المشاركة الأصلية كتبت بواسطة hisam2010 (المشاركة 287109)

[IMG]file:///C:/DOCUME%7E1/Shabrawy/LOCALS%7E1/Temp/moz-screenshot-2.png[/IMG]السلام عليكم
معاكم المهندس/ هيثم من توكيل بيجو انطلاقا من مقولة خيركم أنفعكم للناس

الموضوع دة هيكون مخصص لاى استفســـار عن بيجو او ستروين (الاتنين انتاج ومصنع واحد PSA ) وانا هحاول طبعا اكون جاهز معاكم لاى سوال بعيدا عن اى فتى بدون علم واتمنى ان الموضوع يكون عملى ومفيد للناس
دى اول مشاركة ليا هنا فى المنتدى ويارب اكون عند ظنكم.

المشاركة الأصلية كتبت بواسطة sami shafik (المشاركة 548705)

شكرا يا باشمهندس على مجهوداتك المفيده معنا في المنتدي
علي فكره انا معايا بيجو 605 اس ال موديل 94 في صوت عالي للموتور عند السرعه الخفيفه يختفي بعد التالت بثاع الشكمان قال لي ان فرن الشكمان فيه شرخ ،ده صح ممكن يكون السبب.
كمان فيه ان تانك البنزين فيه خبطه عامله تاثير على مؤشر اللوحه .
تنصحنى اعملهم فين و بكام . بصراحه خايف من التوكيل من اللي باسمعه .
اكون شاكر علي الرد و الاهتمام

المشاركة الأصلية كتبت بواسطة hisam2010 (المشاركة 548696)

وعليكم السلام ورحمة الله وبركاته.....وأشكرك على كلامتك المشجعة وربنا يتقبل منى ومنك إن شاء الله.
المشكلة الأولى:- (سماع صوت (تزيق) عند دوران البور)
مع العلم إن طلمبة الباور فى العربية دى كهرباء ومفيش اى صوت ميكانيكى ممكن يجى من دائرة الباور أعتقد ان الصوت ممكن يكون من قطمة الدريكسيون الى هى اخر جزءعند الدواسات (البدالات).....
هتعبك معايا شويه بص حاول خلى حد يحودلك الدريكسيون يمين وشمال وانزل انت عند دواسات البنزين والفرامل وشوف الصوت منين لو لقيتو من عند الدواسات تقوم مشحم القطمة اما لو غير كدة يبقى لازم تروح لمتخصص يسمع الصوت أثناء ظهوره.
المشكلة الثانية:- (السحب - البطارية - البوجيهات)
موضوع ان مره واحدة تلاقى العربية متسحبش فدة انا اكلمت فيه أكثر من مرة وبيطلع غالبا حاجة بسيطة فى دائرة ال VVT يإما فيوز أو فيشة الموتور الخلفى وحتى لو كانو غيرو البطاريه مش مشكلة كدة كدة البطاريات مش بتقعد أكثر من 1.5 فى الموديلات الجديدة وموضوع تغير البوجيهات النفروض بيتغيرو كل 30 او 40 الف كيلو.
المشكلة الثالثة:- (المروحة الأمامية)
لو حضرتك تقصد ان مرة واحدة وانت ماشى بتسمع صوت المروحة السرعة العالية فلازم مهندس (بيفهم:w6w200504112205326 8) يخش بالجهاز ويعرف العيب هل من الرموحة نفسها ولا حساس الحراة ولا حساس ضغط الفريون ولا حساس الثرموستات ولا من الكنترول.
وطبعا انت ليك حق مطالبة الضمان فى قطع الغيار الكهربائية انك تغيرها على الضمان ودة لازم التوكيل عندك يخاطب كولالمبور.

- وعامة البيجو فى الخليج مش منتشرة اوى لذلك الواحد بيسمع حجات غريبة عن التوكيلات عندكو وغالبا المهندس الفنى بيبقى هندى ولا حاجة وبعدين ايه موضوع ان كل شوية يكلمو كولالمبور دة امال هما بيعملو ايه؟؟؟؟؟؟؟
وتمنياتى لك بالتوفيق وربنا معاك

المشاركة الأصلية كتبت بواسطة DR.AMER HASSAN (المشاركة 548736)

سلام عليكم جميعا... كل عام و اننتم بخير...ز كنت عايز اسال يا باش مهندس اذا كان في موتور v6 طولي للبيجو ..... يعني يركب للجر الخلفي..... و اذا موجود .... يعمل كام بالفتيس و الضفيرة