتجوزت اعتمدت ان انا جوزي بقي ههواللي هيظبط النيا لقيته هو كمان معندوش خبرة فبدأنا نخبط في الدنيا وفي بعض

و بجد مهم اوي اوي اوي للصبح التفاهم بين الطرفين والتقارب الزهني والله مهم جدا علشان لما يقعدوا يتكلوا مع بعض يبقي المستوي الفكري واحد مش واحد في الشرق والتاني في الغرب
ودايما تقلب كرسي في الكلوب الليلة :00020080:تعتم
وتحس ان ايه ده (انت او انتي )
ازاي بتفكري بالسطحية دي

و بعدين انتي قولتي حاجة صح اوي ان كل واحد راسم في مخيلته حياة وعيشة معينة بيفضل يحلم باليوم اللي حيتحقق فية الجلم ده وبعدين بجد يصدم بالواقع الاليم و يفضل يحارب علشان يوصل للعيشة دي وطبعا no wayyyyyyyyyy

والغريبة ان المسئولية مشكلة في كل الحالات سواء الراجل متحملها فيبقي قرفان وطهقان ومش طايق نفسة لان طبعا ده حمل فيحصل خلل في العلاقة .....يا ما الراجل مروق دماغه ومشغل المراوح ودلوقتي بيشغلوا التكييف علي قلبهم وعادي بقي الدنيا مفيهاش حاجة تستاهل تاكل نفسك كده وتشيلها علي دماغك و ده برضةا بيعمل مشاكل

الموضوع بجد ابعاده كبيرة جدا ومالهاش مقاييس للحياة الزوجية الموفقة
لان ده سبحان الله التوفيق من عنده مهما كانت المعوقات و بجد اكتر الامثلة اللي شوفتهاالحمد لله موفقة هي اللي عايشه و مستحملة موش عشان النصبتاعها كويس لأ علشان هي هدفها اكبر رضا الله وثوابه

ربنا يوفقنا جمبعا و يهدينا

معلش رغيت كتيييير بس الموضوع كبييييير ولسه والله عندي كلام تاني ptmnlo123per1101ptmnlo123 per159

اولا مشكوره علي التحيه يا فتافيت ..
بصي بقي يا الاول نتفق علي حاجه .. ان فيه فعلا ازمه اجتماعيه بسبب الجواز عن معظم و اغلب الشباب .. الموضوع من وجهه نظري تطور و تفاقم كالتالي ..
عنوسه جامده بسبب اسباب اقتصاديه بحته و طموح زايد عند بعض العرايس في شويه تطلعات ماديه كده طبعا يبقي العريس غير قادر علي تحقيقها ليتنقل الرعب للجيل اللي بعده فجأه بقي اي حد بيوافق علي اي حد ( زملها في الكليه ماشي . ابن خالتها ماشي . بيشتغل مابيشتغلش ماشي .في فروق اجتماعيه واضحه ماشي . كله بقي ماشي ) ...و اللي ترتب عليها دخولنا للمرحله السيئه ( طلاق و زهق و قرف و خانقه ) وصولا للمرحله اللي احنا فيها دي كل ماتبعد عن فكره الجواز بأي حجه يبقي احسن و اللي زودها بقي التطورات اللااخلاقيه عند الصبيان و البنات ( مش كلهم انما ماتنكريش انهم بقو كتير بشكل كفيل يعمل مشكله واضحه في المجتمع كله ) فا بقي كله خايف من كله ..و كل واحد عاوزها متدينه بس عشان يبقي مطمن انما طبعا لازم تبقي حلوه و شيك و و و و و عشان المجتمع غصب عننا بقي كده (مظاهر) و عشان مافيش حد فيه كل ده فا بقي الموضوع اصعب و اصعب ...

اللي انا و ابو نورا اتكلمنا فيه مش مقصوده ان البنات خلاص مابقوش نافعين و الصبيان بايظين و عليه العوض و منه العوض ...
لا هو اكيد في ناس كويسه كتييييييييييير انما لما تحصل أزمه زي اللي احنا فيها دي تعرفي ان فيه اغلبيه في الموضوع.. الاغلبيه دلوقتي مش كويسه و الا ماكنش بقي فيه أزمه من اصلو ...و لا ايه ؟..

احنا بقي كنا بتكلم علي الاغلبيه و التغير التعليمي و الثقافي و التربوي و الديني و الخلل اللي حصل فيهم و ظروف المجتمع اللي اتغيرت و خلي الموضوع يبقي متأزم كده ...
و الدليل علي كده اللي انتي قولتيه في طرف كويس في الموضوع و عاوز يتحمل المسؤليه و في المقابل واحد ضاربها طناش فا الموضوع يبوظ ( لو نموذج اللي ضاربها طناش ده مش موجود يبقي اكيد الوضع هايتغير و الاتنين هايبقو علي مستوي المسؤليه و الموضوع يبقي ماشي كويس و مش خالي طبعا من المشاكل العاديه)...

اما عن التقارب الذهني اللي اتكلمتي عنه ماهو طبعا مهم جدا انما ده بقي سببه مش احوال اجتماعيه غلط ده يبقي سببه سوء اختيار ...

و بالنسبه لان الناس تحاول تعيش حياه زوجيه كويسه و مابعرفوش و no way ه برده سببه عدم التفاهم من الاول مش الحياه الزوجيه نفسها و الله الحياه الزوجيه انا مش شايفه فيها اي مشكله اه هي مسؤليه مافيش شك طيب بس و ايه يعني ما كل واحد ربنا بيديلو اللي يقدر يشيله الاول فيه جواز و اتنين بس في البيت مسؤليه خفيفه و بعدين نكبر شويه بيبقي في اطفال برده في اول 3 سنين مسؤليتهم اخف من بعد كده ده ربنا رحيم بينا و الله يعني الموضوع مدرج ....

لو الزواج اساسه صح من الاول هاتفرق حاجات كتير اوي و ده مش معناه ان كله هايبقي كويس و كل الجوزات هاتقي تمام المهم ان الواحد يعمل اللي عليه سواء بقي انه يصلح من نفسه و يصبر و يحاول يصلح اللي قدامه يحاول يختار صح و اللي يحصل يحصل بقي ... في ناس كويسه جدا و بيقعو في ناس وحشه جدا ده بقي بيسموه ابتلااااااء و ده موضوع تاني خالص غير اللي احنا فيه
و لما الواحد يعمل اللي عليه و ربنا يبتليه مش هايلوم نفسه هايلاقي ربنا مصبره اصل هو اللي ابتلاه .

و انا شايفه ان كل واحد يتقي ربنا في نفسه فا ربنا يبعتله اللي يتقي ربنا فيه ..

و شكرا يا فتفوته :waving:
و لو مافيش تفاهم قوي بينك و بين زوجك ماتبطليش تحاولي ptmnlo123per1114