رد: أرحمونا من البدرى يرحمكم الله
 

والله يادكتور مش عارف اقولك ايه بس بصراحة كده العيب عيب فكر
جابو البدرى بعد ماعتذر فينجادا وقالو هو اصلح واحد فى الفترة دى - ليه؟ لانه شارب من جوزيه وحافظ اللعيبة وكلام فارغ كتييييييييير مالوش معنى مع ان جوزيه فى لاعيبة كتيرة ماكنتش طايقاه وبرضه فى الاواخر الاهلى كان شكله وحش قوى معاه وده من سنة وشوية وكان بيكسب بطلوع الروح
ماشى رضينا بالهم ........ وبعدين جابو لاعيبة ومشو لاعيبة والصفقات كلها نص كم اللهم الا امير سعيود واللى كانو برضه عايزين يمشوه - شوف فرانسيس ده يطلع ايه - عايزين يعملو منه فلافيو تانى
برضه قلنا ماشى رضينا بالهم تانى ............... وبعدين طلع سيدى البدرى وقال خطة جديدة قلنا والله عادى ماحنا كلنا فى مصر كده اللى يجى لازم يمسح تاريخ اللى قبليه ويطلعو ولا مؤاخذة كفتجى مابيفهمش حاجة من اول اكبر واحد لأصغر واحد فى البلد دى الكل بيعمل كده الا من رحم ربى
لكن الخطة الجديدة دى عايزة لاعيبة تقدر تجرى مالا يقل عن 11 الى 13 ك فى المبارة ؟؟؟؟؟؟؟؟؟؟؟؟
مين فى مصر يقدر يعمل كده
لما عملناها مرة فى كاس القارات قدام البرازيل وايطاليا اللعيبة جابت جاز قدام امريكا
هاتقولى طب ماهو حرس الحدود بيلعب بيها بقالو سنتين وشكله حلو وكميلة خالص
هاقولك الحرس بيلعب بالطريقة دى فى الدورى صحيح بس قدام فرق تعبانة لا عارفة تهاجم ولا عارفة تدافع وكل اللى بيلعبه بجد اربع مباريات فى السنة كلها قدام الاهلى و الاسماعيلى رايح جاى وشكرا على كده
يعنى لو فرقة الحرس لعبت فى بطولة مجمعة اربع او خمس ماتشات مع فرق بتلعب بجد بعد تانى ماتش هاتجيب جاز
يبقى العيب فى مين ؟؟؟؟؟؟؟؟؟
العيب في شباب المستقبل من اول اولى ابتدائى لا بقى فيه رياضة فى المدارس اللهم الا رياضة رفع الشنط اللى متكربسة كتب تقطم الضهر
ولا فى تغذية سليمة ولا ثقافة تشغل المخ كله حفظ وملو مخ وتفريغ على ورق الامتحان وخالتى وخالتك واتفرقو الخالات
يبقى العيب مش فى البدرى ولا اللعيبة ولا الخطة ولا الادارة
العيب فى الفكر
وعلى رأى الممثل الكوميدى العظيم الاستاذ / برايز فى فيلم ثقافى
" العيب قى النظام يا بـها...... تيييييييييييييييييييييييي يييييييييت "

رد: أرحمونا من البدرى يرحمكم الله
 

أخى صلاح
هذا كلام محترم من واحد فاهم كورة بجد

رد: أرحمونا من البدرى يرحمكم الله
 

والله يا جماعة البدري معذور
ترقية كبيرة بالنسبة له وغير متوقعة كان لازم يقبلها
اما بالنسبة للفريق فمحدش ينسي ان البدري راح المانيا ناقصه معظم الفرقة الاساسية ما بين اصابات ومنتخب
اما طريقة 442 فالبدري مصمم عليها وهتجيب نتيجة بس بعد ما اللعيبة تحفظها كويس
ومتنسوش ان اختبارها كان مع سلتيك والبرسا يعني مش مع اي حد
وانا شايف ان الفرقة اولله احسن من اخر سنة مع خوزيه بس الصبر شوية
ويا دكتور تامر ده ميعاد بيننا مع نهاية الدوري انت نفسك هتكون معجب بالبدري وبالاهلى

