مصر موتورز مجتمع السيارات - مخطط تصفيه الثوره ,,

دا رد لاحد الناس..........أنا بقى ماليش دعوة بالمنطق والمنطقيين ، أو بالأحرى ماليش دعوة بأي حد بيحاول يعمل فيها منطقي وشيك !
كلامك مردود عليك يا أستاذ إبراهيم ، كلامك غير صحيح ، كلامك مجرد فرقعة زيك زي أي صحفي مبتدأ بيحاول يعمل منظر .
• عايزين مليارات لقناة السويس : أيوه يافندم .. فيها إيه ؟ هي الناس اتبرعت لحفر القناة ؟ أكتر من 64 مليار جنيه بيندفع عنهم فوائد في أول مشروع استثماري وطني ، فين المشكلة اللي ممكن تعيب النظام في كده ؟
• حانخفض الدعم أوكي : حضرتك بتتكلم عن أي دعم ؟ الناس تعبانه يقيناً وماحدش يقدر ينكر ، لكن فين تخفيض الدعم ؟ فين قرارات تخفيض الدعم عن الطبقة المتوسطة والفقيرة مثلاً ؟ الدعم اتشال عن إيه يعني مش فاهم ؟ عن رغيف العيش ؟ عن أنبوبة الغاز ؟ عن إيه مش فاهم ؟
• بلاش شاي علشان مافيش سكر ، بلاش محشي علشان مافيش رز : إيه ده حضرتك ؟ من إمتى كان عندنا مشكلة رز أو سكر ؟ إنت بتتكلم زي اللي اشتكى من سعر البامية وهي بشاير ، والله مافي فرق بينك وبينهم ، دي مشكلة عارضة مالهاش أسبوع ، وماحدش قال بلاش تشربوا شاي وبلاش تاكلوا محشي ، الناس هي اللي قالت طظ في الشاي وطظ في المحشي ومستعدين نصبر ، مع إنها مشكلة طارئة عارضة مالهاش أساس مستقبلي !
• إتبرع لصندوق تحيا مصر :
• صبح على مصر ولو بجنيه :
تقدر حضرتك تقوللي إيه هي المبالغ اللي جمعتها الدولة من التبرعات دي ؟ صبح على مصر عامله 4 مليون جنيه حتى تاريخه ، تقدر تقوللي 4 مليون جنيه ماذا تعني بالنسبه لدخلك انت شخصياً كفرد واحد ؟! .... ومع ذلك يا أخي الفكرة نفسها مُطبقة عالمياً ، عالمياً ياللي بتعايرنا كل شوية بالعالم المتقدم ، إنما الحكاية عندك مزاجية
• قبل ما تتكلم عن أسعار الكهرباء كمان حاول تشوف الطفرة اللي عملتها مصر في مجال الكهرباء ، يا راجل ده احنا داخلين موسوعه عالمية قريباً جداً في مجال الطاقة الكهربائية ، ومع ذلك الفقير لسه بيدفع 20 جنية شهرياً للكهرباء !
• يا أستاذنا إحنا حاسين بحالة الحرب اللي عايشنها ، وانت بكل تأكيد مش حاسس ، وعلى هذا الأساس حساباتنا مختلفة فيما يخص الدولار وسعر الصرف وخلافه ، أنا اكتفيت فقط باعتبارنا مختلفين في المفاهيم