مصر موتورز مجتمع السيارات - مخطط تصفيه الثوره ,,

الجماعة الملطعين علي فيسبوك و تويتر و الغل بياكلهم.. اللي دعموا الرئيس السيسي في مرحلة ما، مش وطنية و لا لتخليص البلد من الإرهاب و النهوض بيها لا سمح الله.. لا.. طمعاً في قطعة من التورتة.. و بعدين اتقلبوا 180 درجة، لما ماتحققش هدفهم...
اللي كان نفسهم يبقوا في شرم الشيخ النهاردة تحت الأضواء بتلمع في وشهم الكاميرات كمتحدثين و بطانة.. بينما طبيعتهم النفعية و جشعهم كان واضح للعيان منذ البداية، و بالتالي اتركنوا علي الرف..
الناس دي أكثر جماعة مثيرة للشفقة قابلتها.....
بداية بحازم عبد العظيم و مرورا بالأخ ممدوح حمزة، و الأخ نائل اللي عايز الشباب تسافر موزامبيق.. و انتهاء بالأخ الحقوقي الشهير اللي لابس عباءة دعم الدولة.. بينما متابعيه مسميينه "بلحة" من فرط العبط اللي بيكتبه...
كلكم اتحرقتوا، و انتهينا و خلصنا.. لحسن حظنا إن اللي بجشعكم و سطحيتكم ممسكوش منصب، عندنا من الفساد و النهب و الجشع كفاية ورثناه و بيتكاثر و بنحاول نخلص منه...
كلكم بتغردوا في سرب واحد، مع الجماعة الإرهابية و الشباب عديم العقل بتوع "الثورة مستمرة" و "الثورة محكمتش"..
النهاردة بيسألوا النائب "محمود بدر" و الأستاذ "حازم عرفة" علي صفحاتهم "إيه اللي وداكوا شرم الشيخ"؟
و الحقيقة حازم و محمود غلطانين إنهم يروحوا شرم الشيخ، في مؤتمر منظماه الدولة عشان تعكس للعالم الأمن اللي في شرم و تقوّم السياحة.. و غلطانين لأنهم اشتركوا في ورش و عمل و خطط مع اللامع "محمد نجم" للنهوض بالإقتصاد، و غلطانين إنهم يتواجدوا في مكان فيه رئيس الجمهورية و الدكتور "محمد العريان"..
المفروض كانوا راحوا فيرمونت.. قعدوا مع إرهابيين يقسموا التورتة..
راحوا قعدوا في قهوة في وسط البلد يحلموا "بثورة جياع" أهلهم فيها متلاقيش الرغيف و تلتهم القوارض...
يقعدوا يشتغلوا صور فوتوشوب يطلقوها مع إشاعات تكره المصريين في بلادهم...
قعدوا مع شوية مختلين يقولولهم "لو الجيش التركي جه يحارب مصر ححارب معاه".. و هم يردوا عليهم "بس انتوا بعتونا في محمد محمود" و القصص اللطيفة دي...
كان المفروض راحوا قعدوا مع "سوكا" بدل الدكتور العريان.. يقعدوا مثلا مع حجي يكلمهم عن دور القوطة في قيام الثورات و إزاي نحتوي الإرهابيين بالحب..المفروض كانوا راحوا يتظاهروا قدام سفارة أجنبية يقولوا للأجانب "ماتجوش مصر"..
هو دا الشغل.. هي دي الوطنية.. انتوا بتعملوا ايه يا جماعة؟؟
رايحين مؤتمر تناقشوا سياسة و اقتصاد و تفكروا ازاي مصر تتقدم للأحسن، و العشوائيات تنتهي، و الإنتاج و التصدير يزيد و تعلموا الشباب إزاي يمسك مقاليد القيادة و تنشطوا السياحة؟؟ دا كلام برضه؟؟
سؤال على الهامش.. هو الإخوة الثورجية و الأخ حمزة و الأخ نائل و الأستاذ "بلحة" اللي و المحسوبين علي الدولة علي الفاضي.. عايزين ايه بالضبط عشان نفهم معلش؟؟ حتة من التورتة مفيش.. هي مش تورتة أصلا عشان تتوزع.. دي دولة.. و معيارها مختلف تماما عن الهبل الي في عقولكم..
انسونا بقى يا ريت و ريحونا و ارتاحوا..
انسونا يمكن ننساكم.. و ننسى المجازر و المآسي اللي اتسببتوا فيها في الشرق الأوسط كله...
منقووووووول