رد: أرحمونا من البدرى يرحمكم الله
 

كلامك سليم ولا غبار عليه وقد يحدث هذا فعلا
ولكنه لن يحدث لان الاهلى فريق بطل ومطلوب منه احراز بطولات والفوز فى معظم المباريات ولن تصبر الجماهير ولا الادارة
وسوف يقال البدرى مع تانى او ثالث سقطة

رد: أرحمونا من البدرى يرحمكم الله
 

انت عارف يا دكتور تامر ان ادارة الاهلى عندية هتقولك نحاسبه اخر الموسم يعني البدري مش هيتقال قبل الدور الاول على الاقل
اما ان الاهلى يتهزم اول 3 ماتشات متنساش انه مش هيلعب مع برشلوبنة ولا سلتيك دي المحلة ومعرفش مين

ولو ان سبحان الله المحلة دي في ارضها بتبقي اصعب على الاهلى من اي فريق في الدنيا
تبقي مغلوبةمن طوب الارض وللو ماتش الاهلى على ارضها لا يمكن يكسبها حتى ايام خوزيه وفي مجد اللاهلى بردة مكسبهاش نهائي على ارضها

أسرع رجل فى العالم الأسطورة الجاميكى الطائر
 

حطم العداء الجاميكى الأسطورة أوسين بولت (22 عام فقط) و بأداء يفوق الخيال حطم الرقم القياسى العالمى لسباق العدو لمائة متر أمس 16 أغسطس 2009 برقم إعجازى يبلغ 9.58 ثانية فى اليوم الثانى لبطولة العالم لألعاب القوى المقامة حاليا فى برلين .



و كى نعرف حجم الإنجاز الرائع ينبغى أن نقول أن الرقم السابق و المسجل بإسم نفس الاعب يبلغ 9.69 ثانية و كان قد سجلة العام الماضى فى منافسات الدورة الأولمبية فى بكين ، و بذلك يكون بولت قد حطم الرقم القياسى بفارق 0.11 ثانية و هو ما يحدث لأول مرة فى التاريخ حيث لم يستطع أحد من قبل تحطيم الرقم القياس العالمى بأكثر من 0.05 ثانية

و يتميز أداء بولت بالسهولة و الراحة التامة و المرح أيضا و قد قام بحركة فى التصفيات من النادر أن يقوم بها أحد حيث تلفت يمنا و يسارا قبل عشرة أمتار من نهاية السباق و هو يبتسم بما يعنى أين أنتم أيها المنافسون ؟؟


و بكفى أن نقول أن منافسة الرئيسى و متحديه الأول تايسون جاى إستطاع أن يسجل رقم شخصى و أمريكى جديد فى السباق إلا أنه جاء متأخرا عن بولت بـ 0.13 ثانية ليسجل 9.71 ثانية فقط بينما إحتل المركز الثالث الجاميكى حامل رقم العالم السابق أسافا باول الذى سجل 9.84 ث .


بهذا الفوز حطم بولت الرقم القياسى العالمى و فاز باميدالية الذهبية و أصبح بطل العالم لمدة عامين و فاز بجائزة المركز الأول 60 ألف دولار و جائزة الرقم العالمى 100 ألف دولار .

لمن يرغب أن يتابع بولت خلال بطولة العالم علية أن ينتظر يوم الثلاثاء القادم حيث تبدأ منافسات سباق 200 متر بنفس المتنافسين و نفس التحدى فهل يكررها الجاميكى الطائر ..... ؟

رد: أسرع رجل فى العالم الأسطورة الجاميكى الطائر
 

http://berlin.iaaf.org/mm/photo/comp...5ffull-lnd.jpg http://berlin.iaaf.org/mm/photo/comp...5ffull-lnd.jpg