رد: كل اللي نفسه في حاجة عن اللوجان يدخل هنا
 

[QUOTEمستر رنجو مستر جيو بشكركم جدا على معلوماتكم القيمة انا استفت منها كتير والحمد لله وربنا يكرمكم معلش ممكن اسال سؤال
هو المفروض السرعات الى انا بنقل عليها ايه
يعنى مثلا الاول بيحرك العربية صح ؟؟؟؟؟؟؟؟
الثانى على كام والثالث وارابع والخامس يعنى بنقل امتى
وشكرررررررررررررررررررررا][/QUOTE]
علي حسب العربية
يعني انت بتشوف مواصفات الموتور ايه
لما يقولك اقصي عزم للموتور مثلا 150 عند 3000 لفة
يبقي انت بتنقل بعد ماتخرج اقصي عزم من الموتور يبقي هتنقل عند 3000rpm
وفي عربيات عند 4000 وهكذا
يبقي النقل عن طريق عداد ال rpm او بقي صوت الموتور
وده بيبقي في الاول لكن بعد كدة هيبقي بالأحساس
انما لو معندكش العداد بتاع ال rpm يبقي تقريبا
الاول 0/30
التاني30/60
التالت 60/80
الرابع 80/105
الخامس105/200
طبعا الارقام ده مش دايما بس ده تقريبا الغالبة في العربيات
ولكن في ناس بتغير عشرينات يعني 20 40 60 80 وهكذا
انت واحساسك بصوت الموتور
ولكن برده اصح حاجة هي ال rpm

رد: كل اللي نفسه في حاجة عن اللوجان يدخل هنا
 

شكرا على مجهودكم ممكن الافاده هو فى رينو اوتوماتيك
و ليه مش بينزل منها بالغاز الطبيعى

رد: كل اللي نفسه في حاجة عن اللوجان يدخل هنا
 

في رينو اوتوماتيك :)
بس مفيش لوجان اوتوماتيك :)
غاز ؟؟؟؟
طاب ليه ؟
هو في عربيات تانية نازلة غاز ؟
غير التاكسي ؟
علي العموم هي نازلة تاكسي ابيض قريب وتقريبا هتبقي غاز بس للتاكسي بس
لو عايز تحولها ممكن بس حجم الشنطة هيقل جاااااامد والموتور عمره هيقل عن الطبيعي

رد: كل اللي نفسه في حاجة عن اللوجان يدخل هنا
 

رسالة إلى رينجو
هذه أول مداخلة لى فى هذا القسم فقد تعرفت على القسم منذ شهران تقريباً فى صمت تام ولم أسأل أي سؤال والتزمت الصمت وقرأت كل الرسائل كاملة في صمت لأنك كنت تجيب عن جميع الأسئلة التى أريد أن أسألها واقتنعت باللوجان وأحببتها جدا جدا وايضا فى صمت،
وأخيرا أشتريت اللوجان منذ اسبوعان، فى صمت
وكان الموضوع بقيادتكم الجميلة السلسة المقنعة هو المرجع لى فى كل وقت وكنت بخيل جداً فى أن أعطى أي رد رغم إعجابى الشديد بك كشخص مفكر ودارس لهذا الموضوع ...
لكن الذى أزعجني كثيراً وجعلنى أخرج عن صمتى هو قولك (إنى قفلت خلاص من القسم)
أرجو التراجع عن هذا القرار .. حضرتك ربنا ادالك ملكة إفادة الناس بموضوع هام جدا مثل هذا، فرجاء لا تتركنا لأنك أنت علامة كبيرة ومرجع لا يستهان به ولك ثوابه .. أرجو أن تتقبل مداخلتى الأولى وليست الأخيرة إن شاء الله.

رد: كل اللي نفسه في حاجة عن اللوجان يدخل هنا
 

يا باشا الكلام دة كتيير اوى عليا وانا معملتش حاجة لكل الكلام الجميل دة ... لكن بينى وبينك انا يومها كنت مخنوق شوية وكلنا شوفنا الحصل فى القسم وللاسف القسم بلا ظابط ولا رابط
اى حد بيقول كلمة رينو كلوا بيدخل يديلوا فوق دماغه .. حاجة تضايق يعنى والقسم هنا اعضاءه قليلين جدا
وانا واحد من الناس اللى عارف ليه الاعضاء طفشت من هنا وهى فى رأى خسارة فادحة لهذا القسم
عموما شكرا ليك وانا والله بلاقى نفسى اوتوماتيك بدور على حد يكون محتاج معلومة انا اعرفها علشان افيده بيها
وفى نفس الوقت لازم القسم دة يتجذب ليه بعض الخبرات لان لا يمكن يكون فى واحد عنده كل المعلومات
لكن كل حاجة ماشية ضد القسم دة واعضاءه بيتناقصوا يوم بعد يوم واغلبنا عارف هو بيروح فين حيث العزوة والامان وعدم العكننة
وتحت امرك فى اى استفسار