رد: دليل الاعطال و الاصلاحات للفيرنا
 

انا ارشحلك الجيتز افضل .
و ده موقع شركة كونتكت . ادخلى علية حاتلاقى الاسعار و كذا نظام للتقسيط و ان كنت افضل النظام الاسلامى . انا اتعاملت بية معاهم و على فكرة نظامها احسن من البنوك بكتير
و ممكن من خلال الموقع تحسبى المقدم و الاقساط
http://www.contactcars.com/default.asp

رد: دليل الاعطال و الاصلاحات للفيرنا
 

يا جماعه انا عندى كركرة صوتها عالى فى تابلوة الفيرنا بتاعتى وروحت عملتها كذا مرة فى التوكيل و بترجع تانى
لول مرة فى قليوب ورجعت بعد اسبوع و اخر مرة فى توكيل فرعى والصوت رجع اعلى من الاول بعد 4 ايام بس
مش عارف دى سببها ايه و تبطل ازاى ؟

انا من اول ما استلمتها من المصريه و هيه كده للأسف

العربية عطلت
 

معايا فيرنا عاملة 1500كم جايبها من شهرين فجأة و انا ماشى على الثالث وقفت العربية فجأة و حلفت ما تدور
قعدت احاول لمدة نصف ساعة لغاية مادارت و مشيت بيها كذا مشوار و بطلت و دورت كذا مرة كله تمام و بعدين ركنتها تحت البيت ، تانى يوم حلفت ما تدور تانى اتصلت بطوارىء هيونداى 0101764206
من ساعتين و محدش سأل؟
ممكن يكون عيب ايه ده ؟

رد: دليل الاعطال و الاصلاحات للفيرنا
 

الونش جه و خد العربية للتوكيل فى ابو رواش و قالوا لى تعال بكرة استلمها
حاجة تقرف قلنا نجيب زيرو علشان نرتاح من قرف المستعمل لكن الظاهر ان الحكاية هى هى

رد: دليل الاعطال و الاصلاحات للفيرنا
 

رحت انهاردة و استلمت العربية بس الضمان طلع صح ماخدوش و لا مليم
الحمدلله

رد: دليل الاعطال و الاصلاحات للفيرنا
 

السلام عليكم ورحمة الله وبركاته
اولاً احب اشكركم علي الموضوع الجميل ده
انا عندي مشكلة ومشعارف هيا مشكلة ولا لا‘
انا معايا فيرنا 2010 عامل بيها 8250 كلم اول ما استلمت السيارة كانت بتحدف يمين وكان فيه رجه بعد ال 80 المهم وانا في صيانة ال 1000 قولت للمهندس علي الملاحظات ولكن قالي ان الجهاز عطلان اضبط زوايا ورصص بره
بعد كده ضبط زوايا ورصصت في بنزينة وطنيه الي عند مسجد السلام وكمان حطيت نيتروجين العربية بقت تمام لغاية من يومين بقت تحدف يمين بعد ال 100 وفيه رجه علي التسعين ممكن تكون الرصاصة وقعت اصل انا قلقان لان الراجل بتاع الزوايه او المجند بشكل صحيح قالي فردة الشاسية اليمين أقصر من الشمال ب 1 سم وده عيب دارج في خط الانتاج ودي مش أول عربية تجيلو ولما ضبطلي قالي هتحدف بعد فترة علي العموم انا رايح صيانة ال 10000 قريب وهقول لهم تاني يمكن يصلحو واسف اننا وجعت دمغكوا

رد: دليل الاعطال و الاصلاحات للفيرنا
 

هو فعلا فى الفيرنا 2010 فى بعض السيارات بها عيوب فى الهيكل . انا الفروق فى الشنطة و الكبوت و قوايم الباب مش مظبوطة . انت عارف التقفيل المصرى لازم يبقى فية عيوب دى سنة . انا رأيى انك ما تعملش حاجة برة التوكيل علشان ما حدش يتلكك عليها و ارجع لقسم الهياكل فى ابو رواش و ما تستناش لصيانة ال10000 . و صر على موقفك معاهم ما تخليش حد يبرمجك . و يا ريت لو تروح مركز خدمة يكون كويس يأكدلك العيب اللى فى الشاسية علشان تتكلم فى التوكيل بناء على معلومات واضحة .