رد: كل اللي نفسه في حاجة عن اللوجان يدخل هنا
اقتباس:
بس أنا لي ملاحظتين ولكن قبلهم لازم تعرف أن دي أول عربية كملةالأمكانيات أشتريها في حياتي وزيرو كمان أول ملاحظة أن لما بنزل أقضي مصلحة سريعة ساعات بسيب العربية دايرة لو معايا حد فيها كده حوالي 10 دقايق ولما برجع بلاقي مياه كتير بتنقط من تحت الموتور هل هذا طبيعي بسبب التكييف أم ماذا؟ ثانياً هل صوت الشكمان عالي دائماً والا دا العادي بتاع العربية؟ |
رد: كل اللي نفسه في حاجة عن اللوجان يدخل هنا
الف شكر على المجهود المبذول
جزاك الله كل الخير انشاء الله |
رد: كل اللي نفسه في حاجة عن اللوجان يدخل هنا
اقتباس:
اولا .. المياه اللى بتنزل فعلا من التكييف وكل شيئ على ما يرام ثانيا .. صوت الشكمان حيكون عالى شوية ودة نتيجة ان مافيش اى ترسبات كربون على الشكمان وعلبة البيئة (لسة جديد بخيره بقى ما شاء الله والله اكبر) ...................... فى اول عمر العربية حتسمع صوت العربية كدة عااااااااااان ... بعد ما تخلص تليين ويبدأ يتجمع الكربون سابق الذكر حتسمع صوت العربية الحلو vooohhhm الصوت حيهدأ و حيبدأ يتخن والصوت حيكون حلو جدا (صوت قوة الماتور ليس اكثر) لا تقلق كل شيئ فى افضل حال وتمتع بعربيتك ومبروك وكل سنة وانت طيب |
رد: كل اللي نفسه في حاجة عن اللوجان يدخل هنا
اقتباس:
وأذكرك بالحديث النبوي الشريف خير الناس أنفعهم للناس وأنت بهذا المقياس خير الناس بأذن الله وعلى العموم أنا أسمي إبراهيم الدملاوي مدير فندق بالغردقة واحب أن أسمع صوتك في التليفون ونعمل رابطة لمحبي اللوجان تجتمع مرة سنوياً بالغردقة أيه رأيك؟ على العموم دا تليفوني 0101713044 |
اقتراح لموضوع عن الصيانة الذاتية للوجان
السلام عليكم أخى الفاضل رينجو، بداية انا شاكر ليك زيى زى كل الزملاء الموجودين بالمنتدى اسهاماتك بالرد على الاستفسارات المختلفة، أنا عندى لوجان من حوالى 3 شهور ومتابعكم من قبل ما اشترى وان كانت اسهاماتى بسيطة. أنا ليا طلبين، الأول عندى مروحة التبريد اللى بتشتغل بعد العربية ما تقف بأحوال ساعات تشتغل وده نادر وغالبا مش بتشتغل رغم انى بكون قاطع مشوار فوق ال100 كيلو وممكن تشتغل بعد مشوار 5 كيلو مثلا بس جوه البلد. الطلب التانى عايزك تبدأ موضوع جديد على المنتدى بيتكلم عن الصيانة الدورية الذاتية للوجان، بمعنى الحاجات اللى لازم كل واحد منا يعملها للعربية زى الزيت وزيت الباور والفلاتر والكلام ده كله اللى انا مش فاهمه قوى ويا ريت يكون الكلام مدعم بالصور بالذات مكان فلتر الهواء وازاى يتفك ويتنظف كل قد ايه وهكذا، وانا فى انتظار ردك يا رينجو او رد الاخوة الافاضل الموجودين بالمنتدى.
|
رد: كل اللي نفسه في حاجة عن اللوجان يدخل هنا
اقتباس:
|
رد: كل اللي نفسه في حاجة عن اللوجان يدخل هنا
اقتباس:
الله يبارك فيك يا دكتور العربية لونها بترولي وعقبالك أن شاء الله ROSE4U |
الساعة الآن 06:14 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017